انا اسفة يا جماعة على التاخير اصل انا والباشا الصغير اخدنا دور برد محترم
طريقة الشوكولاتة:
باكو شكولاتة مطبخ 250جم اللى بالسكر مش الغامقة+ربع كوب لبن"ممكن لوعايزين كريمة للخفق بتاعة جهينة وبتزودى الكمية لان هى بتتخن مع الشكولاتة عكس اللبن
نكسر الشوكولاتة ونحط عليها اللبن فى وعاء زجاجى على حمام ماء ساخن "او فى الميكرويف وتقلب كل 30 ثانية"
بعد ماالشكولاتة تسيح نضع ملعقة ممسوحة نسكافيه+ملعقة ممسوحة قرفة ونقلب
يمكن اضافة البندق مجروش ناعم للخليط
وبعد كدة نضعها فى برطمان معقم ومحكم علشان تبرد وبعدين نقفله وندخله الثلاجة
على فكرة ممتاز جدا مع الكيكات وخصوصا الكب كيك
جربوها ولو عجبيتكو ادعولى

جميله قوى طريقة الشوكلاته
ان شاء الله اجربها واقولك النتيجة

سلامى لكل ستات البيوت الشاطرين قوى

ماما زوزو وحشتينا جدا
فطوم..... يارب الشوكولاتة تعجبك ولو عايزة كمان انا استاذة فى chocolate cake
دايما بعملها لجوزى فى عيد ميلاده وبيطلع شكلها زى الجاهز بس الطعم احلى كتيير

زوجة مصرية جزاك الله خيرا على الرابط
فعلا انا كنت بدور على كده من مدة
ربنا يهدى ويكرم ان شاء الله

ويجازى صاحبة الموضوع خيرا

صباح الخير ..جمعة مباركة ان شاء الله
نانا2000 ..ما تزعليش يا قمراية هى فضفضة مطلوب بس تطلع من وقت للتانى عشان الإنفجار مش كويس

الملكة الرومانسيبة..والله ليا كذا مرة عايزة أرد عليكى بس العتب على الكيبورد هههههه
اهلا بيكى معانا" قال يعنى انا هنا من زمان..هههه" تنورينا وتكترينا

:26::26:6::26::26::26:enn
تحفة طريقة النوتيلا دى ..ابنى بيحبها جدا وأنا كمان نفسى انه يتخن حبة كده فبجيبها على طول بس هأجرب طريقتك
بصى بقى أنا ليا طلب ..ربنا يكرمك عشان شكلك شطورة:32:
أنا نفسى من زمان حد يقوللى طريقة تزيين التورتات بس بالتفصييييل الممل
يعنى الألوان بتتجاب منين واسمها ايه بالظبط؟
ايه أحسن كيك تتعمل بعد كده تورتة
هو أنا مش خايبة قوى يعنى ف الموضوع ده..بس دايما باستسهل الجاهز ومن ساعة ما جيت هنا قررت اكون ست بيت شاطرة بجد..كنت باعمل ساعات تورت بس غالبا بتبقى كريمة وشوكولاتة بس
يعنى الكريم شانتيه جزء منه سادة وجزء منه عليه كاكاو وخلاص وباستخدم ساعات كومبوت الأتاتاس
بس ...أكتر من كده ...خيبة وقوى كمان:04:
انا عايزة أعرف باقى الألوان والحاجات التحف اللى بتكون فى التورت بتتجاب منين واساميها وأحسن أنواع ايه؟
كل ما أدور ع الموضوع ده الاقى ناس كاتبة حاجات مش موجودة أساسا ف مصر
أنا والله باحاول أجتهد بس بأستخصر أضيع مكونات الكيك ف حاجة مش هتتاكل بعد كده
حماتى الله يرحمها كانت شاطرة جدااااااااااااااااااااااااااا ف الحاجات دى بجد كانت بتعمل تورت ولا لابوار ، يعنى زوجى مش متعود على أى مستوى
ووالدتى كمان بس برضه الله يرحمها ما لحقتش أتعلم منها....
ايه كورس الشحاتة ده ع الصبح ؟؟؟؟؟؟؟؟؟؟؟؟؟؟؟!!!!!!!فاضل أقول حسنة قليلة:icon33:
بصى حابة تكتبى هنا أوكيه
عايزة تفتحى موضوع وتحطى اللنك هنا قولى لنا
يلا عشان أدعيلك

يلا صباحكم زى الفل ان شاء الله