ايمان
ربنا يفك كربكم انا كتبت رد على رأى شيماء طول بعرض لكن النت فصل
خلاصة الموضوع كلام ماما زوزو
ماشاء الله فيه الخلاصه كفت ووفت
ونصيحه واضح ان البنت ووالدتها بيوصلو رساله ان يكون فى حدود فى العلاقات
وانتو كمان ردو برساله اننا مش فى دماغنا كل افعالكم
وافرحو باخوكى وفرحوه ووصلو الرساله احنا اسره مترابطه
بحيث يوصلو لمرحله من الياس
ان كل افعالهم ضاعت هباء
نصيحه المواجهه الصريحه وعدم الالتفات لافعالهم
وهدوء الاعصاب وربنا يفك كربكو وتفرحو باخوكى

مادو ورانيا
ليه الاحراج والكلام عن الطول انا بقى قصيره
لكن الحمد لله عمر الموضوع ده ما أثر فيه
فنصيحه لنا كل الامهات احيانا بدون ما نشعر بنحط عقد لولادنا بتعليقاتنا
عليهم ونقر عندهم حاجات مش موجوده لو الولد كذب
اوعى تقولى انت كذاب
انا عارفه انك صادق جدا لكن انت نسيت تقول الحقيقه
لابد يا جماعه انتقاء الالفاظ جدا مع اولادنا
ونحول السلبيات عندهم لايجابيات
بمناسبة الايجابيات عايزين نخرج من المود شويه
انا ملاحظه اننا مش بنتكلم عن خلطات البشره والشعر
مش لازم نروشن نفسنا شويه بلاش نخلى الحياه تاخدنا وننسى نفسنا
يالا نعمل برنامج للدلع والروشنه
منتظره افكاركمواقترحاتكم

السلام عليكم ورحمة الله وبركاته
ده رابط موقع اسلامى جديد ان شاء الله يعجبكم
وحاولو نشره وارساله على الايميل ولكم الاجر ان شاء الله
الرابط http://www.isyoutube.com/index.php

ايمان
يا حبيبتى انت عارفة اليومين اللي قبل الفرح دول بيبقو مرهقين قد ايه للعريس وللعروسه والتنشنه بتبقى للركب .. شدة اعصاب وقلق وتوتر وزنقه فى كل حاجه .. زنقة وقت وزنقة مصاريف واى احتكاك ولو بسيط بيبقى مشكله .. فمعلش يعنى خليكى انت علطول اللى تبتدى بالسلام والكلام وتحرجيهم لانهم مهما كان ضيوف وحتى لما بنتهم تتجوز هايفضلوا ضيوف عندكم .. اما العروسه بقى فطبعا اكيد بعد الجواز مش هاتلاقى منكم غير كل خير ايه اللي هايخليها تعمل اي حاجه تزعلكم ولو حصل بقى يبقى العيب منها هى واخوكى يتصرف ساعتها .. روق كده يا جميل .. شكلك ابتديت تعيش فى الدور والتقمص وصل اقصى درجاته هاهاهاهااااه عمه بقى هاهاهااه ..
المهم يا بنتى تلطفو الامور اليومين دول وتعيشو فرحتكم وتفرحو العريس كمان وبلاش توتر عشان ده داخل على حياه جديده واختبار صعب .. هاهاهااه .. لا والله مش قصدى حاجه ماتفهمونيش غلط .. ربنا يا رب يبارك لهم وعليهم ويجمع بينهم فى الخير .

ربنا يبارك فيكم كلم والله


مكنتش ابدا اتمنى ان الموضوع يوصل لكدا

لكن ماما سألت بكل صراحة عن السبب ومفيش اى اجابة

مامتها بتقول بنتى لسة صغيرة متعرفش الجواز والحموات واخوات الجوز وكدا!!!!!!!!!!!!!!!!!!!!!!

وانا اخواتى بقى كبار اختى اكبر من ب 3 سنين وانا 5 والثالثة اصغر منها 5 سنين

وكمان مامتها شايفة ان مفيش جاحة هى بتتصرف بطبيعتها

وكل كلمة تقول اصل اخوا البنات دايما كدا مشغول اخوا البنات كدا دايما مظلوم ومش لاقى نفسة علما بأن هى بانها ولد وحيد برضو!!!!!!!!!!!!!!!

بس اللى ظاهر للكل انها عايزة فعلا توصل رسالة ان ملهاش اى علاقة فى البيت دا غير بأخويا وبس اما مامتة وباباه واخواته دول مش فى الصورة اصلا مش شاغلة بالها بيهم

فهمينى

يعنى عايزين الولد وبس

وانا فهمت كدا من الاول وحاولت اقرب وقلت لها كذا مره فى جهها احنا بنموت فى اخونا و روحنا فية منقدرش نستغنى عنه ابدا ولا هو

اصلا احنا شغلنا مع بعض وحياتنا كلها سوا

مفيش حاجة اسمها دى لفلان ودى فلان

بس برضو فية خلفية لعيلتها هى مامتها لاغية تماما باباها واقاربة عمرنا مشفناهم اصلا

وكل كلامها ان كل الرجالة بتتغير بعد الجواز

بس انا واخواتى دلوقتى قررنا نخلينا فى حالنا خالص هى عايزة تبعد تبعد تقرب تقرب وعلاقتنا باخونا عادى ولو هى عايزة تجيلنا تشرف مش عايزة خلاص

ربنا يفرج كرنا يارب ويهون على بابا وماما