طيب كويس انك قلتى يا روشا

انا مشفتوش في مصر قبل كدة او ماركزتش يعني:)

بس هو الروائح بتاعته كلها حلوه وسعره فعلا حلو حتى هنا

سها
انا لقيت البنات ماشاء الله كاتبين كل حاجة اهوه بالتفصيل

بس عايزة اقوللك موضوع تفريز الاكل مش تعمليه كل اسبوع دة ممكن مرة في الشهر يوم اجازة تخصصيه بس للاكل

تعملى صلصة تفرمي بصل وتوم وتحطيهم ممكن تعصجي لحمة وتشيليها تعملى بيتزا وتشيليها كبيبة سمبوسة خضار

الفراخ واللحمة قسميهم في اكياس زي ما خالتك شيماء قالت على قد الاكلة
حتى البطاطس قطعيها صوابع وشيلي في اكياس في الفريزر وطلعيها حمريها

المسقعة اسمها مسقعة ليه :35:
اعمليها باليل وتانى يوم طلعيها سخنيها ايه رايك؟

الفيري في مصر مش حلو بريل احسن منه
ومركز اكتر

وادخلى الملف دة واقريه كويس هيفيدك اوى

http://forum.hawaaworld.com/showthread.php?t=1465729

لميا
جميل الشال بتاع بنتك شطورة تسلم ايدك

البحث

هتلاقيه فوق في الشريط جنب لوحة التحكم والتسجيل وكدةتحت الاعلانات
بتفتحى السهم وتكتبي اللى انتى عايزاه وبتطلع لك صفحة جوجل فيها النتائج

السلام عليكم ورحمة الله وبركاته
الله اكبر الله اكبر لا اله الا الله الله اكبر الله اكبر ولله الحمد
كل البنات اخباركم ايه
وخالتى شيمو ايه النور ده بجد كنتى ملعلعه النهارده بس زعلانه منك حد ما يحبش المسقعه
نيرمين عشان الاوضه ترجه جديده لازم مع الاريال ملح ليمون لو مش متوفر عشان الحصار
جربى الخل ومعاه ليمون
لميا جزاك الله خيرا المقاله جميله والقصه حلوه جدا
عطر مش كفايه مادو سيبانا انتى فين انتى نيمتينا بحمام الهنا ومشيتى
أم البنات موضوع العند مع سن المراهقه ده عاوز قاعده نتسلى فيها بعد العيد ان شاء الله
وجربت البتيفور طلع جميل الحمد لله ايمان كتبت المقادير فى اول صفحه
وممكن تشكليه بالقمع ولو مش متوفر يبقى شكلى كور صغيره واحده بيضه وواحده بنى
بعد ما تضيفى لها كاكاو او تعملى كوره صغيره وتضغطى عليها بظهر الشوكه
وعملت كمان معمول بالتمر ودى طريقة منال العالم حلو جدا وخفيف
اثنين كوب وربع دقيق - نصف كوب سكر - ربع ملعقة شاى ب ب - بيضه - ربع كوب سمن ونصف كوب زبده
وفانيليا
نضرب جميع المكونات وتضاف للدقيق ويحشى عجوه ويشكل اصابع او باشكال الكحك البلاستيك ال بنشكل بيها
كحك العيد
ومع المعمول عملت حمام زيت دابر املا وخلطه للبشره وغدا ان شاء الله ابدأ فى البيت
بحيث يوم عرفه نتفرغ تماما عشان نشعر بروحانيات اليوم العظيم ده
سها زوجه مصريه انتى فين بلاش تغيبى عننا

بنات كان فى رابط من موقع لها اون لاين كنت نزلته كان فيه فكره حلوه بعملها كل يوم مع ابنى
اقول له يالا نبنى بيت فى الجنه ونقرا سورة الاخلاص ثلاث مرات
يالا نحط فى البيت نخله سبحان الله وبحمده سبحان الله العظيم
يالا نسلم على الرسول عليه الصلاة والسلام
اللهم صلى وسلم على نبينا محمد
يالا نحط كنز
لا حول ولا قوة الا بالله
يالا نكسب حسنات
استغفر الله
بجد جربوا وحا تلاحظوا الفرق أنا ابنى عنيد جدا وعصبى جدا
بعد ما عملنا الحكايه دى أنا حاسه ان فى تغيير الحمد لله
وحتى الولد بقى بيحب القاعده دى وطبعا صوتنا عالى
عشان نسمع اخواته الاكبر ونفكرهم
وياريت يا بنات ما تنسوش صلاة ركعتين قيام فى هذه الايام الكريمه
وربنا يتقبل منا جميعا صالح الاعمال