كوبونات الراقية تسجيل الدخول

هايا
هايا •
السلام عليكن ورحمة الله وبركاته

معلش كنت مختفية الفترة اللي فاتت شوية شغل على شوية تعب يلا الحمد لله

رمضان كريم يا بنات ربنا يقدرنا جميعا على صيامه وقيامه ويجعلنا من عتقاء الشهر الكريم

كل سنة والامة الاسلامية كلها بخير وصحة وربنا يوحد المسلمين في كل مكان
مدام وائل
مدام وائل •
هايا هايا :
السلام عليكن ورحمة الله وبركاته معلش كنت مختفية الفترة اللي فاتت شوية شغل على شوية تعب يلا الحمد لله رمضان كريم يا بنات ربنا يقدرنا جميعا على صيامه وقيامه ويجعلنا من عتقاء الشهر الكريم كل سنة والامة الاسلامية كلها بخير وصحة وربنا يوحد المسلمين في كل مكان
السلام عليكن ورحمة الله وبركاته معلش كنت مختفية الفترة اللي فاتت شوية شغل على شوية تعب يلا...
السلام عليكم ورحمة الله وبركاتة

وحشتونى جدااا


غبت عنكم كثير بس مش بأيدى والله

الحمد لله


كل سنة وانتوا طيبين


ورمضان السنة دى يكون غير

بأذن الله

اولا هو لية معزة خاصة اكيد فى قلوبنا لانة اول رمضان لينا كلنا مع بعض


ويارب دايما

وبأذن الله نكون فية من احلى العباد لله ويكون رمضان السنة دى حاجة تانية خالص


بأخلاص ونية عالية بأذن الله

انا كنت ناوية فعلا انى مدخلش خالص فى رمضان ذى ما عروس قالت

بس بما اننا اتفقنا على كده مقدرش اسيبكم طبعا


لازقة يعنى


هانكون بأذن الله فى رمضان مع بعض

بس على السريع يا بنات


يعنى بامانة ومن غير ما حد يزعل من حد لو دخول النت يأخذ من وقت اى واحدة فينا اكثر من 10 دقايق يبقى بلاش منها

صحيح بنستفيد بس 10 دقايق دول على الاقل نقرأ ربع حزب

واحنا دلوقتى فى موسم

يعنى محدش فاضى

بس ندخل ونحسب ثواب التجمع فى الله

التذكير بالخير

الحب فى الله

ودا والله عظيم جدااااا


وكفاية ظل عرش الرحمن ربنا يجعمنا جميعا يارب كلنا تحت ظلة يوم لا ظل الا ظلة


المهم طبعا الردود زااااااااااااااادت اوى

هافتح بأذن الله صفحة جديدة لتجمع رمضان تكون خفيفة

ويتخص الشهر ونختمها يوم العيد واحنا بنهنى بعض بقبول رمضان مننا

يارب يارب
مدام وائل
مدام وائل •
قعدة الستات فى السريع... أحنا فى رمضان ...تعالى!!
roshyandhany
roshyandhany •
كنزي1 كنزي1 :
ايمان الف مبروك لاخوكي وعقبال بودي ان شاء الله
ايمان الف مبروك لاخوكي وعقبال بودي ان شاء الله
يابنات مصر .. برجاء البنات المقيمين فى مصر يقولولى فى عندنا فانيش للغسيل الابيض اللى هو بودرة ؟؟ الاقيه فين وبكام ؟

انا زهقت من كتر البقع انجدونى :44:
roshyandhany
roshyandhany •
حضرتوا اكل ايه لرمضان عشان تفضوا للصلاة والصوم وقراءة القران وقيام الليل مش عايزين الاكل يشغلنا

انا حشترى ديب فريزر على اول رمضان بس ادعولى جوزى ربنا يهديه وربنا يجعل الجنين اللى فى بطنى بنوتة باذن الله

* انا حفرم بصل واحطه فى اكياس

* توم مفروم فى اكياس

* توم وفلفل وكمون وشطة وملح (( الدقة بتاعت الكبة والكلاوى وكدة ... حباش رائع ))

* طماطم بصلصها واحطها فى اكياس واحيانا لو مش حمرا اخلطها مع شوية صلصة واحسن نوع فرجللو الصفيح ال 3 كيلو

* بجيب لحمة مفروم احط عليها بصل مفروم وملح وفلفل واحطها فى اكياس وتبقى جاهزة لما تحل نعمل بيها كفتة .. واحيانا بعملها صوابع واجهزها واحطها فى اكياس بس بتبقى روعة لانها شاربة من البصل والبهارات

* خضار طبعا (( ورق عنب - كوسة - بسلة - فاصوليا - ملوخية - قلقاس - سبانخ )) فى اكياس برده

* بسلق الفاصوليا الناشفة واللوبيا الناشفة واحطها فى اكياس برده وتبقى جاهزة على الصلصة على طول

* بحمر بطاطس بس بخليها لونها اصفر مش بحمرها اوى واخليها تبرد وبعدين احطها فى اكياس وعلى فكرة بتبقى زى فارم فريتس بالظبط مقرمشة من برا وطرية من جوا ومش شاربة زيت خااااالص

* كمان القطايف بجيبها واحشيها بالمكسرات والسكر والزبيب واقفلها كويس واحطها فى اكياس واللى بفضل اكل منها كمان بعد رمضان ولا بيحصلها حاجة .. وبقليها زى ماهى وهى متلجة بس الزيت يبقى سخن واتفرجى على القرمشة

* المشمش رخيص جدا بجيبه واغسله واقطعه انصاف عشان اشيل منه البذر واحطه فى اكياس وبطلعه وهو مجمد بسيط مش تلج اوى واحطه فى الخلاط وماية وسكر وبعدين اصفيه واشربى احلى عصير مشمش فى الدنيا \\\\ ممكن تسلقيه بالسكر وتحطيه فى الفريزر وطلعيه اضربيه وصفيه وحطى عليه نشا وسكر وتبقى احلى مشمشية زى المهلبية جدا .. وممكن تضربيه وهو مسلوق وطعمه بيبقى زى قمر الدين واحسن كمان والله

* طبعا مش حننسى الفراخ واللحوم كله فى اكياس

الحاجات اللى فاتت دى كلها فى الفريزر او الديب فريزر .. بس بالله عليكم ادعولى اكون حامل فى بنوتة وتكون بصحة وعافية ومن الصالحات يارب

مش فاكرة حاجة تانى لو افتكرت حقولكم اظن ده بقى حيوفر وقت كبير اوى فى رمضان وخصوصا لو حد صحته على قده زيى لان انا عندى اولاد وكمان حامل .. يارب يقومنا بالسلامة ويبلغنا رمضان يارب