ازيكم يابنات عاملين اية

انا بقالي اسبوع كسلانة وهمدانة خالص وربنا يستر مع الصيام لئني كمان كنت ناوية افطم ابني قبل رمضان لاكن لغاية دلوقتي

ماحولتش معاه اصلا الشقة بقي الحمد لله كنت خلصت تنضيفها العميق من فترة وكنت ناوية اعملها تاني علي خفيف

يوم السبت والحد ربنا يقدرني بقي لاحن حاسة ان معنديش طاقة خالص

اماني

انتهزي الطريق للشغل في قراءة القران والاذكار سواء وانتي راحة او جاية من الشغل

واي وقت فاضي ليكي في الشغل كمان

زوجه مطحونه (اميره ) مش كده الف سلامه على سلمى ربنا يحفظها ويباركلك فيها وربنا معاكى ومعانا فى التنضيف وبالنسبه لغسيل السجاجيد انا غسلتهم الشهر اللى فات وشلتهم والحمد لله انى خلصت منهم من زمان قبل دور العيا اللى هدنى خالص
كنزى ازيك متشكره اوىلا على النصيحه الغاليه دى ربنا يكرمك بس المشكله ان المشوار من البيت لشغل مش بعيد يعنى يادوب 10دقايق واكون فى الشغل بس هاحاول اى وقت فاضى استغله فى الذكر وقراءة القران

امانى الف سلامه عليكى انا كمان يبدو انى عندى نقص حديد
عندى دوار ومش عارفه اكمل شغلى وعماله ابلبع فى فيتامينات قبل رمضان
بالنسبه للموظفات ان شاء الله تستفيدى من وقتك فى رمضان وقت الشغل
يكون معاكى المصحف وطبعا حا تصلى الضحى والظهر مع سنن الظهر
ووقت الذهاب والعوده من العمل تسبيح حا ترجعى البيت ريحى شويه
وحضرى الفطار ويبدا برنامجك بعد الفطار ريحى شويه لو حابه
ومرى سريعا على البيت والمطبخ مع التسبيحوصلى التراويح
وممكن تقسميهاشغله وتصلى ركعتين وترجعى تكلملى شغله
يعنى حاولى تقسيم الصلاه على حسب ظروفك والاولاد لكن اهم شىء
لابد اننا ان شاء الله نصلى قيام يوميا لان القيام مغفره للذنوب ان شاء الله
وخدى هدنه بمتابعة برنامج دينى وكملى صلاه او جزء من المصحف
لازم اننا الشهر ده نأجل كل حاجه لبعد رمضان لاننا معانا طول السنه
نعوض ما فاتنا لكن رمضان فرصه لن تعوض فنحن احوج ما نكون لحسنه
نبسط فى الاكل تنظيف سريع وشغله بسيطه بعمق حتى لا يتراكم البيت
ومن نعمنة ربنا ان الذكر عباده مش محتاجه اى مجهود لكن كنز من الحسنات
واهم حاجه اللسان لانه بيمسح الحسنات لان للاسف فى ناس بتمسك لسانها
تماما فى نهار رمضان فقط وبعد الفطار تتكلم براحتها اللهم بلغنا جميعا
رمضان وعنا على صيامه وقيامه اللهم اذقنا فيه لذة العباده والخشوع
ايضا الموظفات حاولى يوم الاجازه حا تنامى براحتك اكتر انك تعملى عمره وحجه
بدون سفر ولا اى مجهود مادى او جسدى واتمنى اننا نستمر على العاده دى
حتى لو مره فى الاسبوع حتى بعد رمضان
اللهم اعنا جميعا على ذكرك وشكرك وحسن عبادتك

عروس جزاكى الله كل خير وربنا يكرمك ويديكى الصحه يارب
اولا عايزه تنصحينى بنوع فيتامين اخده علشان استرجع نشاطى وافوق قبل رمضان
ثانيا بالنسبه للبرنامج اللى قولتيه جميل وتقريبا انا باعمل بيه فى رمضان المشكله انى بروح من الشغل تعبانه قوى وفى نفس الوقت مش بقدراريح يادوب اصلى وادخل على المطبخ اجهز شوية حاجات اذا كان شربات يتعمل او الحلويات اجهزه او العصاير يادوب يكون اذن العصر ويبداء موال المطبخ اللى مابيخلصش ال بعد الفطار طبعا غسل الاطباق وتنضيف وترتيب ويا دوب اخرج يكون وقت العشاء وانا متعوده على صلاة التراويح فى المسجد مع زوجى ويمكن دى الحاجه الوحيده اللى بتقربنى الى الله سبحانه وتعالى فى وسط دوامة الشغل طول اليوم وطبعا قراءة القران بعد كل صلاه حتى اختمه فى رمضان لكن برامج فى التلفزيون ما فيش وقت خالص ويا ريت اللى تتابع برنامج دينى كويس وتلاقى فيه فايده تقولنا عليه حتى نستفيد احنا كمان
وياريت دايما ننصح بعض على طول لان بجد الواحد دايما محتاج لنصيحه وتذكره وجزاكم الله كل خير

اماتى رديت عليكى فى المطبخ

تصبحى على خير :)