عطر الشموع :

مساء الخير عليكوا يا بنات وحشتوني و بجد الف مليون شكرا على دعواتكم الخالصه و الجميله بس طبعا ده عشمي فيكوا و الحمد لله و الشكر لله مصطفى احسن بكتييييييييير النهارده و الحمد لله استجاب للعلاج و لم يحتاج لغسيل دم الحمد لله يارب يتمم عليه الشفاء النهارده فاق من الغيبوبه و كلمني الصبح في الموبايل و طلب لعبه طبعا انا كنت هموت من السعاده اني سمعت صوته تاني قمت جريت لبست يويو عشان اسيبه عند اي حد و اطير اروح لمصطفى و دخلت البس و كنت بلبس بسرعه جدااا و بما اني من الاوزان العظيمه و انا جيا احط رجلي في البنطلون اتشنكلت و ظهري قفش هههههههههههههههههه شفتوا انا فقريه ازاي و احاول اتحرك مفيش قفشت كلمت جوزي قلتله الحقني مش بتحرك قاللي هجيلك حالا كل ده انا واقفه مكاني مش عارفه اتحرك جه القرد يوسف جاب كرسي بلاستيك بتاعه ووقف عليه و فضل يتنطط و انا اقولله ابوس رجلك بلاش هتقع و هوبااااااااا قام واقع على ايده و صوييييييييييييت اتاري القرد ايده اتجزعت هههههههههههههه فقري زي مامته و طبعا انا مش قادره اتحرك وهو مرمي عالارض بيعيط و ياعيني جوزي وصل لقى المنظر كده فضل يضحك علينا و يتريق و فضل يقوللي انتي و عيلتك عايزين مستشفى خاصه بيكوا هههههههههههههههه (اصلنا بجد فقريين اوي) بس قاومت الوجه بضراوه و لبست حزام للظهر و اخدت مسكنات و نزلت عشان مولو حبيبي اجيب له اللعبه و رحت اطمنت عليه هو لسه طبعا في العنايه المركزه بس نحمد ربنا اوي دا كان بيموت تخيلو ان الفيروس عنده كان 185 وهو الماكسيمم بتاعه المفروض يكون 0.2 و ضربات القلب كانت 48 وهو المفروض متزيدش عن 20 يعني بجد الف حمد و شكر لربنا و الحمد لله شالو جهاز التنفس الصناعي و كل الممرضات قعدوا يزغرطوا و يسقفوا دعواتكوا معانا بقى عشان يخرج غرفه عاديه احسن العنايه المركزه دي في حد ذاتها رعب اما انا فلازلت متشنكله .....الا يا بنات متعرفوش حاجه تفك العضله المتشنكله؟؟؟؟؟

مساء الخير عليكوا يا بنات وحشتوني و بجد الف مليون شكرا على دعواتكم الخالصه و الجميله بس طبعا...