طب انتو بتجيبو سمنه مصنعه ليه ماهيا برضه مضره جدا
انا بطبخ الاكل بزيت فقط
وبعمل سمنه بلدى فى البيت وبحط معلقه كدا بسيطه سمنه على الاكل لما بحتاج

الحلويات نادرا لما بعملها على طول اعمل كيكه بالزيت وبس
بس مش بجيب اى نوع من انواع السمنه المصنعه
يعنى مستغنيه عنها
انتو بقا بتعملو ايه فى السمنه

رجعتلكوا

لولو
انا بجيب الرز السايب من السوق من اى عطار وساعات فلاحات بيبقوا قاعدين بشولة الشوال ب 80 جنيه
والكيلو سايب ب 3 ونص
بصى يا لولو لو اى مرة نازلة عباس العقاد عدى على العطارة الهندية ولمى كل حاجتك من عندة الرز السايب عندة اغلى سنة ب 3 و 80 بص فل الفل وعنده كل حاجة بيكربونات نشا نشادر ملح ليمون ................................

واكيد فى السوق عندكوا فيى عطار بس معرفش جودة الرز السايب عندة بس بيبان بالنظر على فكرة

وكارفور وسبينز اعتقد فيهم رز سايب برضه
المكرونات ريجينا (للاسف ماعجبنيش السايب ابدا مع انه اوفر)
الصابون السايل بنجيب جركن من محطة بنزين رائع لونه اخضر وبضيف عليه بيكربونات وملح ليمون وخل (من خبرات البنات هنا جزاهم الله خيرا)

مابنكلش حلاوة الحمد لله

الجبنة لافاشكري اوكيرى

دومتى جبنة تلاجة

الاسطانبولى بنجيبها سايبة (مش عارفة الماركة)

العسل والمشتقاته من منحل (:( ربنا يستر بقى)

اللبن بجيب سايب من الفلاحين اللى فى السوق بغلية وقسمة فى اكياس واجمدة فى الفريزر واطلع على الاستخدام
اللبن العلب لأ واللبان معندوش ضمير وحسبي الله ونعم الوكيل


موزريلا دومتى او 3 بقرات اى حاجة غير امريكانا

بسطرمة حلوانى (يا رب نبطلها )

الدقيق سايب من العطار

البهارات كلها سايبة من عند العطار

عدس اصفر اسمر حمص فاصوليا لوبيا دقيق رز كله سايب من عند العطار

الزبادى مش باكلة لكن ولادى بيحبوا دانون

للاسف بنتى بتحب لبن فراولة جهينة ومش لاقياله بديل :(

شوكلاتة جالكسى
(بلاش كادبورى يا بنات عشان فيه سالمونيلا)


الملح ساسا السعودى
(بس لحد دلوقتى مش عارفة الفرق بين الازرق والاخضر لو حد عارف يقولى :))


الزيت كريستال او عافية بجيب اللى عليها عرض 3 لتر

تونة كنت بجيب صن شاين بس غليت بقيت بجيب نوع تانى عليه عرض القطعة كاملة ب 5 جنية بس مش فاكرة الاسم

الجبنة الرومى بجيبها كل فترة ربع كيلو تفاريح كده

مرقة خضار

زيتون اسود

نودلز اندومى لما يبقى عليها عرض

مرقة خضار


بس تقريبا

اللجمة والمفروم والهامبورجر وكفته الشوى والسجق زى لولو من عند الجزار
والفراخ والبانية من عند بتاع الفراخ

والخضار والفاكهة من السوق

حبيبة اوسو

بجيب سمنة بلدى سايبة بالكيلو


بطلت اجيب السمنة الصناعى من زمان
قريت عن مخاطرها غير ان جوزى متعود على البلدى فى الاكل


فبجيب زبدة بلدى او صفرا وسمن بلدى وزيت
دى البدائل بتاعتى

وبستخدمها بسيط فى الاكل يا دوب تدى الطعم

ايه يا بنات مالكم
كله اكتئب مش عايز يرد :(

خلاص نمسح الصفحتين اللى فاتوا وكأن شيء لم يكن

روشانا ___انااهو هرد و بالنسبه للاكتئاب فده بقى مرض العصر للاسف
قوليلي انت بتجيبي السمنه السايبه منين اصلي نفسي اجيب سمنه بلدي اصلي و مش بعرف