سها فعلا القصة حلوة بجد فعلا استاذ فى الفلسفة:cool:
عروس شكرا على الرابط فعلا بين وقت والتانى لما بتاخدنا امور الحياة بنبقى محتاجين نرجع نطهر قلوبنا ونقى نفوسنا

ماماا زوزو
وحشتينى بجد
وحشنى كلامك واسلوبك وروحك الحلوة دى
ربنا يديكى الصحة يا رب ويبارك فيكى

عروس ..مش بقولك بنحتاج دايما قرصة الودن دى...موضوع حلو أوى سيفته عندى ...يا رب يا رب اتفذ نص اللى فيه

بصوا يا بنات اللنك ده
http://forum.hawaaworld.com/showthread.php?t=953249
مشجع جدا بجد بكل ردوده ..ما شاء الله ربنا يبارك لها صاحبة الموضوع
دورت كمان على باقى مواضيعها ..كلها تستحق القراءة وبتمعنننننننننن

سها
انا فعلا كنت قريت الموضوع ده من فترهو بجد ريجيمها تحفه
و انا سيفته عندي و غالبا هبدا فيه ان شاء الله

وحشتوووووووووونى .. بس زعلانة من البنات اللي نفسهم يهاجرو ويسيبو مصر ..
هاقولكم حاجة .. فى اذى وتعب ومشقة وهوان اكتر من اللي شافهم حبيبنا الهادى محمد عليه افضل الصلاة والسلام من اهل مكة .. حاربوه واتهموه بالجنون وكذبوا بالدعوة وحتى شرف اهل بيته العظيم ما سلمش منهم .. ومع ذلك بكى بمرارة لما حان وقت فراقه عنها بعد ما ربنا امره بالهجرة واقسم بالله انها احب بلاد الدنيا لنفسه وقلبه .. الوطن هو الوطن .. وزى ما شيماء بتقول مين اللي هايصلح ويعدل الاحوال لما كله يفكر فى الهجرة .. دى بلدنا مهما تشوف هاتفضل طول عمرها بلد الامن واهلها خير جنود الارض .. مش ده كلام القران الكريم .. غمة وتنزاح على ايدينا وايدين ولادنا ان شاء الله .. وفى الاخر لا يصح الا الصحيح .. بجد بازعل قوي قوي من اللي يقول ماعدش بيحبها .. هو الحب بايدينا .. يعنى ممكن الواحد يختار دولة تانية مثلا ويقول انا هاحب دى وهاعملها بلدى ..
زمان وانا صغيرة كنت باربي عصافير للزينة .. لما كان عصفور منهم يطير بره القفص كنت الاقيه بعد يوم او يومين راجع تاني يحوم حواليه .. وساعات امسكه وادخله تانى .. شوفتو العصفور المحبوس بيحن لبيته رغم انه سجن .. طب واحنا لو هاجرنا مش هانحن للشمس الدافيه ..لحتة ارض ولو مترين فى مترين ورثناها عن جدودنا .. لمنظر نيلنا الساحر فى شمس العصرية والمية فيه زى الفضة السايلة .. ماتزعلوش منى .. زعلت منكم .