كنت عايزة اقولكم

عملت عيش فينو بتاع رشة عطر اللى عملته مادوو قبل كدة ربنا يطمنا عليها وتيجي بقى

وكان جميل اوى وطري بس تانى يوم مش عارفة ماله بقى تقييل ومش هش زي ما كان طالع من الفرن مع انى سبته يخمر ساعتين تقريبا بس الظاهر كان محتاج تانى بس هو حلو جربوه

مواضيع التلاجات حلوة اوى حسيت انه تلاجتى غلبانة خالص ولا متزوقة ولا مفروشة حاجة ههههههههههههه

بس حسيت في حاجات over يعني معقول نفرش التلاجة من جوه مفارس بدانتيل وشرائط وحاجات كدة انا حسيت انه روقان بصراحة
ههههههههه

بس فعلا افكار حلوة اوى

عطر

انا جربت موضوع التلجاية على الوش بعد التنظيف اليومين اللى فاتوا فعلا بيدي نتيجة حلوة وبتحسي بفرق وقررت استمر عليه ان شاء الله

في الكريمات عايزة اقولكم على ماركة نيفيا فيزاج جربت كريم الليل والنهار بتاعهم حلو اوى ومنتجات نيفيا بودى بتنعم الجسم وفي حاجات للسيلولايت حلو برضه

لما خلصوا من عندى جبت اولاى حلو برضه بس حسيت انه نيفيا كان احلى


واللى بيحبوا الحاجات الطبيعية شوفوا الموضوع دة حلو

http://www.boswtol.com/mastaba/nkamar_223_01.html

الصفحة دى بتجيب حاجات لذيذة كل اسبوع

عروس

معلش سؤال على خلطة الزيت وبعد كدة هامشي عشان رغيت كتير اوى واكيد زهقتوا

الجرجير نعصره ازاى نضربه في الخلاط يعنى ولا ايه

والحنة مع الاستمرار بتغير لون الشعر ولا لا

صباااح الخير عليكو
ماما زوزو .. ربنا يفك كربك يا حبيبتى ودعواتك لبنتك فى الايام المفترجة دى .. انا محتاجة دعواتك قوى ادعيلي ربنا يطمن قلبي على ماما .
مى .. انا كمان حاسة ان تلاجتى غلبانة خالص .. هى نضيفة زى الفل بس مش مزوقة كده .. وعارفة لو فرشتها وزوقتها زى التلاجات الحلوة دى .. جوزى هايفضل يتريق على .. اصله مش بيحب البهرجه هاهاهااه

صباح الخير يا بنات

ماما زوزو ربنا معاكي ويفرج همك ويظهر الحق ويريح قلبك يارب حضرتك وامي ةكل المسلمين يارب

مادو
في ايه يا بنتي يارب تكوني بخير وتطمنينا عليكي قريب

ميمسي توصلي بالف سلامة يا جميل

كل البنات صباح الورد

نانا وهايا

صباح الخير عليكم صاحيين بدري زي

اخباركم ايه

نانا ... ربنا يكرمك ويطمنك على مامتك يارب

هايا.. ازيك وازى بنوتك ؟

فعلا التلاجة عندى غلبانة يدوب بنضفها وارص الحاجات مش فاضية ازوقها

بس انا شفت في بعض المواضيع انه بنات بيحطوا النسكافية والتوابل و النشا وكدة في التلاجة هم دول مش بيتحطوا عادى برة ولا ايه؟