يا ماما زوزو ويا روشانا ويا كل اللى ردو على ميرسي قوى على اهتمامكم
انا طبعا زى مانتم عارفين مش من القاهرة انا من الشرقيه ودى تعتبر احسن مدرسه عندنا ده اولا .. ثانيا الخصم على المصاريف بالنسبه لاولاد المدرسين حوالى 10% يعنى مبلغ مش مستاهل خالص غير كده انا قبل وبعد الخصم ماقدرش فى الوقت الحالى على مصاريفها .. كمان المرتبات زى ما قولتلكو كده ومش قابله للزياده يعنى كل العاملين عالاقل فى مرحلة الحضانه والابتدائى لهم نفس المرتبات وكلها عقود يعنى مش تعيين .. ده طبعا عشان يبقى من السهل انهم يفصلوا اللى شايفينه مش مناسب وحتى اللى كاتبين عقود بيمضو استقاله مسبقة عشان ما يعملوش مشاكل للمدرسه فى حالة فسخ عقودهم .. بس كل العاملين معتمدين على لنهم يتنقلو للمراحل الاكبر وطبعا الدروس الخصوصيه هاتكون بديل عن ضعف المرتبات .. وانا زى مانتم عارفين زوجه وام مش سهل انى ادخل بيتى 3 ولا 3 ونص عشان ارجع انزل تانى للدروس وزى ما قولتلكم مستحرمه وخايفه اقصر ناحية البيت وناحية ابنى وجوزى ..بس طبعا المميزات معروفة .. يا ريت تدونى رايكم انا بجد محتاجالكم جدا لانى والله مشتته مش عارفه افكر وخايفه تكون فرصه اندم بعدين عليها .. ارجوكم بسرعه لانى لازم احدد موقفى قبل يوم الاحد .
يا ماما زوزو ويا روشانا ويا كل اللى ردو على ميرسي قوى على اهتمامكم
انا طبعا زى مانتم عارفين مش...
نانا
كنت عايزة ارد عليكي في موضوع الشغل
التخفيض بتاع مصاريف الاولاد بيكون تدريجي يعني احنا عندنا بيبدأ من 10% اول سنة لحد رابع سنة 50% اسألي يمكن عندكم نفس النظام وبكون يوسف كبر شوية وينفع تدخليه معاكي
لو مش هينفع تدخليه خالص يبئى اللي هيحدد تستمري ولا لا انتي ناوية على ايه في المستقبل ناوية تكملي بتشتغلي بئى اعتبري انك بتشتري سنين خبرة مش ناوية وعايزة تعدي في البيت يبئى خلاص ملوش لازمة وبرده انا رأيي قبل ما تاخدي قرار انك تمشي جربي شوية حتى شهر ولا اتنين وشوفي هتحبي الشغل هتقدري توفقي بين الشغل والبيت وكمان كنت عايزة اؤلك ان قسم الكي جي اجازاته كتير غير بقية المدرسة يعني مش هيكون فيه ضغط اوي غير اول اسبوعين في السنة لحد ما تعرفي الولاد وتزبطيهم واخر اسبوعين عشان حفلة اخر السنة وربنا يعملك اللي في الخير يارب
مادو وروشانا وبي هابي جزاكم الله خيرا على تعبكم والمعلومات الحلوة اللي حطينها
اه كنت عايزة اؤلكم لاروز عملت تلخيص لملف استشارة مطبخية الاولاني بتاع السنة اللي فاتت واللي عايزاه تدخل على ملف استشارة الجديد وتبعت على الايميل ليها وهي هتبعته وفعلا منظم واكتر من رائع ربنا يجعله في ميزان حسناتها