ROSHANA :

رانيا طب ليه بتقولى يبطلوا الرياضه بعد كام سنو ما هما ممكن يكملوا بس مع شوية تعديلات يعنى لو بتلعب طايرة او باسكت او الحاجات دى يبقى بدل ماتلبس شورت او برمودا مثلا وتشيرت نص كم يبقى تلبس بنطلون طويل وتشيرت طويل وتبقى فرقة بنات بس السباحة بدل ماتنزل اى بسين فى اى وقت تلتزم بمواعيد البسين للسيدات فقط تقريبا فى كل النوادى البسين بالذات ليه مواعيد سيدات فقط ده تصورى عن الموضوع ولا ايه رايكم

رانيا طب ليه بتقولى يبطلوا الرياضه بعد كام سنو ما هما ممكن يكملوا بس مع شوية تعديلات يعنى لو...

ROSHANA :

اللى مخوفنى بقى اكتر العالم الخارجى وخاصة فى بلدنا الجميلة احنا جوا البيت نعلم ونربى ونفهم وده غلط وده صح والطفل يخرج من البيت يشوف حاجات مناقضه للى اتعلمة هاقولكوا امثلة حصولولى قريب مرة فى العربية لقيت سلمى بتقولنا الحقوا ايه ده فى واحدة كبيرة فى العربية اللى جنبنا رمت ورقة فى الشارع طبعا قعدنا نقولهاهيا غلطانة والصح نخلى الورقة معانا لحد مانرميها فى الباسكت والكلام ده كله مفيش مشينا شارعين لقت واحد من العربية قام حادف بطول ايده علبة بيبسى فاضيه قولنالها نفس الكلام واحنا فة الشارع برضه تسمع بقى الميكروبصات تنادى عباس مكرم تروح البيت تقعد تقلدهم بنفس الطريقة مرة شبطت تروح السوق مع باباها يشتروا حاجة طبعا جوزى بيقولى جالها زهول من الزبالة اللى على الارض والناس بترمى كل حاجة وطريقة كلامهم وتصرفاتهم غريبة عليها يعنى حسه يا بنات انها بتشوف الغلط اكتر بكتير من الصح مش عايزاها تحس انها غريبة يعنى هى بس اللى بتعمل حاجة واللى خواليها كلهم مابيعملوهاش غارفين الاحساس ده وفى نفس الوقت مش عايزة اعيشها فى بيت زجاج منعزل ما هى لازم هاتتعامل مع العالم الخارجى ده فى وقت واللى مخوفنى انها كل ماهاتكبر كل ماهاتلفت نظرها حاجات غلط اكبر تعرفى يا رانيا و عروس احنا سافرنا فترة مش كبيرة وكان من اسباب رجوعنا انا مانطلعش ولادنا من غير اهل ولازم يتربوا فى وسط اهلهم بس ساعات بندم دلوقتى الحياة والعالم الخارجى برة تقريبا فى اى بلد انضف من بلدنا وحتى لو فيه ناس بتعمل غلط فمش بيبقى جهارا كده يعنى اللى بتعلمية للطفل الاساسيات على الاقل مش هايشوف عكسها بره على طول الخط انا دلوقتى اى حد برة بقولوا خليك ماترجعش عشان ولادك يتربوا فى مكان فى سلوكيات محترمة

اللى مخوفنى بقى اكتر العالم الخارجى وخاصة فى بلدنا الجميلة احنا جوا البيت نعلم ونربى ونفهم وده...