ازيكم يابنات عاملين اية

وحشتوني قوي ماشاء الله الملف دة مليان حاجات ومواضيع جميلة قوي قوي

الواحد عايز بعد رمضان ان شاء الله يجمع كل الي اتكتب لئنة مفيد قوي ربنا يبارك لكل وحدة كتبت معلومة تفيدنا بيها ويجعلة في ميزان

حسنتها ان شاء الله

السلام عليكم ورحمة الله وبركاته
عايزين يا بنات نشهد الهمه لاننا خلاص داخلين على العشر الاواخر بدا العد التنازلى
يارب ينتهى رمضان وكلنا من عتقاؤه ووالدينا وابنائنا وازواجنا وجميع المؤمنين والمؤمنات
لان فى ناس بتشد الهمه وبتفتر فى نهاية رمضان وتنشغل بلاستعداد للعيد
وايضا فى ناس بتجتهد وتصلى فى الليالى الوتريه فقط والاسف دى الاخطاء الشائعه
فى نهاية رمضان عايزين نشد الهمه اكثر ونجتهد فى الدعاء وندعى لبعض بالعتق من النار
ربنا يعنا جميعا على ذكره وشكره وحسن عبادته
رانيا جزاك الله خيرا على الرابط وانا معاكى طبعا فى مسالة الفتوى لانها مسؤليه خطيره
وانا شخصيا لست كفؤ لها لكن ننزل روابط فتاوى للعلماء الثقه ومنهم ابن عثيمين رحمه الله
ايضا يابنات فى موضوع الصلاه لابد للمراه ان تستر قدميها بالبس شراب او يكون اسدال الصلاه طويل
وساتر للقدمين لان ه خطا شاءع بين الناس اتمنى تنتبهوا له

يا بنات

يا ريت تدعولى ربنا يحفظ جنينى ويتم الحمل دة على خير
لانى حاسة ان الحركة قلت اليومين دول وخايفة يكون من الصيام وفطرت يوم عشان اشوف
والحمدلله احسن
بس ياريت تدعوا لى

السلام عليكم

فين باقى البنات؟؟؟؟ يا رب تكونو بخير جميعا
وجزا الله الموجودين والغايبين كل خير
وفعلا يا عروس اقترب العشر الاخيرة من رمضان
اللهم تقبل صيامنا وقيامنا وبلغنا ليله القدر اللهم امين
واجعل تجمعنا لارضاء الله عنا جميعا يا رب ودايما فى الخير
ميمسى
ربنا يحفظك ويحفظ جنينك باذن الله وطمنينا عليكى دايما ان شاء الله خير
رانيا
انا فضلت ابحث لحد ما لقيت رابط اصلى نفسى اعمل واجب معاكى مرة
http://www.alresalah.ws/index.jsp?inc=43&pid=119&type=1
هو على موقع قناه الرساله بس سجلى نفسك الاول
وسلام وكل سنه وانتم طيبين

السلام عليكم جميعا

معلش بقالى فترة مش معاكوا بس مزاجى كان مش حلو الاسبوع اللى فات

بنتى بتفتح التلاجة تشرب وقعت على رجلها ازازة مية صباع رجلها اتقطع الحمد لله على كل شيء وكنت انا وماما وبنتى الصغيرة لوحدنا بقيت مش عارفه اعمل اية

قدر ولطف الحمد لله كلمت خويا لقيته قريب شلتها نزلت بيها و استنيتة فى الشارع ورحنا لاقرب مستشفى والحمد لله لقينا بالصدفة جراح موجود نبتشية و قال لازم يتخيط حالا والا مش هايرجع زى ما كان ويتشوه

مش قادرة احكيلكوا بقى على اللى عملته انا بقيت اعيط على صريخها الحمد لله على كل شيء

قدر ولطف الحمد ان جت فى صباع و ان الازازة ما اتكسرتش على رجلها الحمد لله على كل شيئ

هى الحمد لله احسن وبتمشى عليها على خفيف طول الاسبوع كانت خايفة تحط رجلها على الارض ولا على كعبها حتى

ان شايلة هم دلوقتى لما تروح تفك الغرز البنت مش متقبلة فكرة انها تشوف دكتور تانى ولا تروح عيادة او مستشفى وبس لو حد لمح لكده تفتح فى عياط هيسترى

ادعولها تعدى على خير ويعدى يوم فك الغرز وماتحسش بيه حبيبتى