السلام عليكم ورحمة الله

كل سنة وانتو طيبين يا بنات والمسلمين في خير وحالنا احسن السنة جاية من السنة دي يارب والحصاريتفك عن غزة قريب باذن الله
يارب يصلح حالنا وحال حكامنا يارب

ايه يتهيألي ده مش عيب غسالة دي عيب المسحوق وخليه يعمل غسله قصيرة والمياه فاترة او ساقعة

جميل اوى يا لميا جزاك الله خيرا وربنا يتقبل منا جميعا

السلام عليكم ورحمة الله وبركاته
الله اكبر الله اكبر لا اله الا الله الله اكبر الله اكبر ولله الحمد
كل البنات اخباركو ايه مر اول يوم من الصيام الحمد لله كان الصيام سهل جدا
لانى فى الصيام بكون فى السرير بسبب الصداع لكن الحمد لله اليوم مر سريع وجميل
ربنا يتقبل منا جميعا صالح الاعمال
ايمان بجد كلامك ما شاء الله جميل وبيدينى دافعه ونشاط وحماس يارب ما تتاخريش علينا
سها بجد كلامك عن والدتك أثر فيا جدا ربنا يرحمها ويغفر لها وبجد أنا كمان بحبك فى الله
وبنتظرك مشاركاتك وأفكارك الجميله وشخصيتك مميزه وجميل حماسك
نيرمين انا من عشاق المقلوبه وبحب جدا الاكل الشامى ومعروف ان الزوجه الفلسطينيه
ست بيت صح من كله يعنى احنا عايزين نتعلم منك وربنا يفك كربكو ويفك عنكو الحصار
لميا جزاك الله خيرا معلومات مفيده وجميله وطمنينى على شعرك القصه طلعت حلوه
عطر كلنا منتظرينك انتى فين
مادو بجد لا تتصورى قلقى عليكى وطول اليوم ادعى لك
رجاء يا بنات لو اى واحده تعرف رقم تليفون مادو ترسله ليه على الخاص لانى نفسى اطمن عليها
كل البنات بجد نفسى اتكلم معاكو لكن بسلم عليكو جميعا
آيه موضوع الوبره فى الملابس العيب مش فى الغساله هى تبع خامة الملابس وتقريبا
كلنا هنا بنعانى من نفس المشكله يعنى لا الغساله ولا المسحوق وأفضل حل لعلاج الوبره
ان الملابس تقلب على الظهر وتتغسل ده بيقلل الوبره
انا يا بنات عملت بيتزا وجربت حاجه كوب دقيق مع كوب ونصف ماء وملعقه كبيره خميره
وضربتها بمضرب سلك وسبتها نصف ساعه ثم باقى اضافات العجينه وتعجنى عادى
الميزه اتخمرت بسرعه والعجينه هشه جدا وده سر عرفته من اخت فى لك جزاها الله خيرا
هى بتعملها لكل المعجنات
انا كنت بكلم صديقتى اليوم لانها مسافره للحج وقلبى كان فى شوق وحزن
وسرحت مع نفسى قلت ليه الحزن ما ربنا الحمد لله سهلها على عباده اننا نحج من البيت
وبدون مشقه فايه رايكو نقعد من بعد صلاة الفجر حتى الشروق نخلص الورد اليومى
والاذكار ويكون لنا اجر حجه وعمره تامه ان شاء الله
يالا نجتهد ونحج كلنا ان شاء الله
اللهم اجعل تجمعنا هذا فى ميزان حسناتنا ويظلنا جميعا تحت ظله

كل سنه وانتم طيبين يا بنات
انا النهارده استخدمت زيوت لتغذية شعرى لانه بيقع بطريقه مهوله هاجرب خلطت الزيوت دى واقلوكم النتيجه
كمان قررت عدم استخدام مزيلات العرق بانوعها لانى سمعت كلام كتير عليها وبداءت الجاء للحاجات الطبيعيه
ومن اهم الشغل اللى قمت بيه النهارده تنضيفالحمام والمطبخ وعملت عجينة العشردقائق وفرزتها وعملت محشى ده غيرترتيب البيت بالكامل ولميت الغسيل وطبقته وبسسسسسسسسس ودلوقتى خدت ريست وها بداء مذاكره مع الاولاد حاسه انى اتهديت وادى الاجازه بتضيع برضه فى شغل البيت والذى منه يالا بسلم عليكم كلكم وبحبكم فى الله

أمانى بعد معاناتى مع سقوط شعرى
شوفو نسبة الحديد وخدى فيتامينات
والوصفه دى خلاص لا يمكن استغنى عنها
اى نوع زيت شعر حطى فيه توم مهروس
وبطه كبيره جرير مغسول وعصور واتركيها
ثلاث ايم وبعد كده استخدميها مره فى الاسبوع
واستعملى شامبو ريحته حلوه او معلقة حنه
دوبيها فى مايه وحطيها على شعرك بعد الزيت
بتمتص الريحه تماما وحا تدعى لى ان شاء الله
لما تشوفى النتيجه لمعه وزنعومه وبتقل الشعر جدا وبتمنع سقوطه
لكن اهم حاجه مره وحده بس فى الاسبوع