miro :

حبيبتي انا من الستات العاملات ولو تسمحيلي هكون قاسية معاكي شوية لاني مؤمنة بان اللي عايز يعمل حاجة بيعملها انا اولا مبحبش شواذ القاعدة يعني متجيش في الاكل اللي لازم يتحضر في ساعته وتمسكي فيه مهو مش كل الاكل كده خلي المكرونة والكبدة في يوم رايق او اجازة لكن وسط الاسبوع خليها اكل من اللي ممكن يتعمل من بالليل يعني امثله للاكل اللي ممكن يتشال في الفريزر المكرونة بالباشاميل والمحشي (محدش يقولي الرز بيبوش يعني هو اكل ولا بحلقة) كمان الرز بيقعد في التلاجة زي ما يقعد مبيحصلوش حاجة ممكن يقعد اسبوع كمان الجلاش باللحمة المفرومة انا بفرزه والكبيبة طبعا والبفتيك والبانيه بفرزة ويا دوب يسخن في الفرن .........حاجات كتير اوي ولو جينا على المكرونة وقفلت معاكي بتسلقيها الصبح وتصفيها وتعملي الصلصة ولما تتخرز تطفي وتسيبيها لما ترجعي من الشغل يادوب هتسقي المكرونة وتقلبي يعني ملكيش حجة ههههههههه النظافة بقى متعمليش فيها سوبر ومن لازم واحدة تساعدك يا كده يا هتفضلي في الحيرة اللي انتي فيها دي مينفعش شغل برة وجوة كمان لما تجيبي واحدة كل اسبوع او اسبوعين هتريحك وهيفضلك برضه شغل بس هيكون خفيف على قد المواعين وخلافة دا اللي حاضرني دلوقتي لو افتكرت حاجة اكيد هاجي في السريييييييييييع:26:

حبيبتي انا من الستات العاملات ولو تسمحيلي هكون قاسية معاكي شوية لاني مؤمنة بان اللي عايز يعمل...

الملكة الرومانسية :

مش قاسية ولا حاجة انتي نورتي المشاركة لكن انا ذكرت المكرونة والكبدة كمثال للأكلات السهلة يعني مش معقول لما احب أعمل مكرونة وكبدة أخليها للأجازة امال اعمل المحشي امتى ولا اعمل الحمام امتى؟ (ده على فرض اني باعمل حمام يعني) وبعدين انتي عارفة الكبدة لازم تتاكل طازة يعني هيبقى كتير اوي اني أسيبها لحد آخر الأسبوع وموضوع الست اللي بتنضف ده انا تعبت منه جبت واحدة واتنين وتلاتة ومفيش فايدة كلهم زهقت وطفشت منهم مش لاقية حد عدل أبدا ومشيتهم كلهم وبعدين قررت أنضف بيتي بنفسي انا بيتي مش كبير ومعنديش اطفال يبهدلوه ومع ذلك مش لاقية وقت برضه انا بانضف وكل حاجة لكن مش تنضيف عميق وفيه حاجات كتير أصلا معرفش التنضيف العميق بالنسبة لها يبقى ازاي يعني مثلا جوه الدولاب أنضفه ازاي دواليب وأدراج المطبخ امسحها من جوه وبره بإيه انا بامسح بفوطة وخلاص ومعرفش إذا كان كده صح ولا غلط أتمنى تفيدوني بخبراتكم

مش قاسية ولا حاجة انتي نورتي المشاركة لكن انا ذكرت المكرونة والكبدة كمثال للأكلات السهلة يعني...

الملكة الرومانسية :

ميرو معلش عندي سؤال كمان الحاجات اللي انتي قلتي عليها بتتشال في الفريزر دي صلاحيتها في الفريزر قد إيه يعني ممكن تقعد في الفريزر كام يوم ولا كام أسبوع؟ لأني برضه معرفش الحاجات دي انا أمي عمرها ما شالت حاجة في الفريزر كل حاجة تشتريها يوم بيوم وتعمل الأكل يوم بيوم ولو ان معظم الأكلات دي جوزي مبيحبهاش انما برضه هاعمل اللي عليا واحاول اشيل شوية حاجات كده

ميرو معلش عندي سؤال كمان الحاجات اللي انتي قلتي عليها بتتشال في الفريزر دي صلاحيتها في الفريزر...