السلام عليكم ورحمة الله وبركاته
يا جماعه نانا وحبيبه عتابهم لينا
دليل لشدة الحب والتعلق انا شخصيا مش بحب العتاب خالص
لكن لو بحب حد جدا لازم اعاتبه لشدة حبى له
ومادو كمان زعلانه منى انا كنت ناويه اننا نتكلم فى الموضوع ده عندنا كمان
لانه خفيف ومفيد وما نزلتش الرابط عشان بسمع كلامك
انتى قلتى بلاش رابط من ركننا عشان كلنا معسكرين فيه
وفكرة لسان العصفور انا قريتها انك تحمريها وتحتفظى بيها فى علبه
ووقت الاستعمال تضيفيها على الشوربه
خلاص متصالحين
مدام وائل بجد من قلبى وجودك بيعطينى جو جميل مش عارفه اوصفه بالكلام
سما
كلامك جميل وبلاش تتأخرى علينا
يا جماعه انا بفكر اننا نعمل حضور وانصراف وقلت مادو تمسكه
لكن بفكر ان روشانا هى ال تمسكه وشكلى حا اعملك يا روشانا
تحليل نفسى انت شكلك جاده وصريحه ووقت الجد شديده جدا
يعنى الحا تتاخر عننا حا تتعاقب واتصرفو بقى مع روشانا
لانى بقول لكم شكلها شديده يعنى ما حدش يتاخر
نونا
والله انا كمان بحبك فى الله
رانيا انا عايزه لو سمحتى الشوربه الليبى
وحا اساعد معاكى بشوربات كمان بحيث نقفل موضوع الشوربه
شكلى حا اعمل دكتوراه فى الشوربه
حبيبة اوسو
كلنا بييجى علينا اوقات المود مش اقوى
البنات ما شاء الله وفو
بس انا مش بحب الاستسلاملما المود يكون عندى كده
بقوم على البيت واغير نظامه تماما وابدل السجاد واعمل تغيير شامل
لو مش قادره اعمل كده انزل السوق واشترى اى حاجه للبيت
مش شرط تكون كبيره ورد مفارش ويا سلام لو نفذتى اى فكره من افكار التدوير لماما زوزو
بجد جربى النصيحه دى نفسيتك حا تتغير تماما وبعدها معاكى ورقه وقلم وحددى
فايدة وضرر كل حاجه وقرارك بعدها ان شاء الله حا يكون صائب واهم حاجه الاستخاره
ملوخية مدام وائل نفس طريقتى فى الملوخيه جربوها ومش حا تندمو
بس من قلبى بحبك فى الله انتى وكل المجموعه

رانيا
جزاك الله خيرا على الشوربه
وانا كمان بحب الاكل السورى جدا
وفعلا اللبن المطبوخ ده مش معروف عندنا فى مصر خالص لكن خفيف وقيمته عاليه جدا
مادو
ايه الكلام ده انا بحبك فى الله جدا انا التجمع عملى هوس اعمل شغله واردعلى موضوع
واكمل شغلى يعنى بجد بلاش نخلى الشيطان يضيع علينا الاستفاده العظيمه دى
اننا نتجمع مع بعض النت كله اكلات ووصفات
لكن بدا يكون بنا روح اخوه جميله وهدفنا بقى واحد اننا نعمل الخير وننصح بعض
انا واثقه ان كلنا التجمع ده غير فينا حاجات كتير
انسى بقى تعالى احكى لك عملت ايه بالليل
معلش يا جماعه ده سر بينى وبين مادو
قلت اجهز بطاطس لرمضان فى الفريزر
سلقتها وهرستها وحطيت عليها ملح وفلفل ودقيق
ونعمتها جدا وحشيتها جبنه شيدر ورصيتها فى صينيه وعلى الفريزر
لحد ما تجمد وبعدين حطيتها فى كيس كده سهله جدا انك تاخدى احتياجك وما تكونش متجمده على بعضها
وبعدين الولاد طلبو عشا قلت اجرب فيهم
عملتها بالبيض والبقسماط ودهنت الصينيه زيت وعلى الفرن
طلعت تحفه وخفيفه جدا ومقرمشه كانها مقليه
ايه رايك فى قصة حياتى
قائمة الشوربه والي يحب طريقه يدفع لى فلوس عشان اكتبها
شوربة البرغل
شوربة الحريره
شوربة الفريك
شوربة عدس بالشعيريه
شوربة شوفان
شوربة خضار لكن بطريقه مختلفه عن العاديه

سما
ليكو وحشة كبيرة قوى ونفسى تطبعى رد رانيا فى موضوع المغتربات وتقراية كل شوية
عشان تخدى دفعة
بصراحة شخصيتك فيها كتير منى

رانيا

دعواتى لك دائما بظهر الغيب
وكفاية علية ان واحدة زيك ملهاش زى تحبنى عشان انسى كل همومى
بجد مش عارفة اوصف لك فرحانه قد اية بكلامك
ويا ستى انت بتحبينى عشان انا كمان بحبك وحبى واحترامى ليكى واصل لحد اليابان فوصل لك
وشكرا مرة تانية عل ردك فى موضوع تربية الابناء
وربنا يجعل اخر صبرنا خير ان شاء الله
وشكر مرة تالتة على اصناف الشربة
وجارى التنفيذ يا فندم
ربنا يثقل ميزان حسناتك كمان وكمان يا رب

عروس حبيبتى

مش مصدقة انك اخدت الموضوع جد كدة انا طبعا بهزر فى موضوع الرابط
كنت عايزة اخرجكم من المود البايخ بتاعى النهار دة
ومحدش يصبرنى انا بحبكم غصب عنى
وهفضل معاكم ان شاء الله علطول بالعند فيكم هههههه
الحب بهدلة باة
والشوربة باه الصنف بكام عشان اضرب فى 6
باى يا احلى عروس

عروس
البطاطس شكلها كدة يفتح النفس بالف هنا وهجربها انا كمان ان شا الله
على فكرة انا عملت الجبنة اللبنه اللى قلتى عليها وكانت تحفة
بس انت بتعمليها بكام كوب زبادى وبيطلع اد اية بتسيبيها بعد ما تعمليها اد اية
تاكيد معلومات
انا عارفة انك بتصبر ى علية كتير استحملينى كمان شوية
وربنا يجعلة فى ميزان حسناتك