حاجة كمان نسيت اقولها هاقولها في السريع
ولو اني محرجة منكم شوية :)
اسمع ان فيه ناس بتنضف الحيطان لكن معرفش ازاي
ممكن حد يقولي تنضيف الحيطان يعني إيه وبيتعمل ازاي؟

السلام عليكم ورحمة الله وبركاته
الله اكبر الله اكبر لااله الا الله الله اكبر الله اكبر ولله الحمد
كل البنات عاملين ايه يارب جميعا بخير
الملكه الرومانسيه بصى انتى عايزه قاعده اولا لغة اليأس دى غلط وطالما نك حبه انك
تكونى ست بيت شطره فلازم حا تجتهدى وتتعلمى وحا يكون عندك حماس لان من الخطأ
ان أى ست بيت تكون راضيه بحالها وثبتت على كده لا لازم كل يوم نتعلم جديد والمنتدى الحمد لله
غيرنا كلنا يعنى بنفيد بعض ونتعلم من بعض
بالنسبه لموضوع الكمفورت بعد طول معاناه الغسيل بيطلع ريحته روعه من الغساله لكن بعد
ما ينشف لا توجد أى ريحه فالحل حطيت الكمفورت فى بخاخ ورشيت الغسيل بعد ما نشف
الريحه ثابته وحتى ريحة الدولاب حلوه وكمان مفرش السرير برشه كمفورت والمخدات
بيدى ريحه حلوه وتقريبا استغنيت عن معطر الجو لان الكمفورت بيثبت اكتر
بالنسبه للسيراميك جربى الجاز بيلمعه جدا والريحه مش بتثبت
أو فيرى وملح ليمون مع الوقت حا يدى نتيجه
انتى ممكن تعملى جدول وتلتزمى انك تمشى عليه ويكون على حسب وقتك وظروفك
أم البنات أهلا بيكى معانا ويسعدنا وجودك وانتىجايه كمان بواسطه انتى من طرف حبيبتنا كلنا
مى توصلى بالسلامه ولازم ان شاء الله تطمنينا عليكى اول ما تولدى بالنسبه للجرجير بعصره فى الخلاط
لكن بدون ما تضيفى له مايه او تضربيه فى الكبه
نيرمين بجد فرحت جدا لما عرفت انك اشتريتى لبس العيد يارب يكون عيد سعيد على كل المسلمين
سيماء ربنا يصلح حالك ويفك كربك
ميرو فعلا فكرة الشركه حلوه جدا
كنزى وهايا وسها وكل البنات منورين وخايفه انسى حد
رونى يارب يرزقك بالذريه الصالحه وكل مشتاق
نانا ربنا يطمنك على ماما

بنات صباح الخير اية رئيكم انا بعمل كل حاجة بنفسى ففكرت انى اجيب شغالة تجينى يومين فى الاسبوع

انا هسلم بسرعه و بعدين اقرا و ارجع لكم تاني
وحشتونييييي
و مش باجي عشان بنفذ برنامج ما قبل العيد فمفيش وقت خالص

عطر الحبيبة اية هو برنامج ما قبل العيد