ازيك يا قمر منورة




ايه ده انتي بتعملي نفس طريقتي ؟؟؟؟؟؟؟؟؟؟؟؟
هههههههههههههههه
يا غشاشه ههههههههههههه



والله يا حبيبة انتي الوحيدة اللي افتكرت شكلنا بقى وحش اوي



ايه الافكار الجميلة دي يا عين
بالنسبة للكبيبه و الكفته انا باقلي على طول م الفريزر ع الطاسه عدل
مش عارفه كل الناس بتعمل كده ولا لا



ربنا يديكي الصحة يا جميل و تنتشري ف البيت
و تعملي حملة شامله
ههههههههه
تحسي كتيبه جيش هي اللي ح تنتشر

بي هابى
يا رب تبقى ايامك كلها زى اسمك :)
حلو اوى ملفات دردشة مطابخ ويا ريت لو عندك تلخيصات تانية ليها تنزليهالنا
الست دى يا جماعة مواضيعا فوق الممتاز وانا استفدت منها كتير من ملف المعجنات و ملف الاجبان

كنزى

حاولى تخدى فيتامين حتى اللى كنتى بتاخدية فى الحمل
وكترى من الفاكهة والجزروالخيار واللبن الرايب(سلميلى عليه وحشنى اوى :))
اكيد انتى بتعملى مجهود ومع الاطفال لازم تاخدى فيتامينات لو مابتاكليش كويس

السلام عليكم ورحمة الله وبركاته
مادو ايه الكوارث دى ربنا يعوضك خير وشغلى سورة البقره فى البيت
بالنسبه للمكواه انا بكوى القمصان والبنطلونات عند المكوجى مش بعرف اكويها بخليها بليسيه
كل مره الكسر فى مكان جديد
بالنسبه للكفته بتبيليها ببصل وتوابل وتعمليها صوابع وتدحرجيها فى الزيت وتقليها
البطاطس اى بواقى بحتفظ بيها فى الفريزر لانى بحب اضيفها للمعجنات ما عدا المطبوخه
ممكن تشطفيها وتحطى عليها بوريك اسيد وتعجنيها وتقدميها وجبه روشه للصراصير
وكفتة البطاطس بحتفظ بيها فى الفريزر
والبطاطس للقلى بعد تقطيعا بغلى مايه مضاف ليها خلواغليها دقيقتين وتصفى وافردها على صينيه
تجمد ثم فى كيس
التسخين على البخار انا بسخن فى حلة الضغط بحط على المصفى فويل والاكل احطه واغطى بغطى الحله
مش عارفه الصوره وضحت ولا لسه
وبعدين فى حد يبقى عنده حلة ضغط وما يستعملهاش دى ممتازه انا بعمل فيها حتى المحشى
سريعه جدا وطعم الاكل فيها غير انا بفكر اشترى وحده كمان استعمليها فورا وحا تحسى بالفرق فى طعم الاكل
كنزى - سرعة الارهاق اكيد عندك نقص حديد هو ال بيسبب سرعة الارهاق فلازم تاخدى فيتامينات
ومفروض كلنا وقت االدوره لازم ناخد حديد لتعويض الجسم ال بيفقده
بى هابى - جزاك الله خيرا على الرابط
حبيبه ربنا يعينك ويسهل لك أمورك حاولى تعملى تنظيف عميق وشامل قبل رمضان بحيث على العيد
يكون عندك شغل خفيف عشان خساره العشره الاواخر مفروض نجتهد اكتر فى العباده خساره يضيعو فى
شغل البيت والتنظيف وقسمى القراءه فى المصحف على مدار اليومبحيث ان شاء الله تختمى اكثر من مره
عين بالنسبه للكبه وكفتة البطاطس يكون الزيت ساخن ثم تقلى فورا مش حا تحتاج تفك
بالنسبه لابنك وقت عصبيته ورفضك لطلبه اشغليه عن طلبه بحاجه جديده يعنى دخليه فى موضوع تانى
بحيث تقللى حدة العصبيه وتكونى واضحه لا يعنى لا بلاش اسلوب الضرب
جربى الخصام بيمون اقوى جدا مع الطفل ووصلى له اى قيمه عن طريق الحدوته
او فى حوارك انتى وبباه ان ابن صديقه بيتصرف كذا والناس كلها زعلانه منه
يعنى وصلى نقدك لتصرفاته بقصه بعيده عنه ووصلى له الصح من خلال نفس القصه
بيكون تاثير الطريقه دى قوى جدا على الطفل وحتى الكبير فى سن المراهقه
واهم حاجه لازمتشركيه فى نشاط رياضى لان الرياضه بتخرج الطاقه عند الطفل
وبتكون مفيده جدا فى فترة المراهقهانها بتكون شغله وقته وبتخرج الطاقه
فبتحميه من انحرافات كثيره وشاركيه حاجه يكون بيحبها تشاهدى معاه كرتون مثلا او برنامج بيحبه
المشاركه دى حا تحسسه بصعوبة الخصام له ويكون تاثيرها اقوى من الضرب
ويلريت تحاولى تحفظيه قرآن وربنا يهديه ويهدى ابنائنا جميعا لان فعلا التربيه صعبه
فى جميع مراحلها ومحتاجه صبر من الام لكن مع ضغوط الحياه الصبر بيقل جدا
ربنا يعنا جميعا

شوفو الرابط فيه مقاله عن تربية الابناء
الرابط http://www.islamtoday.net/articles/show_articles_content.cfm?id=14&catid=152&artid=13256