السلام عليكم ورحمة الله وبركاته
صباح الخير على الجميع
رانيا - ربنا يعينك ومبروك السقه الجديده
ماما زوزو- صباح الفل تعليقاتك جميله مختصره ومفيده وعميقه
الرمال الناعمه - جزاك الله خيرا الرابط رائع
مادو - صباح الفل الرابط جميل جدابالنسبه للكفته انا كتبت غلط فى المشاركه ال فاتت تدحرجيها فى الدقيق ثم تقليها
عطر- الله يسامحهم الضيوف ال وخدينك مننا منتظرينك
مدام وائل - بالنسبه للمحشى بترصيه فى الحله عادى وبتحطى الشوربه لكن بتقللى شويه ان الحله العاديه
وبمجرد سماع السفاره بتهدى النار عليه وبشوى فى الحله كمان الفراخ بتبلها من بليل واحطها فى الحله بدون ماء
واهدى النار من البدايه وبعد عشر دقايق افتح اقلب الفراخ على الجنب التانى واتركها مع التقليب لونها بيتحمر
ومش بتحتاج تدخل الفرن وبتكون حلوه جدا
نصيحه ياجماعه حلة الضغط ممتازه وبتوفر الوقت جدا
بالنسبه للكوسه انا قليتها وشيلتها فى الفريزر لكن كان ليها طعم غريب لكن لو شوحتيها اعتقد تكون افضل
انجى - بما انك عجبتك افكار التدوير عندى كام فكره جديده
بواقى السمك بعد تقشيره تضاف على بطاطس مسلوقه وتوم وبهارات ودقيق وسر الدقيق ان البطاطس ما تفكش فى
القلى وتشرب زيت
بواقى الدجاج ممكن تتشوح معبصل بعد تفتيتها وتكون شاورما
نضيفها لبطاطس بيوريه تسلقى البطاطس وتنعميها مع ملح وفلفل وحليب وتدهنى الصينيه زيت بطاطس ثم الدجاج ثم البطاطس
او فى طريقه انك تقلى شرائح بطاطس وبينها الدجاج ثم شرائح البطاطس وعلى الوش اما بشاميل او جبنه ومايونيز وعلى الفرن
او تضربى بواقى الدجاج فى الكبه ويضاف لها بيضه وتوابل وتعمليها صوابع وتقليها
شوربة الخضار او ل يوم شوربهبخضار مكعبات وتانى يوم تضربى الشوربه فى الخلاط وتشوحى بصله على نار هاديه
حتى تدبل لكن ما يتغيرش لونها وتضيفيها للشوربه مع رشة كسبره خضره
بواقى البشاميل ضيفى لها جبنه مبشوره اثناء التسخين تحصلى على طعم جديد
بواقى الباميه نعميها بالشوكه وتكونى عامله عدس عادى وتضربيه فى الخلاط ويكون سمكه تخين وتضيفى الباميه
وملح وفلفل وكمون وتحمرى توم مع كسبره ناشفه وتضيفيه اكله صعيدى حلوه جدا وطعمها مختلف تقدم مع باذنجان مقلى
وكل ما افتكر حاجه حا اكتبها

صباح الخير
مع ان محدش هنا بيرد عليا بس برضه هعمل بأصلي واسلم...


رانيا
مبروك البيت الجديد يجعله بيت بركة يارب

هايا
ايه يابنتي دا وساكتة على نفسك ليه؟
اقعدي وارقي نفسك كويس بجد مش هزار


مدام وائل
انا الحقيقة عمري ماشفت شوفان غير بتاع كويكر وبصراحة هو غالي فعلا بس فعلا مضمون وتحفة لو عرفتي نوع تاني وطلع زيه ابقي قوليلي

الرمال الناعمه
الفلاش مؤثر جدا اللهم انى اشهدك انى اتوب اليك من جميع الذنوب
جعله الله فى ميزان حسناتك
لولو صباح الفل منوره معانا
مدام وائل المحشى فى حجلة الضغط بيستوى فى ربع ساعه وورق العنب بسيبه نص ساعه لانى بحبه مستوى اكتر

عروس
ميرسي ياقمر وتسلمي على ردك..
بس عاوزة اعرف هي حلة الضغط دي ليها لزمة قوي اصلي مش عارفة لا رضيت اشتريها في جهازي ولا لحد دلوقتي..

لولو هى حلة الضغط سريعه جدا فى التسويه يعنى بتوفر نص الوقت
وكمان الاكل فيها صحى لان فوائد الاكل بتخرج مع البخار لكن الحله بتحتفظ بكل البخار
بيكون طعم الاكل فيها فعلا مختلف عن طريقة التسويه العاديه وفى ناس بتقول انها
مش بتحب الاكل فيها لان صحبتى نصحتنى قالتلى طعم الاكل فيها سيىء ومش بستخدمها
لكن عن تجربه شخصيه ممتازه