عروس
وحشانى جدا
احساسك اية والمنتدى مغلق انبارح ههههههه
انا كنت حاسة انة كابوس مش متخيلة ان مفيش وسيلة تانية للاتصال بيكم غير دى
لازم نشوف حل

السلام عليكم ورحمة الله وبركاته
صباح الخير على الجميع
برحب بام طيبه تنورينا وانا بحب اهل السودان جدا من قلبى لانى بحس انهم طيبين جدا
مادو وشيماء صباح الفل
ايه ياشيماء كلامك ما شاء الله كله حكم
بصو يا جماعه اناحا احكى لكم حكايتى
انا بعتبر نفسى ما احتكتش بالمجتمع نهائى لانى بنت وحيده
فتقريبا نفس طريقة شيماء معايا فى البيت
تزوجت وانا طالبه و كان عندى النيه على عدم الشغل نهائى
يمكن لان ماما كانت بتحب تاخد راييى فى مشاكلها فى العمل
فكنت فكان كل كلامها ليه ان مجتمع العمل كله غيبه ونميمه
وفعلا كان اسلم شىء فى العمل عن تجربة ماما كلام قليل جدا
عدم الكلام فى الخصوصيات نهائى الكلمه الطيبه مع الجميع
نرجع لحكاية الاختلاط الاجتماعى انا سمعت كلمه وخلتها مبدأى فى الحياه
الكلمه الطيبه مع كل من اعرف فى ناس بتعتبر ان ده نفاق انا لو مش بحب حد بهجره هجر جميل
يعنى بدون عداء او خصام والشيخ قال كلمه حلوه جدا
فى ناس بتقول انا واضح وصريح واقول للاعمى فى وشه انت اعمى
قال ده غلط جدا مش هى دى الصراحه لازم الكلمه الطيبه
لانها وصية الرسول عليه الصلاة والسلام اولا ولانها فعلا بتأثر القلوب
انا شخصيه خجوله جدا ولازم باجى على نفسى فى حاجات كتيره جدا
لكن فى حاجه بحس اننا فى منتهى القوه وانسانه مختلفه تماما
لما بشوف خطأ شرعى مع من امامى بمنتهى القوه والشجاعه لازم بتكلم
لانى بخاف جدا اسكت اقول لنفسى ما لازم هى تعرف الغلط وانا لو سكت
هى حا تقتص منى يوم القيامه
فبنتقى الفاظى جدا وباجمل الالفاظ الفت نظر من امامى ان ده خطأ شرعى
بحيث انى لو انفعلت حا يكون مدخل للشيطان وتعاند جدا
الحاجات دى فرقت فى شخصيتى جدا لانى حسيت انى لازم اكون ايجابيه
والايجابيه دى بدات تنعكس على كل حياتى
فى تربية اولادى فى مشاكلى
اكيد الحياه مش ورديه معايا عندى ضغوط ومشاكل احيانا بنهار نفسيا
لكن بفضل الله بقاوم كثيرا بقاوم ان الحياه لازم تكون فيها ضغوط ومشاكل
لان لو ما فيش كده يبقى الجنه فيها ايه وكمان بقول ده كرم كبير من ربنا
علينا اننا بناخد كمان حسنات على الحزن والهم بحس ان نفسيتى اتغيرت جدا
واستمديت قوتى من المشكله بحب اقاوم جدا ومش بحب الاستسلامنهائى
انا من سنه كنت مريضه فى السرير من شدة الالم والاطباء مش عارفه تحدد عندى ايه
وعملت تحاليل كتير جدا ومنهم تحليل غده درقيه لكن كنت بقاوم بشده
بكرر كلام فى نفسى لازم تقاومى انتى ما عندكيش حاجه اقومى اشتغلى فى البيت
واعملى الاكل لولادك لو استسلمتى حا تزيد الحاله وبقيت كل الالم ما يزيد
اكرر نفس الكلام وفى كمان حاجه اتعلمتها من الغربه انى اكلم ربنا
انا جيه واشتكى له همى وفرحى لان ما فيش حد يشاركنى همى وفرحى
والحمد لله بحس بقرب ربنا وان احن علينا من والدينا فى ايه نعمه اجمل من كده
اننا نعيش بمشاعر الطفوله ولله المثل الاعلى انا عايش يومى ووالداى متكفلين بيه
وعمر عبد الكافى شبهها لو ان طفل مشاشى فى طريق والكهربا اتقطعت والطريق كله حفر
لكنه ماسك بأيد ابوه ولله المثل الاعلى لازم تكون مشاعرنا زى الطفل ده
بلاش نخلى الشيطان يسيطر علينا ونضيع الايجابيات من حياتنا
لو قعدنا مع نفسنا بصدق وكتبنا الايجابيات حا نحس اننا مالكين الدنيا
واننا اسعد ناس
سامحونى على الاطاله لكن من شدة حبى لاحلى صحبه قابلتها فى حياتى

ازيكم يا بناااااات و الله وحشتونى اوى
انا حقرا اللى كتبتوه اليومين اللى فاتوا و حرجع تانى
يالا سلام

مادو
لازم فعلا نفكر فى طريقه كمان فى الاتصال ايه رايكم فى الفيس بوك اننا
ندخل باستمرار لان انا امس كنت مدمره نفسيا وحسيت انى منعزله عن العالم الخارجى

السلام عليكم
ازيكم
والله بحبكم فى الله
الحمد لله نفسيتى احسن بفضل الله
ثم بفضلكم كدا على السريع ولما ارجع باليل ان شاء الله
اكون قريت الى فاتنى
واكلم معاكو اكتر
سلام الله عليكم