عروس النيل
فكرتك حلوة فى ميعاد عمل الكحك هههههه
وقلتى فكرة حلوة زمان اننا نشترى لبس العيد للاطفال قبل رمضان
بفكر بيها البنات عشان فكرة حلوة بجد

عروس
متاكدة من القصة دى بجد؟ ولا سمعتى عنها؟
سبحان الله

مادو القصه دى سمعتها من الدكتور محمد العوضى نفسه
وهو من الناس الثقه جدا وأثرت فى نفسى جدا

فى نظام اتعلمته من جارتى لرمضان ووزنى بينزل عليه جدا
جربوه فرصه ال محتاج ينزل وزنه وبيعين على العباده ايضا
الفطار العصير طبعا وخصوصا مع الحر
وسلطه وشوربه
طبعا بنوع يوميا فى السلطه والشوربه عشان الملل
وحا اكتب لكم عن السلطات والشوربات المجربه عندى
وبكون معدتى مرتاحه جدا وبنزل لصلاة التراويح وانا فى قمة نشاطى
لان الفطار كان خفيف
بعد العوده من التراويح بكون عامله اى صنف حلو مع تجهيز الفطار
باخد قطعه بسيطه مع الشاى او القهوه
ونبدأ كلنا نجوع على الساعه 11 ناكل اكل الفطار العادى
ال عملتهسواء لحوم او اسماك والسحور بيكون خفيف جدا
لاننا مش جعانين قوى زبادى لبنه حاجه بسيطه
وانا وزوجى وزننا بينزل وبنكون معدتنا مرتاحه جدا
يعنى بجهز على الفطار عصير وسلطه وشوربه وصنف حلو
ووجبه رئيسيه
لو عجبتكو التقسيمه دى نعمل جدول لرمضان لكل صنف
مادو بالنسبه للاكل
انا بعمل المحشى نى فى نى
وبعمل اللحمه بتومه زى اختك لان زوجى مش بيحب المسلوق
والفراخ بانيه او شاورما او فى الفرن لان زوجى مش بيحبها مسلوقه
انا عملت باذنجان بانيه مقلى بالبيض والبقسماط كان رائع ومش شارب زيت نهائى

صباح الخير يا بنات
مبروك علينا الملف الجديد
ايمان بصراحة الله يباركلك فى االملف ايلى فاتحتية
انا مش عارفة اقولك اية
انا عمالة اقرأ بسرعة علشان اروح ادربك المطبخ واعملة من اول
والله والله شجعتينى جدا انا عمري ما شلت اى اكل فى الفريزر لرمضان
بس من كلامك ان شاء الله هعمل الحاجات ايلى بتاخد وقت شويه
اصلنا زى روشنة مش بنستطعم الاكل من الفريزر
رنيا ما شاء الله عليكى وربنا يقويكى
مادوا ازاى ملوخية من غير طشة
جربى الطشة بس من غير شهقة
انا اصلا معرفش بيقولوا اية فى الشهقة يلا احسن
انا بحمر الثوم واحط الكزبرة وعلى الملخية على طول
بس لازم الملخية تكون عليها مرقة دجاج والله بتبقى جميلة