الاخت ورده مفتحه
اسمك كله تفاؤل وانشراح
اهلا بيكى معانا تنوريناويسعدنا وجودك
ربنا يتمم لك الحمل على خير ويرزقك بولاده سهله وطفل جميل يكون من الصالحين ان شاء الله
اكيد انتى عارفه فضل رمضان اللهم بلغنا رمضان جميعا انه منجم حسنات
كلنا لما بنعرف ان فى عرض فى السوق على سلعه معينه مهما كانت المشاغل
بنتهافت لشرائها ونستفيد من العرض لانه فرصه لا تعوض
ولله المثل الاعلى فرب العالمين اعطانا الشهر الكريم لمضاعفة الحسنات
وتعويض كل ما فاتنا من الخير طول العام اللهم تقبل منا جميعا صيامه وقيامه
نبدأ بايمانيات رمضان حاولى تقرى عن فضل رمضان وثوابه بحيث تكون حافز وتهيئه نفسيه
يكون معاكى مصحف فى العمل وانتهزى كل الفرص انك تقرى وخلى عندك عزيمه
انك ان شاء الله تختمى اكثر من مره التسبيح طول وقت العملوفى الطريق ذهاب واياب
يعنى الحمد لله العمل وقته كبير ويكون فرصه لزيادة الحسنات والتصدق على العمال فى عملك
فا ان شاء الله يكون عملك باب كبير للحسنات
صلى التراويح فى البيت لان نزولك مع الحمل والحر اكيد تعب وصلاة المرأه فى البيت أفضل
وقسمى التراويح ركعتين وتنهى عمل فى البيت او ترتاحىوصلى وانتى جالسه
بعد الانتهاء من الصلاه وقبل النوم اغتنمى الفرصه للقراءه فى المصحف لكسب الحسنات
والاسترخاء قبل النوم وايضا كثرة قراءة القرآن فى الحمل لها فضل كبير على الجنين
وان شاء الله اجيبلك المقاله عن هذا الموضوع
طول فترة شغل البيت الاستغفار والتسبيح حتى لولم تستطيعى الصيام
فلكى الاجر كامل ان شاء الله وحا تعوضى صيامك لكن لا تخسرى
بقية نعم رمضان لانها لن تعوض مثل الصيام
بالنسبه للتجهيز لرمضان جهزى اغراض لا تحتاج تجميد
خلطه للقطايف والكنافه جوز هند ومكسرات
عمل العسل للكنافه والاحتفاظ به فى زجاجه
ترتيب البيت وتنظيفه تنظيف عميق
وحاولى بعد الفطار تكونى مجهزه جزء من فطار غد
تتبيل مثلا او نصف تسويه بحيث بعد العوده من العمل
يكون عندك فرصه للراحه قبل تجهيز الفطار
واكثرى من الدعاء الهم بلغنا رمضان
واستعينى بالله قبل اى عمل فهو خير معين
وربنا يتقبل منا جميعا صيام وقيام رمضان ويجعلنا من عتقاؤه
واى استفسار انا معاكى

ما شاء الله عليكي يا عروس
زاضح من ردودك انك عندك خبرة كبيرة في الحياة
ربنا يبارك فيكي

شكرا ليكي يا عروسه و بجد ان شاء الله هحاول اعمل بالنصايح دي و ربنا يبلغنا رمضان بأذن الله

فى ديرتنتا
نفسى فى توام
اهل بيكوا معانا

وردة مفتحة
حاسة انك بتوصفى ظروفى بالظبط ومنورانا

عروس
نفسى اشوفك بسم الله ما شاء الله عليكى حاسة انك من الشخصيات اللى مايتشبعش من القعدة معاها

ورده مفتحه
اتمنى تستمرى معانا لان أجمل ما فى التجمع
اننا كلنا بنحب بعض فى الله وبنتهافت لنصح بعض فى الخير
فتجمعنا جالسه أخويه جميله شامله لكل شؤن الحياه
ربنا يعنا جميعا على ذكره وشكره وحسن عبادته
مادو انتى فين بجد وحشتينى
وباقى البنات ايه الكسل ده انتو فين