يا مساء الخير على عيونكم الحلوين ...بقا كده الواحد يتفك معاكو بكلمتين وكأنكو ما سدقتو وهاتك يا ضرب ... طب ايه رأيكم بقا اني ببقا ناسيه تماما اني موش مصريه وانا معاكم ومع اي حد من ريحتك يا مصر ... طب بتفكروني ليه ..اخس عليكم ظنيتو فيا ظن السوووووووووووء ... ولا جيه في بالي ...
وبعدين انا اليومين دول الدنيا متكركبه معايا ... وموش عارفه ازبط المواعين ههههههههههه ... الست سجى هانم بتسنن بس بطريقه معمليه فذه دونا عن اخواتها السابقين اضف الى ذلك عندها دور برد ... ماسكه في رقبتي وهات اللي يفكها ... وما فيش نوم ولا اكل ...
وعندي حتة بنت تدعى جنى شقاوة ايه وزن ايه وعفرتة ايه ونعبشه في كل دولاب وكل درج وفي كامل تألقها ونشاطها اليومين دول ... الظاهر موسمها مع موسم البسله ...



بصراحه يا شيمو حسيستيني كأني صحفي مبتدئ بيشتغل في جرنان مغمور واهله بيشجعوه...ههههههههههههه
تسلميلي يا قمر



ميرسي على الكومبليمو اللطيفه دي ... بس بس يا نيرفانا ما تزويديش عن كده والا حتغر ومحدش يقدر يكلمني...
والله طيبه يا نيرفانا وقلبك كبير بالرغم من اني خاضاكي كام مره في بيت العز وبالرغم من ذلك ما هنتش عليكي ...
ربنا يخليكي ليا يا حبيبتي وما اتحرمش



المشكله لو القضيه اتعرضت عليا هههههههههههه ... بس بردك ولا يهمك ححكم لصالحك ما انتي اختي وحبيبتي وزميلتي في مكافحة ارهاب الاطفال ضد امهاتهم الغلابه ...



يا حبيبتي يا عروس كلامك صح ميه في الميه ...ويا رب نحج كلنا مع بعض ..وكلامك عن الحج اعادني لذكريات جميله في الحج ... انا حجيت من خمس سنين



حاضر يا لملومه انا جيت اهو ...متأخره شويه معلش ما هي غلطتك ... ما حيلتنيش بالشوكولاته كنت نطيت على طول جوه القعده..



ربنا يحبب جميع خلقه فيكي يا ميمسي يا عسوله ...


النهارده بقا موش عاوزه اقلكم على اللي جرا ...قلت اروح اجيب للولاد لبس العيد ويا ريتني ما رحت ... ما فيش هدوم ممكن او ينفع انها تتلبس ... المعابر كلها مقفوله وما فيش هدوم ... بجد اتصدمت ... طب الولاد حيعيدوا ازاي دي الفرحه الوحيده اللي ليهم في العيد ... كان نفسي اطلع باي حاجه بلوزه بنطلون اي حاجه ابدا ولا قدرت اشتري حتى خيط ...الولاد بيقولولي خلاص ما فيش عيد السنه دي ... قلتلهم ازاي العيد ده عيد ربنا وحتى لو من غير هدوم جديده ...وان شاء الله ربنا حيوفقنا اننا نجيب هدوم جديده ... ادعولي يا بنات بجد الموضوع موش سهل دي فرحه الاولاد بتبقى باللبس الجديد ...حسبي الله ونعم الوكيل في البعدا ربنا يكسر فرحتهم زي ما كسرو فرحة اولادنا ...

المهم رجعت من كتر اللف اترميت على السرير ما درتش بحالي كأني في غيبوبه ...صحيت عندي صداع جامد ...خدت مسكن ... وعملت شوية حاجات في البيت ترتيب كده على الماشي ... وغسلت هدوم كنت مأجلاها منذ زمن ما ينفعش تتغسل غير على ايدي ... وقليت بتنجان وكوسا وبطاطس علشان حعمل بكره ان شاء الله مقلوبه ...

اه نسيت اقلكم امبارح اشتريت كريم ليلي اولاي وكريم لوريال آكتف فيوتشر للنهار وبيبي اويل وكام صباع روج وجل للعنايه بمنطقة العين ... وقررت المره دي استعملهم ...كل مره بشتري وبيبقى مصيرهم الرمي ... وكنت بشتري ماركات لانكستر جيفنشي اف سان لورو وحاجات تانيه سواء للوش او للجسم ... وعملت سنفره بعسل مرمل ومسحته بمية الورد ...وكان حلو وحاسه ان وشي احسن ...

يا ريت نعمل جدول للعشر ايام دول للاهتمام والعنايه بجمالنا و حد يجمع الوصفات اللي بتتقال والنصائح ويعملها في ملف وورد اصلها بتوه مننا ... انا عن نفسي تاهت مني
ربنا يقدرنا على طاعته وارضائه في التسع ايام الاوائل من ذي الحجه وانا نزلت جزء من قرائة الشيخ المنشاوي .. وان شاء الله كل ما اخلص جزء حنزل اللي بعديه ...

ودمتم سالمين

سجى اليل

مع اني كاتبالك كلام اد كداااا بس انت طنشتيني
ومع ذلكمش هزعل ....شفتي بقى انا حلوه ازاي؟؟
والله يا نيرمين قطعتي قلبي من كلامك
يعني حتى اللبس محرومين منه
حسبي الله و نعم الوكيل
بس هنقول ايه غير كدا
المهم انت حاولي تفرحي الولاد بحاجه تانيه
اي حاجه بيحبوها عشان يا قلبي متتكسرش فرحتهم
ربنا معاكو و يصبركوا
المهم برافو عليكي جبتي الكريمات و الحركات
بس المره دي مش هنرميها ان شاء الله
انت بس عودي نفسك بالغصب لمده اسبوع
و بعدين هيبقى روتين


صحيح يا بنات ياريت اللي له في الوورد يجمع الوصفات
اصلي معنديش خلق للاسف لموضوع التجميع و التظبيط



بليز يا بنات متنسوش موضوع مكاتب التوظيف اللي طلبتها منكم اصل الموضوع ضروري اوي

موضوع راااااائع جزاك الله خيرااااا وفعلا جه في وقته

عطر حبيبتي ... انا اقدر اطنشك دا انتي خبيرة التجميل بتاعتنا ... يا نهاري دا ممكن وشي يتشلفط لو عملت كده ...انا يا حبي رديت عليكي في الصفحه التانيه في ملفنا ده بس جايز ما خدتيش بالك ...
وميرسي يا حبيبتي على رسالتك...ويا ريت اقدر اعيش تاني في مصر ...بس صعب الظروف اتغيرت ...
معلش يا عطر حاجه بقا للعنايه بالجسم من ترطيب وتبييض وشد وسنفره ودوكو وكهربا :hahaha: داخله على طمع ...وكمان للهالات السوداء تحت العين انا سمعت عن قشر البطاطس او بشر بطاطس تبقى اتحطت في التلاجه وكمان يا ستي سمعت عن مكعبات تلج معموله من البابونج ايه رأيك في الكلام ده ... ولو حاجه منهم اوكي يبقى كام مره في االيوم والمده اللي بيتحط فيها أد ايه ....

وحشتووونى ومعلش الفترة اللي فاتت سامحونى عليها 00 اصل الجهاز عمل الدنيئة معايا وغيرنا كله من الالف للياء 00 وحشتوووونى جدا وكل ستة وانتو بالف الف خير 00 امانة عليكو تدعو لحماتي 00 المفروض هى مسافرة تحج بس عندها شوية مشاكل فى الاوراق بتاعتها يا ريت يا بنات تدعولها يتمم سفرها على خير وتلحق الموسم ده 00 الدعاء امانة وبالذات اليوم جمعه وعقبالكو كلكو يا رب 0