كنت عايزة اقولكوا على فكيرة بس ماجربتهاش
انا بسمع ان بتوع العصير برة بيضيفوا قرع مع المانجو عشان يكترها ويتقلها شوبة

والله انا شايفة ان ده غش مفيد :)

حد سمع على الحكاية دى او جربها قبل كده؟؟؟

اصل عندى مش بياكلوا القرع وانا عارفة انه مغذى جدا
فابفكر اجيب واحدة صغيرة اغشلهم بيها عصير المانجو فى رمضان :)
ايه رايكم ؟

عروس
نتى قولتيلى انك بتضيفى جزر مع السبانخ
حلوة الفكيرة دى
بس انا الجزر هما بياكلوه عندى فى التورلى وشوربة الخضار لكن البنات بالذات مش بياكلوا بقول خالص ولا داقوا الفول فبخاول الحاجة اللى يرفضوها ادحلها فى وسط اى حاجة تانية عشان يبقى بيوصلهم كل العناصر باذن الله

نفس الفكرة فى الخضار مش بيحبوا الطبيخ ولا السطة فبحاول اعملهم الارز بالخضار وهكذا وربنا يهدى اولادنا جميعا

نانا

زمان لما كنتو تتاخرو كنت بقلق عليكو لكن دلوقت بقيت بزعل منكم
الكيد فى دقيقة فاضية تطمنينا عليكى
وانا والله فاكراك كل يوم وعمالة افكر اللى بيغيب دة بيبقى برة البيت؟ ولا وراة شغل كتيير ؟ ولا زهق من التجمع؟
اصل انا فى جميع الاحوال حتى وانا تعبانه ايدى بتكلنى عشان افتح واكلمكو
حتى وانا بلعب مع بنتى اقول لها هقول لطنط كلمة وارجعلك
وانا فى المطبخ بريح معاكم بجد مش بهزر واكتر واحدة بدخل وبتكلم
واخر دا كلة لو غبت محدش بيسال
ولو سالت سؤال البنات يجوبم باهتمام ويقولو مش فاكرين مين اللى سال ؟ هههههههههه
ولوقلت على حاجة كويسة ونفذوها يقولو جميلة ومش فاكرين مين اللى قال عليها او يشكرو حد تانى ههههههههههه
والله لو اصحابى القدام يعرفو اللى بيجرالى معاكم هيشمتو فية
انا لو ملقتش اهتمام لكلامى بسيب الكل ولا يهمنى حد
واول مرة فى حياتى احس بالازلال دة
بس تجمعنا على الخير والتشجيع على طاعة الله هو اللى مصبرنى
وبصراحة حبكم كمان
يلا كفاية كدة
وحدى الله يا نانا وادخلى وطمنينا على ابنك وعليكى

مداام وائل ورانيا
طريق الملوخية بتاعتكم الاتنين فيهم حاجة تشد هجرب واقول لكم على النتائج
بس سؤال لمدام وائل بعد ما احط الملوخية اسيبها عشر دقائق بعد ما اطفى عليها ولااسيبه تغلى
عشان انا اعرف ان الملوخية مش بتتغلى ولا اية؟

مدام وائل
انا بخزن بالطريقة دى ومفيش فايدة مع ان تلاجتنا واحدة لما تفضى اشرحيلى اكتر

روشانا

القائمة جميلة وطباعك فى الاكل واضحة جدا
لو كلنا عملنا قائمة زيك كدة هنجمع فى الاخر قائمة تقضى كم شهر واحنا مش محتارين
اية رايك نقول لك اصناف تزوديها وبعدين نطبعها فى الاخر او نتناقش فيها وكل واحد وزوقة باة
افتكر انت مقلتيش اللزانيا والمكرونة الباشاميل والا انا مخدتش بالى
ووجبة جمبرى خيفة كدة مع الباباغنوج وصلطة الطحينة اية رايك
واية رايك فى فتة الملوخية وفتة الرقاق اصلى محرومة مينهم عشان جوزى طبعا
والكبيرة باة انه بيكرة الاسماك ومشتقات البحر كاها
ودة اللى قاهرنى اكتر مع ان دول ممكن افتكس فيهم ومزهقش

من حق مفهمتش موضوع لسان العصفور قاصدك نخزنة من غير شربة خالص ولا من غير شوربة كتير؟

رانيا
انا عارفة كل الانواع دى من الشوربة
بس عايزة اعرفطريقة شوربة البصل والطماطم والليبى بس ههههههههههه كفاية كدة