السلام عليكم

عروس انا لانى عارفه اسلوبك وطريقتك فى الكلام والنصيحه استغربت من القصه شويه انا اتوقع انك لو فى مكان الراجل ده هتكونى جريئه وهتنكرى المنكر بلسانك بس باسلوبك ممكن تبقى شديده فى كلامك بس مش هتدعى عليها
وكويس انك فتحتى موضوع الامر بالمعروف والنهي عن المنكر لانها من أفضل الأعمال الصالحة وأجلها وأحبها الى الله
قال تعالى " ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون "
وفعلا الاسلوب مهم انا انا مرة سمعت الحبيب على وهو من احسن الداعيه فى نظرى
بيتكلم عن اسلوب انكار المنكر فى بعض الحالات لا يجب ان يكون اجبارى زى بعض الدول اللى بتمنع البيع والشرا اجبارى فى وقت الصلاة
وحكى عن بعض اصحاب المحلات انهم بيقفلو الابواب على نفسهم او يصلو مش ابتغاء لوجه الله
فمدوش مساحه لضمير الناس دى انهم يلومو انفسهم وزى مبتقولى توصل لحد العند والعياذ بالله
وكل سنه وانت طيبه يا جميله ويا رب البنات كلها تدعو ليكى النهارده
وربنا يعتقنا جميعا من النار يا رب
ميمسى
شكرا على التذكرة بالمعلومه وزى ما قلتى فعلا اوقات بنبقى عارفين المعلومه الصح ولكن بنبقى عايزىن حد يفكرنا ديما
وساعات بنبقى عارفين معلومه ومش بنستفيد منها بطريقه عمليه زى دراستنا بالظبط بننجح ونجيب تقديرات واحنا فى الواقع مش بنقدر ننفذ حاجه ويمكن دا اللى خلى من عمرو خالد داعيه يستحق الابحاث والمناقشه لانه عمل صحوة فى المجتمع واعتقد ان السبب ان قدر يجمع بين القراة والمعلومه والعلم وبين التنفيذ على ارض الواقع وفى حياتنا
yodaa
طبعا مرحب بيكى تنورينا
مدام وائل
يعنى انت موافقه على اقتراحاتى؟ولا الموضوع كبير علينا؟؟

رانيا
الروابط جميله ويا رب تشوفى بناتك حافظين القران كله يا رب
وايه رايك فى فكرة الموضوع الجديد اللى عايزين نفتحه بعد رمضان؟؟؟
ياريت بجد تقولى رايك فى الافكار اللى قلناها؟
واسفه على التطويل

السلام عليكم ورحمة الله وبركاته
اليوم كان فى برنامج اسمه خواطر كان سؤاله للناس تعتقد لو الرسول عليه الصلاة والسلام
كان موجود وعايش بينا كان حصل ايه
سرحت جدا مع الموضوع واقشعر بدنى للسؤال ياترى فعلا لو الرسول عليه الصلاة والسلام بينا
ايه الاعمال ال كنت حا احكيها له وافرحه بيحها انى عملتها ولا ياترى حا اخجل انى اقابله وابكى
ندم انى لم افعل شىء للاسلام لكن اول ما دار فى ذهنى هو تجمعنا اننا بقدر استطاعتنا
وبقدر معلوماتنا الدينيه لكن بنشجع بعض وينعين بعض على الخير
وايضا حلقة عمرو خالد كانت كلها عن الايجابيه واننا لازم نكون ايجابيين حتى لو تغيرى وتنصحى
فى عمارتك فحسيت بشعور انشراح وحماس وتفاءلت خير لتجمعنا
فاول ما فتحت لقيت مادو بتقول لمدام وائل انتى موافقه على اقترحاتى ولا الموضوع كبير علينا
لا يا مادو الموضوع مش كبير علينا ان شاء الله لازم نكون ايجابيين ونتخيل ان الرسول عليه الصلاة والسلام بينا
حا نحكى له ونقول له من بيتنا وفى حدود امكانياتنا حاولنا نقدم الخير للاسلام ونعين بعض على الطاعه
ويوم القيامه كل مسلم سوف يسأل ماذا فعلت للاسلام ان شاء الله يكون تجمعنا شاهد لنا
لازم نجتهد ونفكر حا نعمل ايه وافكارنا تكون عمليه وننفذ ونا خد بايد بعض مش نتاثر بالكلام
ولم ننفذ منه حرف احتمال فى ناس لما بتسمع الكلام من داعيه او عالم بتشعر بضعف وتقول هو كده
لانه عالم لكن انا صعب انى اتفرغ للعباده والدين لانى مش عالم فاحنا هدفنا لا مش صعب
كلنا امهات وزوجات ومش علماء لكن الدين حا يكون منهج حياتنا ازاى نصلى وازاى نربى
خلاص يا مادو حا نبدا بعد رمضان بروح جديده ونقول لربنا الحمد لله قدرنا نعمل حاجه للاسلام

ازيكو يا جماعة وحشتونى......بارك الله فيكم يا احلى صحبة
بجد والله ربناجعلكم سبب فى تغيير حاجات كتير فى حياتى
ربنا يخلينا لبعض ودايما ان شاء الله نستفيد من بعض فى طريقنا للتقرب لله

السلام عليكم
ازيكم يا بنات
ان شاء الله تكونوا كلكم بخير
علي اليوتيوب يا بنات روابط لاطفال ما شاء الله اكبر في قراؤه القران و سنهم صغير انا بافرجهم لبناتي كعامل تشجيع بيتبسطوا جداااا
ربنا يجعلهم ان شاء الله هما و اولاد المسلمين من حقظه القران الكريم يارب
مادو انا طبعا معاكم ان شاء الله و موافقه علي الفكره بس الاهم انها متبقاش فيها اي فتوي من اي واحده فيناالا من مكان موثوق منه يعني شيخ او لينك معروف علشان مشناخد زنب اي حد
و انا فعلا معاكي اني لاقيت ان في كتيييير معلومات مكتوبه في فقه السنه ( انا اللي باقراه بتاع سيد سابق) كتيير اوي مش يعرفوها مع انها بسيطه جداا و اساسيه
ربنا يجعلها يارب في ميزان حسناتنا جميعا
موضوع التجويد انا معاكم لاني حاليا بادرسه مع مجموعه هنا في اليابان بس للاسف علشان فرق التوقيت مش عارفه اقولكم عليها لانها هتكون الساعه 7 الصبح تقريبا او قبلها بتوقيت مصر بس انا معاكم و كل ما اتعلم حاجه اقولها معاكم ان شاء الله انا فاضلي المد و احكام الراء ان شاء الله
في كمان برنامج للشيخ محمود المصري اسمه مسك الختام حلو اوي ما شاء الله عليه
مش عارفه الاقي لينك لتحميل حلقات طارق سويدان لانه بيحكي عن التاريح و انا مدمنه تاريخ الحقيقه لو حد لقاه علي الت ياريت يحطزه هنا لو سمحتم
جازاكم الله خيراااااااااااااااا

http://www.learnquran.mohdy.com/detail_page.aspx?p_name_english=as1



يا بنات نصيحه اللي عايزه تتلم تحويد من هنا
الشيخ ايمن رشدي سويد
ما شاء الله
مش تنسوني بالدعاء لي و لاهلي بالهدايه