سما
ايه كم النصايح والمعلومات
من كل لون ومن كل نوع
تسلمى وتسلم يمينك
اللى نقلت ولخصت واضافت

شطوووووره ومشكوووووره

عروس النيل
فعلا عروس المنتدى

بى هابى
الاسم كله سرور
ومعلومات وفيلاتك
ومجهودك شئ مثمر وجميل
بارك الله فيك

اميره الغرام

لو مش عارفه تغير اسمك
اكتبى لنك يثبت تحت مشاركاتك
اميرة الغرام
زوحه مطحونه سابقا
بس ياريت يبقى مبروز
زى اسماء الشوارع اللى لها اسمين

بس حقيقي مش انت حسيت بتغيير فى حياتك بسبب الصحبة الحلوه دى

عطر
رشى علينا شوية عطر
مش كده بلاش التقل ده

مدام واائل
اين انت

شرفينا دائما

سبانش

خلصت النقل ولا لسه
مباارك عليك
ويحعله هنا وسرور وقدم سعد ان شاء الله

حاولى تكتب لنا شويه حاجات يابانى مفيده فى رمضان
زى اضافات للمشروبات
مع مراعاة كتابة بديلها بالمصرى
واهم حاجه مضادات الاكسده

انا باستخدم اشياء كتير من مواضيع الميكروبيتك

بس مش عايزه اخض البنات

حاولى تفيدهم فى المواضيع دى بس مصرى الاشياء

وحشتييييييينا

على فكره انا فاكره الجميع اسم اسم
بس طولت بال
معلش يابنات سامحووووووووووووونى
بحبك فى الله

هالو حلا 5555

جميله كل مجايبك

غرف الاطفال تجنننننننننن

لكن يابنات عايزه اسأل حاجه

اخدو من الغرف دى ايه

كلام امهات بقه ونظام نصايح
مفيش فايده
نشوف مع بعض
وياريت الرساله توصل
انا الغرفة دى عجبنى فيها


http://www.mrkzy.com/

المربعات والبراويز

ومش شرط اعملهم خشب

ممكن صناديق الكوتشى التقيله
ابطنها
او ادهناها او الزق حتى عليها ورق ابيض انفذ الفكره بتلات صناديق على شكل هرمى
يعنى العلب ترص حسب المقاسات
وشيلى فيهم لعب الاطفال اكيد منظرهم هيجنن

والغرفة دى عجبنى فيها

http://www.mrkzy.com/

الخداديات

لو انت عندك خداديات ساده صغريها شويه
من ايشارباتك حزمى الخداديه واعملى فيونكه وكام لون
تحدثى طقم لك او لبنتك
مش شرط نشترى جديد

http://www.mrkzy.com/

والاباجوره اللى هنا
فكرتها بسيطه
لو عندك اباجوره اى كان شكلها لفى
عليها ايشارب اروجانزا او تل او زينيها بشوية حلقان قديمه على توك
يعنى اتصرفى

ودى اباجورة بنتى بنفس الفكره وبقالها سنين



ودي علبه بنفس الفكره ونفس المكونات



ودى سبت لتويتى برضه مكمل ليهم
طفم يعنى



والغرفه دى عجبنى منها

http://www.mrkzy.com/

الخداديه وفكره الفراشات فى حد ذاتها
لو عايزه تعملى خداديه فراشه
اعملى مستطيلين مختلفين الاحجام
احشيهم فيبر واقفلىهم
يعنى كأنهم خداديتين رفيعين
حتيهم جنب بعض وحزميم من المنتصف بشرايط رفيعه ملونه
ابرمى باقى الشرايط او ضفريها واعملى الديل والذنب

بقه عندك خداديه فراشه

ممكن تعمليهم من الايشاربات
او بواقى الملايات
او بديل فستان قديم
جربى ومش هتندمى

ولو عندك استيكرز فراشات او اشتريهم هما سعرهم رخيص

زينى باب حجرة اولادك
شوفى الفراشات اللى كانت فى ديل الجلابيه الفيسكوز انا عملت بيها ابه



لسه الافكار فى غرف حلا كتييييييييييير
لازم ندقق فى كل صوره وكل واحد ياخد فكره وينفذها
زى الاكل ما كل واحد بينفذ شئ
برضه الاشياء دى بسيطه وسهله
وبتعمل اضافه سريعه
وغير مكلفه
ههههههههههههه

حسه انها ندوة

معلش يابنات طوات عليكم
لكن دا شغل مهمهااااااات
سلالالالالالام لانى تعت جدااا
اه مشكوووووووره ياحلا
سلالالالالالالالالالالالالالام
لو عايزنى
كلمونى ادخلكم بسرعة
فى رعاية الله

السلام عليكم ورحمة الله وبركاتة

النهاردة ليلة النص من شعبان كل سنة وانتوا طيبين جميعا ومتنسوش قيام الليل واننا كلنا ندعي لبعض بظهر الغيب ومتنسوش مامة بلو روز يا بنات ربنا يشفيها ويثبتهم يارب

ماما زوزو حضرتك بتصحى من بدري حتى يوم الاجازة انا برده مش بعرف انام حتى 1/2 ساعة زيادة

كنت عايزة أسأل حضرتك هي موضوع اعادة التدوير في الحاجات اللي عندنا زي ما حضرتك بتعملي بيكون موهبة مش كدة يعني صعب الواحد يتعلمه على كبر ؟؟؟ اصل بصراحة انا اخري اركب زرار او اخيط حاجة مقطوعة مش عارفة ينفع اتعلم الحاجات دي ولا بلاش هحاول لاحسن ابوز الدنيا
وكنت عايزة أسأل برده يعني لو مفيهاش مجهود زيادة او تعب لحضرتك تؤليلنا حاجات من الميكرو بيتك

سما تسلم ايدك على كمية المعلومات الهايلة دي فعلا ربنا يجعلها في ميزان حسناتك

بي هابي تسلم ايدك يا جميل

مين كانت بتسأل على الزيادي في ملف المطبخ القديم كان طريقة زبادي باللبن البودرة البنات جربوها ويقولوا كانت حلوة ومن غير ماكينة هدورلك عليها ان شاء الله بس بكرة عشان رايحة عند ماما دلوقتي وبالنسبة للماكينة هي كويسة برده يعني بتقلل احتمالات المخاطرة في الاول احنا كانت عندنا في البيت اعدت سنين واختي اشترت واحدة برده ومرتاحة فيها

رمال الصور مبانتش مع الاسف

مادو جزاك الله خيرا على التذكير بالغيبة والله الواحد بيحاول فعلا بس فعلا حاجة صعبة اوي

مضطرة اقوم ابئى ورايا مليون حاجة قبل ما انزل واشوفكم على خير

صباح الخير على ماما زوزو وهايا والجميع

مامازوزو للاسف الصور مش طالعه بس حاولت اتخيل قصدك
وفعلا الصور ممكن نستوحى منها افكار كتير
عجبنى اوى ان كل حجرة واخدة طابع عام زى الضفدعة مع اللون الاخضرالفاتح
والتمساح مع السمك اخد لون لبنى بلون البحر
كانت مدام وائل قالت مرة انها هتستخدم شكل العربيه فى الديكور يا ريت تدينا افكار

والفرشات كان فى تناغم فى الالوان جميل وبالمناسبة فى اشكال زيها كتير واحلى برة وبتدى اضائه فى الضلمه زى النجوم
الكيس كان ب3 جنيه تقريبا بس شكلها تحفة
وممكن تتحط فى السقف عشان تدى منظر السما
وجتلى فكره بردة عارفين العاب الاطفال اللى بتتنفخ زى العوامات في ميكى وبطوط وخلافة
وبتبوظ بسرعه ممكن نفتحها من فوق على قد دخول اليد ونعلقها على الحيطان منها منظر ومنها ممكن تعينى فيهاحاجة

االسلام عليكم
ازيكم ياجماعهوحشتونى اوى
انااصل جدتىتوفت فجاه عشان كده كنت مزنوقه شويه
مادو حنين او كل من سال عنى ربنا يكرمكم
ياجماعه انا حضرت غسل جدتي و دي كانت اول مره لى حدعنده لنك عن الموضوع