السلام عليكم ورحمة الله وبركاته
ايمان جزاك الله خيرا على كلماتك الرقيقه والحمد لله عشان هدفنا واحد اكيد حا نكون متفقين فى حاجات كتير
مش عارفه ليه حسيت بخوف لما قلتى نكتب عن تفاصيل يومنا فى خلال اربعه وعشرين ساعه
يمكن لان الموضوع تزامن مع طريقه جديده متبعها زوجى مع الاولاد كل تصرف منهم يقول لهم
يا ترى مين حا يكتب ملك الحسنات ولا ملك السيئات الكلمه دى خوفتنى جدا وبقيت قبل كل تصرف حتى لو داخله المطبخ
افتكر الكلمه دى يا ترى مين حا يكتب وحا يكتب ايه فالكلمه دى خلتنى دايما موضوع استحضار النيه قبل اى عمل
لان فعلا ما فيش عمل بعمله على مدار يومى غير وله حساب
ولما قلتى اكتب تفاصيل اليوم خفت لانى اكيد حا أشوف تقصيرى اكيد كلنا بشرعندنا أخطاء لكن لما بتمر أمامنا
اكيد بنخاف وف نفس الوقت بنفرح ان لسه معانا وقت اانا نصلح ما فاتنا
موضوع أهمية الوقت وان كل دقيقه ما تمرش غير بحاجه مفيده أنا كنت عايشه الاحساس ده جدا
بعد رجوعى من الحج كان عندى احساس بالراحه النفسيه والهدوء غريب عمرى ما حسيته
لكن كا جوايا رعب غريب لاحساسى ان الصفحه بقت بيضاء فكنت كل يوم قبل ما أنام أحاسب نفسى
بصدق يا ترى انا حطيت كام نقطه سوده اليوم فى الصفحه البيضاء
فانتى رجعتينى للاحساس ده ان اليوم لما يمر قدامى بتفاصيله الدقيقه لازم حا اسال نفسى
ياترى الصحيفه النهار ده فيها كام نقطه بيضه وكام نقطه سوده
بجد والله بصدق مش عارفه ليه خايفه
حا اروح دلوقت وليار اجعه عشان اكتب يومياتى بالتفصيل

الكل وحشنى جدا

النونو الجميل بتاعى دلوقتى بقى عمرة 3 شهور

هو تعبان شويه

اخته الله يهديها تعبت من قبل العيد
وعماله تبوس فيه مش راضيه تبعد عنه

لما هو كمان تعب وبياخد ادويه اد كدة
بس يارب تكون بالشفا

بالنسبه ليومياتى
غسلت المواعين وعملت رز ولحمة وبسله

قولت اريح شويه معاكم

وبعدين عندى فم غسيل

وشويه غسيل يطبقو

بس هى دى حكايتى

طبعا زوجى زمانه جى من الشغل ان شاء الله يجى بالسلامه

نتقابل باليل بقى او الصبح بدرى

مع السلامه يا احب تجمع الى قلبى
احبكم كلكم فى الله

بنات عندي سؤال معلش لما جيت اطلع الغسيل من الغسالة لئيته مش معصور مع اني زبطاها على نفس البرنامج كدة يبئى بازت ولا ايه هي ايديال اكوا تك وبئالها 4 سنين بس

ازيك يا هبة عاملة ايه واخبار ملوكة ايه

ربنا يرحمه برحمته الواسعة ويغفر ليه ويدخله فسيح جناته


شوفى الفلتر كده يا هبة نضفيه الى بيبقى تحت خالص

هايا شوفى الفلتر بتاع الغساله الى تحت
فطوم الله يرحمه ويصبر زوجته ويجعل مثواه الجنه
مدام وائل الجو عندنا جميل ودافىء نسبيا اما باليل سقعه ورطوبه فى الجو ودى دعوه منى انككم يا جماعه تزورو بورسعيد بحرها جميل والمعديه بحبها قوى وبستمتع لما بركبها واتفرج على النورس فى السما
وعلى فكره من الاماكن السياحيهافتتحو قريب بيتش بلازا مجمع المطاعم الجديد متعدد الادوار ههههههه لاء وايه ممكن نشوف البحر واحنا قاعدين نتغدى او بنشرب الشاى بصراحه منظر البحر لا يقاوم والقمر بدر وبيعكس ضؤه على البحر سحر لما شوفت المنظر دا دعيت فى ساعتها وقلت يا رب الجنه من غير حساب ولا سابقه عذاب
ايمان مستنيه موضوعك الجديد
حاسه ان شاء الله ان هيكون فيه حل للموضوع الى محيرنى الى انتى عرفاه وممكن البنات يستنتجوه من ردى على الملكه
دى مش الغاز ولكنه التردد يا عزيزى ايبك
يومياتى
تنضيف عميق للبيت وطبعا خلصت نص البيت بس مع غسيييييييييل وترتيب 2 درفه من الدولاب وتطبيق هدوم وكنس ومسح وطبيخ وكنت مشغله قراءن بسمعه وانا شغالهوعملت ماسك زبادى وماسك ليمون بس لوشى
من الاشياء الى عملتها كتغير للعيد
خرمت ودانى مره تانيه ولبست حلقين واحد منهم غرزه رقيق والاخر دبله
عملت شعرى حنه حمرا بس ملونش وعملت رجلى مونكير بالحنه وسنفره لوشى بالسكر وووو العنايه بالقدم الى عطر قالت عليها والحلو فى الموضوع انى حطيت الطبق فى الحمام على الارض وبه المكونات ووقفت فيه وفى هذه الاثناء غسلت شويه حاجات على ايدى
وبانسبه للقراءن اتشجعت على الحفظ اكتر وامراجعه والفضل لله تعالى ثم لكم يا اخواتى فى الله
كفايه كده احسن تزهقو منى ولو سمحتو ازاى نرجع لغه الحوار بين الزوجين مره اخرى وايه الحل فى التراكمات الزوجيه المشاكل السابقه يعنى
يا جماعه يالى مختفين جارى البحث عن
شيمو وعطر ومامازوزو ومادو واى يلاقيهم يقبض عليهم وحشتونا
سلام الله عليكم