السلام عليكم

صباح الخير جميعا

مادو وايمان
انا من الاندال :)
بس والله ماجاش فى بالى انا ورانيا وهايا تقريبا حطينلكم قبل كده لينك المضيفة وملف المطبخ القديم
كذا مرة افتكر ولو انتم متابعينهم كنتم اتوماتيك هاتروحوا على الملف الجديد

عامة كان يجب التنوية برضه للعلم بالشيئ ملحوقة المرة الجاية ان شاء الله
بس مش ندالة خالص بجد انتم عارفين ان احنا بنحب بعض فى الله وكل واحد فينا بيحب يفيد الاخرين ومايأخرش عنهم حاجة :)


انا مش متابعة بالردود معاكو معلش الويك اند اللى فات سافرنا وبنتى الصعغيرة كان عندها كحة فظيعة لحقتها بالدوا الحمد لله اتحسنت بس رجعت بقى واخدة منها الدور بس على تقيل اوى صدرى بيحرقنى بشكل وزورى
دور محترم مع التعب والارهاق مش راضى يخف
الحمد لله على كل شيئ

فسامحونى مشاركاتى قليلة اليومين دول على ما استرد صحتى بإذن الله

ايمان اللينك اللى انتى حاطاه مش مظبوط
الربط الصح اهو يا فندم

ملف استشارة رمضانية فى المطبخ المصرى

http://forum.hawaaworld.com/showthread.php?t=1351383


شوفتى بقى عشان تعرفى ان نيتى كويسة

روشانا
ماشى هنعديها المرة دى
لكن اعملى حسابك المرة الجاية ..............لا يمكن ابدا
والف سلامة عليكى انت وبنتك
اخدتو اية انتو الاتنين؟ عشان صاحين النهاردة بنفس دور الكحة دة ربنا يستر

صباح الخير
ازيكم يا بنات اتمنى ان تكونو جميعا بخير
وكل سنة وانتم طيبين
عطر ان شاء الله ربنا يشفى ابن اخوكى ويعفو عنة هو وجميع مرضى المسلمين امييييييييييين
مادو
بصى انا عندى ريجيم دة بستعملة لما الاقينى لخبطت شوية فبعاقب نفسى بية
لو تقدرى علية ان شاء الله يجيب نتيجة معاكىبس عاوز قوة ارادة شوية
لاء شويتين بصراحة


بصى دة بينزل 5 كيلو فى خمس ايام
اليوم الاول زبادى
اليوم التانى بطاطس مسلوقة بدون ملح او ملح قلييييييييييل
اليوم التالت فرخة مسلوقة او مشوية
اليوم الرابع جزر
اليوم الخامس برتقال او تفاح


كل دة باى كمية طول اليوم طبعا يعنى وقت ما تجوعى تاكلى نفس النوع مش حاجة تانية
يعنى يوم الزبادى مثلا طول النهار زبادى بس كل ما تجوعى
طبعا مسموح بشرب شاى او قهوة او نسكافية
بدون سكر او سكر رجيم


اليوم السادس باة دة مفتوح
وبعدها كررى نفس الجدول تانى

قبل الرجيم باة تكونى وازنة نفسك طبعا علشان تعرفى انتى فعلا جبتى نتيجة ولا لاء
ولو حصل لازم تكافىء نفسك على قوة ارادتك

اتمنى انى اكون افدتك ولكم كل الحب

مادو

والله يا مادو بنتى كان جالها الدور ده كذا مرة فى الشتا وكل مرة بسخونة وترجيع وفيلم عشان كده اول ماتبدأ تكح تلاقبنى على طول واجرى على الدكتور اخاف يتطور وحكم هيا مابتستحملش
الدكتور كان كاتبلها فنتولين وميكوسولفان
اديتهوملها 3 ايام والحمد لله اتحسنت عليهم
مع ان كان قلبى بياكلنى عشان مش بحب ادى دوا من نفسي بس انا كنت مسافرة
ومابحبيش اوديها غير للدكتور بتاعها عشان بثق فيه

انا بقى شغالة سوايل دافية بحب القرفة باللبن ونسكافيه باللبن عشان صدرى واخدت اول ما تبعت بنادول اكسترا
قرص الصبح وقرص باليل ودوا كحة شرب لقيتة عندى لما رجعت
مش فاكرة اسمه اللى بيبقى بورق الجوافة والعسل وحبة البركة والاعشاب ده في انواع كتير منه باسماء مختلفة

والف سلامة عليكم