زوجة مصرية :

لميا..أنا كمان نفسى اتفتحت على تنظيف التلاجة من المواضيع ...بجد ما شاء الله عليهم كلهم ..عجبتنى جدا زيك حكاية الالومنيوم فويل وكمان التعطير...هو أنا فى الملف اللى فات كتبت شوية نقط كده على الموضوع ده ..اهه تانى -ألومنيوم فويل على رفوف الأبواب والتلاجة من فوق بيعمل اضاءة تحفة. 2-استخدام خليط التنظيف من الفيرى بروايح ومعاه كلوركس ومعاه ديتول وطبعا ليفة مخصوصة ونغير المية من الفريزر مثلا للرفوف للباب. 3- فرشة الأسنان للجزء اللى بنفتح منه والأجزاء الصعب الوصول ليها. 4-نفرش فوق التلاجة بلاستيك أو جرنان نرميها كل مرة وننظف تحته بسهولة. 5-علب البلاستيك مهمة جدا نحط فيها بواقى والخضار المتنضف والمتقطع. 6- الاطباق البلاستيك المخرمة للخضار والفاكهة فى الأرفف. 7-عمل فيونكات أو أو ديكوريشن لذيذ على البرطمانات . 8-التلاجة من بره عليها أدعية ومنيو للحاجات اللى بتخلص أولا بأول. 9-حاجة بتنقط زى العسل يتحط البرطمان ف كيس. 10- لو فيه مكان... البصل والتوم صاحيين ف التلاجة. 11- ترتيب الخضار فى الأدراج من تحت الخضار الجامد وفوقه الخضار الورقى وكثير الاستخدام. 12- الخضروات الورقية نلفها بعد الغسيل والتجفيف العادى ف ورق مناديل عشان لو مبلولة تنشف وما تعفنش. 13-وضع ريحان طازج فى أركان التلاجة بعد التنظيف أو كيس شبكة او قماش فيه " قرفة وقرنفل وريحان وفحم مطحون ..اعشاب معطرة" ونخليه ف التلاجة بيدى ريحة جميلة ويمتص الروايح النفاذة. عطر .. .. .. من فضلك يا افندم عايزين منك ع السريع كده لست صغيرة بحاجات لازم تكون موجودة عند أى واحدة ..لا مقطوعة ولا ممنوعة يعنى ..فهمانى مش كده؟.. بصى أى حاجة طبيعية بتكتبيها باقوم اعملها على طول..ادينى باسمع الكلام. اقولكم هلى آخر حاجة باجيبها فى الشامبوهات بجيب لونا بالبانثينول مش بحب شامبوهات الاتين ف واحد وعشرة دى ..وكمان الشامبوهات االطبية أمان جدا،،،،، شامبو بيبى جونسون لطيف جدا وآمن دايما حاجات الأطفال سوفت وجميلة على الشعر والبشرة باستعمل مع بنتى بتاعها نانا..ربنا ييسر لحماتك وكل الحجاج السنة دى ..ووصيها تدعى لك وربنا يرزقنا واياكم يا بنات روشانا وبى هابى وenn ومادو تانى وكله كله ...تعالوا كلكم يا بنات نشجع بعض يا رب طمنا على الغايبين

لميا..أنا كمان نفسى اتفتحت على تنظيف التلاجة من المواضيع ...بجد ما شاء الله عليهم كلهم ..عجبتنى...

3aroos elneel :

أمانى بعد معاناتى مع سقوط شعرى شوفو نسبة الحديد وخدى فيتامينات والوصفه دى خلاص لا يمكن استغنى عنها اى نوع زيت شعر حطى فيه توم مهروس وبطه كبيره جرير مغسول وعصور واتركيها ثلاث ايم وبعد كده استخدميها مره فى الاسبوع واستعملى شامبو ريحته حلوه او معلقة حنه دوبيها فى مايه وحطيها على شعرك بعد الزيت بتمتص الريحه تماما وحا تدعى لى ان شاء الله لما تشوفى النتيجه لمعه وزنعومه وبتقل الشعر جدا وبتمنع سقوطه لكن اهم حاجه مره وحده بس فى الاسبوع

أمانى بعد معاناتى مع سقوط شعرى شوفو نسبة الحديد وخدى فيتامينات والوصفه دى خلاص لا يمكن استغنى...

Mama zozo :

معلش يابنات اسفة على المداخلة السابقة لكن معتبراكم التوائم الميه اللى خلفتهم لازم تشيلوا شويه مع مامتكم وبما انى من النوع اللى يحب المقومة والتغلب على الاحزان والتوكل على الله نسيب الامور للخالق البارئ الحمد لك والشكر لك مادووووووووووووووو انت فين يا حبيبتى والله العظيم لو اعرف عنوانك لكنت جيت اطمئن عليك عايزة ارد على زوجة مصريه وانا استعديت ازاى للعيد بداية انا جميع المناسبات لازم يكون فيه تغيييييير فى المنزل طبعا بما انى شخصيه ضربة ومنتجة والحمد الله وروشه شويه فى بيتى لازم المنزل كل اسبوع يكون فيه جديد وكله من قلب البيت ومن المتوفر اخر مثاااااااااااااااااااااال قماش شيفون 6متر جمييييييييل ومتوفر عندى ولم يتم خياتطة زى ماهو عملته برقع لستاره قعدت الفه على البلتكانه وانزل من هنا وارفع من هنا ودبوسين فى الجناب وبقه حاجة روشه وكمان عندى لحاف فيبر جرى عليه الزمن 5متر قماش وعملت كيس له وركبته وكمان عملت ملايه من نفس القماش وعليه بوبى موف جمييييييييييييييل بالنسبه لتجهيزات المطبخ من الاكلات للعيد طبعا انا باضحى والحمد لله لكن لازم الاولاد وعائلتحم يكون الغدا عندنا اول يوم العيد وعلى ذلك احضر حاجاااااااات كتيييييييييييير يوم الخميس الساعة 4 وانا راحعة من الشغل اشتريت لحمة بتلو فخده وشفاها الجزار وطلع منها بفتيك واحمة كباب حله اشتريت لحمة مفرومه للعصاج والكفته واشتريت واشتريت وشتريت الطريق زحمة وسلت الساعة خمسة ونصف عندى مامة جارتى هتفطر معايا اتأخرنا صليت فطرنا شربت الشاى الساعة 7 هموت وعيزه انام بلاش نوم علشان انام الساعة عشره اعمل ايه اه اه اه الحاجات لسه فى الشنط كنت هنسها ماااااااااااشى ضربت البصل بالكبه شوحتها اللحمة عليها تبلتها وسبت العصاج على نار هاديه طب اسيب العين التانيه فاضيه طبعا لا كمان بصل وشويه بقدونس ملخ فلفل جنزبيل شويه بقسماط عجنت الكفته ميه فى حلة عليها المصفة دور فى فور سويت الكفته على البخار سبتها تبرد البفتيك لسه هشيله وبعدين اسيحه طب ليه قعدت على الارض كمااااان بصل وتتبيلة اللازمة تبلت البفتيك طب ابنى اعمل ايييييييه مااااشى بفتيك وبطاطس مفيش مشاكل الساعة لسه 9 وابنى قاعد برضه مش هنام يعنى اقعد ساكته بالمرة الف السمبوسك اشكال والوان باقى البفتيك بعد تتبيله بساعه بالبيض والبقسماط كل دا وانا قاعدة فى اللفينج على الارض وابنتى بتناولنى ما اريد والبوتجاز شغال رصيت البفتيك بين كل راق وراق بلاستيك رصيت الكفتة على الفريز ابنى مع الف سلامة تشطيب المطبخ على السريع نووووووووووووووووووووم وهدوءءءءءءءنفسى حاجات العيد حضرتها فى اربع ساعات الفته من سليق الاضحيه وكذلك الكبده والكلاوى واللحمة اللى تتسلق ان شاء الله بشويها بطريقة تجنن على التيفال بدون اى اضافات دخااااااااااان ورائحة شواااااااااااااااااء واطمئنان ان اللحمة مستويه تماما مع العلم مش بحب المطبخ ولا شغل البيت من اصله بس مبدأ ليه عين واحده فى البوتجاز تشتغل وانا قاعدة برغى ممكن ايدى تشتغل فى اى شئ لا احب تضيع الوقت وبالرغم من ذلك جميع المتع بيتم الحصول عليها والحمد لله والشكر لله

معلش يابنات اسفة على المداخلة السابقة لكن معتبراكم التوائم الميه اللى خلفتهم لازم تشيلوا شويه...

memsi :

كنت عايزة اقولكم عملت عيش فينو بتاع رشة عطر اللى عملته مادوو قبل كدة ربنا يطمنا عليها وتيجي بقى وكان جميل اوى وطري بس تانى يوم مش عارفة ماله بقى تقييل ومش هش زي ما كان طالع من الفرن مع انى سبته يخمر ساعتين تقريبا بس الظاهر كان محتاج تانى بس هو حلو جربوه مواضيع التلاجات حلوة اوى حسيت انه تلاجتى غلبانة خالص ولا متزوقة ولا مفروشة حاجة ههههههههههههه بس حسيت في حاجات over يعني معقول نفرش التلاجة من جوه مفارس بدانتيل وشرائط وحاجات كدة انا حسيت انه روقان بصراحة ههههههههه بس فعلا افكار حلوة اوى عطر انا جربت موضوع التلجاية على الوش بعد التنظيف اليومين اللى فاتوا فعلا بيدي نتيجة حلوة وبتحسي بفرق وقررت استمر عليه ان شاء الله في الكريمات عايزة اقولكم على ماركة نيفيا فيزاج جربت كريم الليل والنهار بتاعهم حلو اوى ومنتجات نيفيا بودى بتنعم الجسم وفي حاجات للسيلولايت حلو برضه لما خلصوا من عندى جبت اولاى حلو برضه بس حسيت انه نيفيا كان احلى واللى بيحبوا الحاجات الطبيعية شوفوا الموضوع دة حلو http://www.boswtol.com/mastaba/nkamar_223_01.html الصفحة دى بتجيب حاجات لذيذة كل اسبوع

كنت عايزة اقولكم عملت عيش فينو بتاع رشة عطر اللى عملته مادوو قبل كدة ربنا يطمنا عليها وتيجي...