عايزة أسلم على الكل بجد...عشان مش عايزة أنسى حد...بافتقدكم بجد لما باغيب كم يوم ..ربنا يجمعنا على خير دايما
اخبار الناس التعبانة ايه..ربنا يعفو عننا جميعا
اخبارى فى الشتوى
عملت حاجة الحمد لله بسطتنى قوى
كنت محتفظة بطقمين كانوا لابنى وهو بيبى خالص ..كنت باعتز بيهم قوى أول طقمين شتوى لبسهم ..وكمان شوز طول الصباع بالضبط
عادة سيئة..وافتكرت الصحابى اللى كان بيحب ينفق مما يحب ...وراحوا لصاحب نصيبهم الحمد لله..زعلت عليهم؟؟؟؟....شوية صغنتتين وبعدين خلاص ...قاعدين لى عند ربنا ..مش كده؟
عملت زى طريقة قريتها من فترة بس مش فاكرة فين
كيس للحاجات اللى ما لبستهاش الشتا اللى فات ..يبقى أكيد مش هألبسها الشتا ده
كيس لحاجات بنوتى برضه اللى صغرت عليها ومن ضمنها شرابات وبوتات
كيس لحاجات مش هتتلبس بره ممكن نلبسها فى البيت ودى برضه فرزتها بعد كده وجزء منها خرج لصاحب نصيبه
مش باستعمل النفتالين ابدا ..صابونة قطعتها ووزعتها فى شرابات زوجى القديمة غير الصالحة للاستعمال وربطتها ووزعتها فى الشنط والاكياس
أنا بقى عندى تحت السرير وكمان ف الدولاب ..أصلى أنا وزوجى كائنات شتوية جدا
أخبار الريجيم اييييييييه؟
مادو..هتبتدى يوم السبت؟ حافظة اهه مش ناسية

بمناسبة الأخلاق..والدين ...
عجبتنى الحدوتة دى..وحكيتها لإبنى بشكل مبسط:
.
.
.
.

وقف دكتور جامعي قبل محاضرته في الفلسفة أمام تلاميذه وقد أعدّ مجموعة من الأغراض على الطاولة، ووسط صمت الطلبة تناول جرّة زجاجية متوسطة الحجم وراح يملأها بكرات (الغولف)، ثم سأل الطلاب : أترون؟ إنها ممتلئة، أليست كذلك؟ فأجابوا: نعم، هي كذلك.
بعدئذ تناول الأستاذ الجامعي صندوقا مليئا بالحبيبات الرملية وراح يديرها في الجرّة، ثم خضّ الجرّة قليلا فملأت الحبيبات الرملية الفراغات بين كرات الغولف، ثم سأل الطلاب: الجرّة الآن ممتلئة أيضا، أليست كذلك؟ فأجابوا: نعم، هي ممتلئة.
بعد ذلك تناول بروفيسور الفلسفة صندوقا من الرمال الناعمة (التراب)، وسكبه في الجرّة التي يفترض أنها ممتلئة كما أجاب الطلاب، فانتشرت الرمال الناعمة فيما تبقى من فراغات، ثم سأل أستاذ الفلسفة طلابه: هل الجرّة ملأى؟ فأجابوا باستغراب: نعم، هي ممتلئة.
بعدئذ تناول الأستاذ الجامعي فنجانين من القهوة وسكب محتوياتهما في الجرّة حيث انتشرت القهوة في الفراغات بين حبيبات الرمل.
ضحك الطلاب، فقال البروفيسور: والآن أريدكم أن تفهموا بأن هذه الجرّة تمثل حياة الإنسان، وأن كرات الغولف هي الأشياء الرئيسية في حياتكم كالدّين والعائلة والأطفال والصحة والأصدقاء والأشياء المحببة إلى نفوسكم، هذه الأشياء لو كانت هي فقط في حياتكم لكانت الحياة ممتلئة ولا ينقصها شيء.
واستأنف البروفيسور قائلا: أما الحبيبات الرملية فهي أشياء أقل أهمية ولا تعني الكثير لحياتكم (الجرّة) ألا وهي ماهية الوظيفة وما يرافقها من مشاكل، والمنزل وما يتبعه من صعوبات، والسيارة وغيرها مما يوازي هذه الأشياء، فهذه الأشياء متوفرة عاجلا أم آجلا، وهي إن غابت لا تنقص من جوهر الحياة شيئا، أما الرمال الناعمة (التراب) فتمثل كل الأشياء الصغيرة الأخرى في الحياة.
واستأنف الأستاذ الجامعي قائلا: أترون؟ لو أننا وضعنا الرمال أولا في الجرّة لما تبقى للأشياء الأخرى مكان، وهذا يعني أن اهتمامنا بالأمور التافهة يشغلنا عن الأمور الرئيسية ويستنفد طاقاتنا في مسائل لا تغني ولا تسمن من جوع، وعليه فإنه من الضروري تحديد سلّم الأولويات، ومن المهم الانتباه إلى عوامل السعادة وإعطاؤها الأولوية الأولى، ألا وهي أركان الحياة الرئيسية (كرات الغولف) والباقي ما هو إلا رمال.
إحدى الطالبات رفعت يدها وسألته: وماذا تمثل القهوة؟ فأجاب مبتسما: أنا مسرور بسؤالك هذا، القهوة هنا تعني أنه مهما كانت حياتك ممتلئة فإن ثمة متسعا لفنجان قهوة مع من تحب................

حلوة بجد مش كده؟

يمكن أدخل أسلم تانى بالليل
ربنا يسعد أيامكن بطاعته

سها جزاك الله خيرا قصه رائعه
ودائما يكرر دكتور عمر عبد الكافى هذا المضمون اهتمامنا بصغائر
الامور فشغلت وقتنا وتفكيرنا ونسينا ما هو أهم
عجبنى الموضوع ده حسيت انه مختصر لكنه فيه الخلاصه
جزاها الله خيرا صاحبة الموضوع ونفعنا الله جميعا بما فيه من خير
http://forum.hawaaworld.com/showthread.php?t=1266802

سها
بجد القصه معبره اوي و رائعه تسلم ايدك يا حبيبتي


عروس
الموضوع حلو اوي و فعلا لو قررنا نقاوم و نحوط نفسنا بحاجات بسيطه اكيد احساسنا هيعلا