على فكرة يا بنات اكيا س الطهي في الفرن دي رائعة ومش بتاخد وقت خالص يعني انا امبارح كنت متبلة فراخ وناقعة الرز من الصبح

روحت حطيت الفراخ والخضار المجمد في الكيس و كباية ملية وعلى الفرن وحطيت الرز على النار وبعدين وطيت عليه وكده الاكل خلاص نص ساعة وطفيت وكلنا

اسمها روستينج باج

كمان عندي فكرة حلوة انا لما بجيب الشعرية واللسان عصفور من السوبر ماركت

بحمرهم على النار وفي علب التبر وير وعلى الثلاجة

منغير حلفان بتقعد بالشهور

ونفعاني مع الرز والشوربة

طريقتي بقى في الشوربة اني لما بسلق الفراخ وبعد ما اهدي عليها بحط عليها اللسان عصفور واسيبهم بيستوو مع بعض ولما تستوي اطلع الفراخ واحمرها او اسيبها مسلوقة بنحبها كده

توفير رهيب في الوقت

انا بتاعة السريع انتوا نسيتوا ولا ايه

كمان الشوربة بضيفلها جنزبيل بودر وقرفة بتطلع يم يم يم وريحة وطعم مفيش احسن من كده طبعا غير الحبهان واللورا انا طحناهم مع بعض

انا بعيد مشاركتي هنا وفي صفحة فيدي لان اكيد ممكن حد بيدخل هنا ومبيدخلش هناك والعكس
وطبعا لما تكون المشاركة متعلقة بالموضوعين

http://forum.hawaaworld.com/showthread.php?t=743129

ده للاخت ديما ربنا يباركلها

خلطات رهيبه للتنظيف فعلا

انا جربت الصابون سائل لما يتخن

كمان في اكله سهلة وحلوة اوي انا بحبها

اكيد ناس كتير تعرفها بس انا هقولها للي ميعرفهاش

فيتوتشيني بالويبنج كريم

انا بعملها بالمكرونة الاسباجتي

بسلقها واصفيها وفي نفس الحلة (توفير للمواعين ههههههه) احمر بصلة جوانح صغيره في الزيت واحط عليهم فلفل كل الالوان وفراخ بانيه مقطعة صغير واقلب لغاية ما الفراخ تستوي يا دوب دقيقتين واقلب المكرونة عليها

وبعدين اضيف زيتون حلق وماشروم والويبنج كريم العلبة الصغيرة وازود لبن لغاية الصوص ما يتظبط زي مانا عايزة وطبعا الملح والفلفل وبالهنا والشفا مبتاخدش على بعضها نص ساعة برضه وطعمها رهيب








فكرة كمان:

بالنسبة للفلفل الملون لانه مش موجود علطوول وغالي شوية انا بجيب الاحمر والصفر واقطعهم صغير وعلى الفريزر
حد هيقولي لما يفك بيكون دبلان هقوله اني بستخدمه في الطبخ مش السلطة وكده مبيضايقنيش اما الفلفل الاخضر ده سهل وموجود علطوول بحطه طازة

السلام عيكم
أسأل الله رب العرش العظيم أن
يشفي ام بلو روز و مامت مادو و زوج عروس يا رب و مرضي المسلمين جميعا