السلام عليكم
صباح الفل على عيونكم جميعا
مامازوزو
متتصوريش بفرح اد اية لما بتفتكرينى فى كلامك
واخبارك واحشانى ونفسى اعرف بتعملى ايه قبل رمضان
ولو باختصار
مدام وائل
ايمان بنفسها بتصقفلى اية الهنا دا كلة
وانا ماشية حسب تعليماتك يا فندم مع انى مبحبش اسمع الكلام اوى
بس معرفش لية بسمع كلامك فيكى حاجة لله
وشكرا على معلوماتك الحلوة
بس فى اعتراض على كلمة واحدة على مساعدة الرجل فى البيت
لان النبى علية الصلاة والسلام كان بيساعد زوجاته
وهو قدوتنا جميعا طبعا
وعلى العموم يا ستى يا بخته بيكى ههههههههه ما شاء الله عليكى

هايا
الف سلامه عليكى وعلى فكرة معجون الاسنان حلو اوى للسعات بس حطيه علطول
عروس
اوعى تزهقى منى
هو انتى بتستخدميها ازاى اساسا
من الاول كدة هى بيبقى فيها مصفى احط مية وبعدها احط الاكل فى المصفى متضحكيش
انا اصلا عمرى ما كنت افكر اشتريها
هى ماما جبتها لنفسها ونسيتها وكل ما حد يتجوز تديهاله ميرضاش
انا قلت اخدها مش هتخسر هههههههه

بى هابى
ربنا يسعدك يا رب
ويجعل كل حرف فى الملف بحسنة ويبارك فيكى يا رب
بصى انا عايزة المعجنات ثم الاطباق الساخنة رزالة معلش
وحطيها زى ما هيى عندك متتعبيش نفسك واحنا نبقى نرتبها

ديما
الرابط باع موضوعك جميل ما شاء الله عليكى

عطر

كل عيد جواز وانتم طيبين وبصحه وسعادة وحب وعقبال ما تجوزو يويو
هروح اطبخ وارجعلك بس يا رب تقراى كلامى او تشوفية حتى:D

ديما جزاكى الله خيرا على الرابط
بى هابى ربنا يجعله فى ميزان حسناتك
عطر بما انى لسه ما عملتش الغدا لكن ما اقدرش ما اردش عليكى
فداكى علقه تفوت ولا حد يموت
كل يوم جواز وانتى بخير
ربنا يجعل زوجك قرة عين لك ويجعلك قرة عين له ويرزقكم ذريه صالحه ان شاء الله
ابدا اول مشكله موضوع الديب فريزر نصيحه للكل لازم يكون من اولويات الصرف لانه
مهم جدا فى البيت وبينظم الصرف وبيريحك ان كل احتياجاتك موجوده فمع اول فرصه
لازم ان شاء الله تشتروه لكن ياعطر جهزى حاجات مش محتاجه فرزنه
خلطة قطايف وعسل الكنافه وممكن صلصلة طماطم تحتفى بيها فى التلاجه
2-خلطة المحشى شوفى خليها قاعده كل كوب رز عليهبصله وسط
لان المحشى البصل هو ال بيخليه حلو انا بعمله نى فى نى ممكن تعصرى الطماطم
وتغليها لوحدها على النار تنعمى البصل كويس وعليه بقدونس ملح وفلفل وبهارات
ونعناع جاف وملعقة سمنه والطماطم والرز بعد غسله وابداى بالكوسه والفلفل والباذنجان
وبد كده ادخلى فى الكرنب وده عايز قاعده على رواقه لان ممكن كده زوجى يتهور اكتر من الضرب
بس برده كله فداكى
3- نصيحه قررى حا تعملى ايه مش شرط جدول الزامى لكن بصفه عامه وبعدين ابداى الشرا
لان مع الغلاء ده لو اشتريتى طلباتك وطلبتى بعدها طلب من زوجك النتيجه معروفه هو انتى فى الدور الكام
انا مش بخوفك ده بس عشان تخلى باللك
3- الارهاق اكيد نقص حديد فنصيحه ال حاسه نفسها مجهده ومرهقه اى فيتامينات خصوصا قبل رمضان
عشان يكون عندنا همه للعباده ان شاء الله
4- موضوع التنظيف هو فعلا الصيف وكتر الخروج بيكسل لكن اعملى شغلك اليومى وضيفى عليه شغله واحده بعمق
شوفى انا اختصرت لك المشاكل لاربعه ويارب تكون الحلول عمليه
موضوع الغلاء انا نزلت اشترى طلبات الشهر اولا سلع كتيره جدا مختفيه لانها حا تغلا تانى فعلا غلاء غير عادى
كل شهر مع طلبات البيت فى حاجات قللت منها وفى حاجات منعتها ويبدو ان المرحله القادمه اننا مش حا ناكل خالص
وعشان نكون ايجلبيين فى التفكير بلاش نشترى اكل فرصه ننزل وزننا فعلا ربنا يرحمنا
مادو اسالى ولا يهمك لو حبيتى تسخنى على البخار حا تحطى المايه حوالىعقلتين لصباعك
وبعدين المصفاه وفيها فويل والاكل المراد تسخينه وتغطى الحله عادى يعنى مش حا تحتاجى تغطى بفويل
نفترض انك حا تسلقى لحمه تحطى اللحمه تتسلق وتحطى الخضار المشكل فى المصفى يستوى على البخار لكن بدون فويل
عشان ياخد طعم الشوربه

الرمال بالنسبه لسلق اللحمه والفراخ
بحط فى الشوربه قرنفل حبيتين وحبهان وورق لورى وممكن زنجبيل قطعه صغيره او بودره وملح وفلفل
باقى التوابل بطحنه فى البيت اما البهارات لو العطار عنده نوع حلو اشتريها مطحونه وخليه فى الفريزر
وكميه بسيطه فى علبهللاستخدام عشان تحافظى على ريحته اطول فتره
انا هنا بشترى بهارات اسمها خلطة بريانى وبطحنها فى البيت
كموناتها قرفه وقرنفل وحبهان وورق لورىوشمر وباقى الحاجات مش عارفه اسمها
يارب اكون وفيت معاكى الموضوع