كل سنة وانتوا طيبين
فرحانة اوى ان ربنا كتب لى أكون مع صحبة الخير دى
كنت بتفرج عليكم قبل رمضان وأنا مش قادرة اشارككم كان التسجيل مقفول وكنت مسجلة من 2006 ونسيت أنشط عضويتى فكنت ادخل والاقى اسمى لكن كان مش مسموح لى المشاركة
كنت باتعلم معاكم ومنكم وبانفذ معظم اقراحاتكم فى التنظيف والعبادة
فرحانة جدا خالص انى معاكم المرة دى
هأعمل ايه؟ بجد هأكتب هنا اللى هأعمله ..ادينى بأشهدكم..جبت ورقة وكتبت بخط ايدى ..معظم الاقتراحات
-ان شاء الله هأصوم أنا وزوجى وابنى كمان اللى يقدر عليه ..
* مش هأنسى أكبر وأهلل وأسبح وأحمد ربنا ف كل وقت ينفع..
*اتصل بأهلى وخصوصا اللى ما سألتش .عليه من مدة ...هأفكر نفسى واصل الرحم هو اللى يوصل من قطعه..صعبة أوى يا رب..عشان كده ثوابها كبير.
*هأحاول..تانى هأحاول انى اختم القرآن ..دايما عيد الأضحى بالنسبة لى فيه سفر لقضاؤه مع أهل زوجى ..ولابد من السفر قبل العيد بيومين تلاتة مثلا ..ادعو لى اقدر اخلص أكبر قدر ممكن قبل السفر.
.
.
.
.
مدام وائل...والله أنا باغبطك ..كل حاجة عملناها فى الكام ملف اللى فاتوا فى ميزان حسناتك " ما شااااااااء الله لا قوة الا بالله " وكمان جاية تاخدى ثواب اليومين دول؟ست شاطرة بجد .... وعلى فكرة أنا واثقة ان فيه ناس بتتفرج بس من غير منشاركة بس أكيد بيدعوا لك ..وكفاية انك سبب لمة الصحبة الحلوة دى..ربنا يرزقك كل اللى تتمنيه وعقبال الملف المليون....
عروس..والله انا بحبك ف الله من غير ما اشوفك ..ومن غير اى حد ما يزعل أكاد أقول انك أكتر حد هنا الكل مجتمع على حبه...ربنا يرزقك كل اللى نفسك فيه ويعفو عن زوجك ويقر عينك بأولادك
يمكن ربنا ما يجمعناش ف الدنيا ونلتقى جميعا عنده يوم لا ظل الا ظله وأفكرك بيا يا عروس وتقولى ايوة افتكرتك انتى الرغاية بتاعة قعدة الستات...
كلامك عن الحج فكرنى بوالدتى الله يرحمها ..توفت وأنا ف ثانوى وكانت فى عز شبابها ..سمعت كتير وقتها كلمة الموت بيختار..باسرح وافتكر اخر كام سنة ف حياتها ..تقفز فى رأسى صورة التليفزيون مفتوح على القناة الأولى..وقفة عرفات ،،،،، اليوم كله التليفزيون مفتوح ونتفرج بس عليها وأمى الحبيبة رحمة الله عليها وشها مش باين منه غير دموع.. كله دموع ..نفتح كل سنة ف نفس الميعاد واحنا متوقعين دموعها اللى بتنزل مع أول لقطة للحجيج ودعاءها ان ربنا يكرمها بالحج فى السنة اللى بعدها..ربنا استرد وديعته ف نفس السنة اللى نوت فيها وعملوا الإحراءات هى ووالدى...سافر من غيرها وانتقلت وراثة دموع يوم الوقفة لنا كلنا بناتها...فتحتى النافورة بدرى عندى السنة دى يا عروس........اخويا الكبير حج عنها الحمد لله ...معلش..أسألكم الدعاء لها بالرحمة والمغفرة
راجعة تانى الصبح ان شاء الله
كل سنة وانتوا طيبين
فرحانة اوى ان ربنا كتب لى أكون مع صحبة الخير دى
كنت بتفرج عليكم قبل رمضان...
الله أكبر كبيرا والحمد لله كثيرا وسبحان الله بكرة واصيلا لا اله الا الله وحدة
وحشتونى جدااااااااااااااا
وجزاكم الله كل خير
وكل واحدة بالله عليكى تدعيلى بالاخلاص
يارب يارب لا تجعل لأحد غيرك فى عملى نصيبا
يااااااااااااااارب
قولوا آمين بالله عليكم
بدأتوا ولا لسة فى مشاريعنا
مين بدأت القرآن والصيام بكرة ان شاء الله
افتكوا بقى واحنا نبطبخ مش هنفطر ازواجنا وولادنا يبقى اطعام طعام
واللسان بقى ذكر ذكر طول الوقت
الله اكبر للصلاة يبقى تتحرق الدنيا الله اكبر من اى شىء اى كان الشىء ده خلاص الله أكبر
كمان مشروع رائع واكثر من رائع
عايزة عملك يبقى اتنين وثلاثة
عايزة تنامى من التعب و حسابك بيزيد فى بنك الحسنات
وصلى بس خطتنا دى ومشريعنا لصحبتك واحدة بس لمامتك لأختك
واقولك على حاجة لو قلتى هتتكسفى تبقى مبتحبهاش بجد
ويبقى حبك اى كلام ومتمكيش....!!!
لو بتحبيها هتحبى يوصلها الخير وهتحاولى معاها مهما كان بعدها
النهاردة اول ما سمعت حلقة حازم شومان الله يبارك له يارب
قال على ورقة هما عاملينها للتوزيع عن اعمال العشر انا للاسف مشفتهاش لسة بس دخلت احملها وقللت انتوا اولى الناس
لانى بحبكم فى الله
حملى الورقة وبس اطبعيها لنفسك وجارتك وواحدة صحبتك ويفتح الله المزيد والله
ولا تعرفى مش يمكن تأخدى ملير حسنات فى عشر ايام
مش يمكن حياتا تتقلب رأسا على عقب بمجرد ورقة
متحرموش نفسكم من الخير
نعم أعظم أيام الدهر ......نعم إنها أعظم أيام الدنيا............. أعظم من العشر الأواخر من رمضان
يقول رسول الله صلى الله عليه وسلم " ما من أيام العمل الصالح أحب فيها الى الله من هذه قالوا يارسول الله ولا الجهاد في سبيل الله قال ولا الجهاد في سبيل الله إلا رجل خرج بنفسه وماله ولم يرجع من ذلك بشئ" صحيح البخاري
أنظر الى تعجب الصحابه يااااه....ولا الجهاد في سبيل الله .....ولا الجهاد في سبيل الله
اذن .....فهيا انها الفرصة ....فرصة لمحو السيئات .......فرصة لكسب ألاف الحسنات
فرصة لمن أشتاق قلبه ودمعة عينه لفوات الحج هيا حج الأن وانت في بيتك ولكن......بقلبك
- يقول ابن عباس " العمل فيهن يضاعف سبعمائة ضعف"
- ويقول الاوزاعي " العمل في العشر كقدر غزوه صيام نهارها وحراسة ليلها إلا من أمر بشئ"
من سيشمر؟ ......من سينطلق؟ .....من سيتعرض لنفحات الله؟......من الفائز في هذه الأيام؟
استمع الأن لأفضل الأشرطة في فضل عشر ذي الحجة والأعمال الوارده فيها أضغط هنا
لتحميل ورقة صفحة جديدة مع الله لطبعاتها
http://www.way2allah.com/media/files/images/asher_zoalhga.rar
http://www.way2allah.com/media/files/images/asher_zolhaga2.rar
للحصول على كميات من ورقة صفحة جديدة مع الله
من القاهرة 0104894833 - من المنصورة 0109940093
للكميات الكبيرة الاتصال على 0109001583
كدا ملناش حجة والله
يالا يا بنات كلنا بجد نبدأ ونشجع بعض والله المستعان
اخباركم اية مع المساكات الا ما حد جرب حاجة لسة؟؟؟
ولا حد قالى بشرتى تحفة ولا كدة
لو خايفين جربوا بس ماسك النشا نتيجتة هايلة للبشرة الدهنية
على فكرة فية ماسك بالترمس اسمة بى وايت تقريبا بيتحط 10 دقايق عارفينة نتايجة هايلة وفعلا طبيبعى
واخبار ترتيب البيت اية
الهمه
مش هاسمح لحد يكون معايا الا لما يعمل علىا لبرنامج للشعر والوجه والجسم والهدية وطبق البيتفور
والاهم البرنامج الدينى
احنا متفقين خلاص اوك!!!!!!!!!!!!
عايزة بس ارد فى السريع على عروس
والله جسمى قشر جزاكى الله كل خير
ودايما سباقة بالخير
والله ربنا اللى عالم بادعيلك وعلى ثقه ان كل بنات القعدة بيدعولك قد اية
ربنا يارب يبارك لك فى ولادك و زوجك ياااااااااااااااااااارب
حبيبتى ماما زوزو
كان لازم ارد عليكى
اولا اية القواعد دى؟؟
انتى مامتنا بس برضو الامر ميستغناش يا ماما
لازم تكونى عروسة احلى مننا
وانا واثقة انك احلى مننا
بلاش تواقع ولا علشا ن انتى عروسة طول السنة يعنى
حنى علينا علشان نكون عرايس ذيك
ربنا يارب يخليكى لينا وديما كدا معانا يارب
واظن بقى طبق البيتفور بتاعك لازم يكون معاه ديكور جديد بالبيت
وبعدين بالعيد بأذن الله ناوية اتعلم الخياطة ومحدش هيعلمنا غيرك
تمام كداا
يالا والله مفيش وقت الكل شغل شغل شغل :time::time::time::time::time: