ازيكم يا بنات وحشتووووونى موت ماما زوزو وعروس النيل وعطر ومادو وميمسى وروشانا وامانى وهايا ومدام وائل وشيماء ونانا وايناس وزئردة وسها وبى هابى ولميا ونيرفانا وكل الحاضرين والغايبين
بحبكم فى الله

اه يامادو
الحياة بالنت جمييييييلة

جمال الراحة والروقان

الصحبة الطيبه
والمعلومة المفيدة
والاسترخاء الذهنى
جمال بايديك
تكمليه او بزر تفصليه
زيارة لو مش عجباكى بتنهيها بدوسة زر

صحبة من اختيارك وغير مفروضه عليك
زيارات متكرره غير مكلفة
ولاتاكسى ولا لبس ولا زحمة

جميل النت لو عرفتى متى ومتى
انا بصراحة لا احب تضيع الوقت ابدا

علشان كده بعمل حساب الاستفادة القصوى منه
او افيد الغير
مبادئ حياة والحمد لله
منه اضفت لمعلوماتى ولخبراتى
وعلشان اكون متأكدة من الاضافة لالالالالالالالازم انتج
اى شئ للبيت
او لابنتى
اوحتى اكتب مقالة صغيره اوزعها على زميلاتى فى العمل
الحمد لله الحمد لله الحمد لله
طبعا الحياة بالنت افضل كتيييييييييير وخصوصا لى شخصيا
انا وفرت مبالغ كتييييير
لشراء الكتب
المجلات المتخصصه
بل الغيت اشتراك احدى المكتبات العامة

السلام عليكم ورحمة الله وبركاته
ماما زوزو وحشتينى كلنا كنا مفتقدينك ويارب ما تتأخرى علينا لانك لكى لمسات فنيه ونفسيه مميزه
بالنسبه لموضوع الفساد هو ليس فى مصر فقط لكن هو فعلا الاعلام مركز على مصر أكثر
وبعدين لما تابعت فى رمضان برنامج خواطر ولقيت انه بيقول ايجابيات كثيره حسيت انها لها صدى نفسى
جميل وتعطى حماس غير عادى عكس التركيز على السلبيات بيكون محبط جدا
على فكره أنا اتعرضت لموقف فى العمره ما كنتش حابه اتكلم عنه أنا ومن معى من النساء
كنا فى مطعم وازواجنا سبقو وكنا على باب المطعم ننتظر تاكسى وجدت واحده بتصرخ
وتلفت لقيت رجل من اهل البلد وضع يده على منطقه حساسه عند الاخرى وقادم عندى
لا شعوريا خلعت حذائى لانى حسيت انه اصرع وسيله للدفاع لانه الرجل وصوله ليه اسرع من زوجى
والحمد لله زوجى وصلى وتقريبا كان حا يقتله وأمر ما فى الموضوع ان جميع عمال المطعم وجميع المارين
وقفوا يشاهدو الموقف ويضحكو وده كان سبب حزنى واسفى فى بلاد الحرم ولا توجد غيره او شهامه
والحمد لله كلنا حجابنا شرعى فالعيب ليس فينا
فالموقف مؤسف ما كنتش احب احكيه لكن هل معنى ذلك ان هذا النموذج السىء يمثل اهل البلد
لكن فى الصالح والفاسد وفى نماذج مشرفه من العلماء من اهل السعوديه لكن الخير والشر
يظل حتى قيام الساعه
انا ما كنتش حابه أحكى الموقف لكن لان الجريده يوميا تتكلم عن التحرجش الجنسى فى مصر
ولماذا التركيز على مصر فقط ما نعالج الظاهره عامة وليس فى بلد دون الاخرى
أنا بعتذر انى حكيت القصه لكن حبيت أختم بيها الموضوع ان العيب ليس فى مصر او غيرها
العيب فينا نحن البشر والنماذج المؤسفه والحوادث ال بنشاهدها يوميا لان الناس بعدت عن الدين
فلا يوجد وازع يحركهم وحتى نكون ايجابيين بنتى تعرفت من خلال منتدى على بنتين من اسكندريه
ما شاء الله لاقوة الا بالله نماذج مشرفه من الاخلاق والدين والعلم وانا اتعرفت على البنتين
كنت فى قمة سعادتى ان لسه الدنيا بخير وفى نماذج مشرفه والبنات مشتركين فى جمعية
الرساله لتوزيع الملابس على الفقراء ومنتظمين جدا على صلاة القيام فى رمضان أو غيره
وسمعت كلمه للشيخ القرضاوى ان مصر فيها العلماء والراقصات وده دليل ان العيب ليس فى مصر
العيب فى نفسية البشر اذا كان محب للعلم ام الرقص
والحمد لله تجمعنا ده اكبر دليل ان الدنيا بخير اننا مجتمعين على حب الله وطاعته وعايزين نربى صح ندير بيتنا صح

السلام عليكم جميعا..ازيكم يا صحبة الخير
ماما زوزو..أخيرا شفت مشاركتك ..من ساعة ما أنا اشتركت هنا ما شفتش حضرتك خالص..خفت يكون وشى وحش ع الموضوع..ربنا يكرمك ويعزك ويفرحك بولادك اللى برة واللى هنا
رجعت لقيت كلام كتير يا جماعة ..فساد الاخلاق والتعميم ..يمكن موضوع الاخت سكارليت هدانا شوية
الحكاية عاملة زى الفيل والرجال فاقدى البصر..جابولهم فيل وقالولهم بحاسة اللمس اوصفوه..وصف اللى لمس الخرطوم غير اللى لمس الودان غير اللى ايده لمست جزء مسطح من جسم الفيل...اللى لقى معاملة حلوة من "س" يبقى كل من هو"س" حلو واللى لقى معاملة سيئة من "ص" يبقى كل من هو "ص" سئ والبعد عنه غنيمة...دوروا حواليكم هتلاقوا اللى بيؤكد ان البلد الفلانية أحسن ناس وغيره يقول دول أسوأ بشر ومعاملة تلاقيها عندهم.....كون ان فيه جنسية معينة ما بترتاحش لجنسية تانية ده أكيد ليه؟ جذور بقى وموروثات ومفاهيم اتنقلت من جيل لجيل..حتى مفهوم المواطنة بقى مش ثابت من جيل لجيل ينتمى لنفس البلد ..
يمكن جنسية واحدة يكاد معظم الناس يفضلوها فى التعامل..لانها تتميز بحلاوة اللسان والذكاء فى المعاملة...ما علينا هى مين
وقد تكون مشكلة المصرى برة بلده ان كرامته بتنقح عليه ومش دايما بيعرف "يسايس" أموره ويمكن كتير عشان كده يقولوا علينا فراعنة مش بالمعنى الحضارى ..لا المعنى السئ ..مع ان أساسا ديننا يتفق تماما مع حفظ الانسان لكرامته وترفعه عن اخلاق النفاق والمداهنة
قلبتوا مواجع جامدة يا بنات..
الأخلاق يا عطر................................................................................................................
والله مش عارفة اقولك ايه..مش عارفة انتى سبق لك الشغل ولا لا..أنا اشتغلت وف مكان يعتبر متميز جدا ويفترض ان اللى فيه ناس ولاد....ناس..لكن لا تتخيلوا كم القرف وأنا اسفة انى أقول كده اللى أنا شفته...لكن برضه وسط الضلمة كان فيه نور

وسط الناس الوحشة اللى كل همها الفلوس والمناصب وأعمل ايه مش مهم عشان أنقل شقة جديدة أو أغير العربية
فيه الناس اللى كانت بتحاول تحلل كل قرش
فيه ناس كانت مش عايزة غير تسيب سيرة طيبة
الفصل التام بين العبادات والأخلاق ..اتكلم عليها زمااااااااااااااااااااااااااااااااااااااان قوى فهمى هويدى وقبل ما يبرزها عمرو خالد ربنا يعزه كمان وكمان ...
بس برضه..هنسيبها لهم؟
لما معظم الناس اللى نحسبهم على خير تمشى..يبقى بنقدمها لهم على صينية من دهب...
من كام سنة كده ابراهيم عيسى كان كتب مقال اسمه ايه...س "هم ليه فاكرينا عزبة أبوهم؟...ج: يمكن عشان هى فعلا عزبة أبوهم
لا بقى هى مش عزبة حد
دى بلدنا كلنا ومهما لفيتوا يا بنات ولقيتوا نضافة " نضافة بمعناها فعلا"
ولا لقيتوا حسن معاملة وحسن تقدير لآدمية الإنسان
بينكم وبين نفسكم ..مش برضه بتتعاملوا على انكم " مش مواطنين"؟....يمكن الهجرة تكون حل أخير بقى...للى زهق خالص
أنا والله مش بقول كلام ****
اوعوا تنسوا اننا بنربى ولادنا
لو كبروا على المفاهيم دى.....................مين اللى هيستنى ؟
يلا شوية فضفضة وراحوا لحالهم
راجعة تانى ان شاء الله