ربنا يكرمك يا مادو

وبعدين هو انتى مستنية اقولك يا بنتى دا انتى ماشاء الله عليكى استاذة والله

بسم الله الله اكبر

وهسأل على الجوافة يارب تكون طلعت دا انا بموت فيها جدااااااااااااااا

كل سنه وانتم طيبين يا بنات عايزة اقولها لكم كل يوم
بجد معاكم حاسه اوى بقرب رمضان
انا بقالى سنين مش بحس الاحساس دة
وعمرى ما عملت استعداد لرمضان من اى نوع
اصل احنا عيله بركاوية اوى وكل حاجه بنعملها فى لحظتها وخلاص
لكن الترتيب والنظام حلو اوى وربنا يجعل تعبنا بفايده ويسهل علينا صيام رمضان وعمل كل ما يرضى ربنا فية
يا رب
عطر اكمل معاك التنظيف
بصى يا ستو انا
1-ابداى من الداخل اولا الدواليب الادراج والنيش و...هكذا
2-نزلى الستائر للغسل ومتشغليش العصر وممكن تضيفى نشا فى الشطف
3-تخلصى من كل تراب البيت ابداى بالبلكونات والشبابيك ونفضى تمام وتخلصى منالتراب فى الاماكن العليا فوق الدوليب
والنيش ودولاب المطبخ وحطى جرايد عشان متتعبكيش بعد كدة
متنسيش تشيلى الادراج وتنضفى الاماكن بتاعتها من جوة
ومتنسيش فوق الابواب كلها وفوق السخانات والتكيف والمراوح
ونفضى الاساس بعد كدة وابداى بالصالون باى قطعه قماش
والايم بتاعه الاساس نضفيها بفرشاة الجزم
انزلى تحت اى حاجة زى السفرة ونفضى
وممكن تجيبى اى حاجة رفيعه زى مضرب الذباب كدة ومررية تحت الاساس الثقيل هتلاقى حاجات ظريفة كدة
متنسيش تحت السرير والكمودينو وغيره
ابداى الكنس
وامسحى التربزات والادوات الكهربائيةزى التلفزيون والكاسيت وخلافة
ولمعى النجف والاباليك وامسحى كل التبلوهات حسب نوعها
شيلى السجاد واغسليه حطى سائل الاطباق عشان البقع الدهنيه احتياطى وعليه شوية كلور بينضف تمام
وممكن بيكربوناته تعقيم وعشان الرائحة وشويه خل عشان تلمع وديتول لو تحبى او خلية فى الشطف
لو فى بقع حطى عليها سفن اب قبل الغسل
ونشرى فى البلكونات
اليوم اللى بعده نشرى كل حاجه فى البيت برة فى الشمس
وعلى العصر شيلى وتكونى طبعا مسحتى السيراميك
افرشى الشقة
او سيبيها كدة عشان تطفشى الضيوف
هيبقى فاضل اية؟؟؟؟؟؟؟؟؟؟المطبخ والحمام واللى عمل دة كلة
اخلصى من الحمام ونضفية بطريقتك
المطبخ اتسلى علية كدة كل يوم حاجة هو والتلاجه
انت بقى هتبقى صعبة شوية ممكن تلاقى كدمات وجروح وضوافر واقعه
خدى دش بقى لو قدرتى
وممكن تضيفى لمساتك الاخيرة من تغير اماكن الاساس
او السجاد او التبلوهات
طلعى طقم ملايات جديدة او فوط ولا خليهم للعيد
وكل سنه وانت طيبه:eek::hahaha:

دينا
طبعا لازم ترحيب خاص بيكى عشان اسمك على اسمى .. هاهاهاااه .. منور يا جمييييل

صباااح الفل على كل الصاحيين بدرى واللى عندهم حضانه زى حالاتى .. احمد بيادبنى ويربينى وبقيت اصحى من النجمه
ماما زوزو .. صباح الورد والفل والياسمين على عيونك .. يا ترى انت هنا ؟

صبااااح الفل يانانا
صباح الفل ياحمد
ايوه كده النشاط حلو
ربنا يخلهولك ويبارك فيه يااااااااااارب
وعندى احساس ان الولد ده هيكون له شأن عظيم
طبعا الكل بيدعيلله
مين اده

نمى ذكاؤه على قد ما تقدرى
مش لعب وبس
العاب تركيبيه
خليه يخرب شويه حاجات فنيه
ساعه قديمه
حائط ويد
عربيه بسلوك
راديو
وقوليله صلحهم او رجهم تانى
مهما كان السن صغير
الاولاد ادكيه جدا ما شاء الله
ربنا يبارك فيه ويهديه
ويخليه
صالح فالح
امين رب العالمين