كوبونات الراقية تسجيل الدخول

راس المعزّة
راس المعزّة •
سرينا .. ممكن سؤاال؟

الولد شو راح اتسميه؟؟ لأني بصراحه ما أحب أسم سرينا >>>>خدامة بيت عمي !!

علشان اناديكي بأم فلان ... بدل سارينا ..
SARRINA
SARRINA •
راس المعزّة راس المعزّة :
سرينا .. ممكن سؤاال؟ الولد شو راح اتسميه؟؟ لأني بصراحه ما أحب أسم سرينا >>>>خدامة بيت عمي !! علشان اناديكي بأم فلان ... بدل سارينا ..
سرينا .. ممكن سؤاال؟ الولد شو راح اتسميه؟؟ لأني بصراحه ما أحب أسم سرينا >>>>خدامة...

اسمي حبيبتي سارة المشكلة بعد ما اخترت اسم الولد:(
محتارة بين الياس اياد اليف ما ادري انتي عندك اسماء عيال انا لسة بدور زيييين قبل ما اختار
الحي الريفي
الحي الريفي •
السلام عليكم
شخباركم بنات

شخبارك يا ام ليال ان شاء الله يخف عليك الزكام يا رب يكفي تعب الحمل

هلا فيك يا سارينا نفس الاسم الي في بالي اليااااااااااااس بموت عليه

هلا راس المعزة لازم نرجع الموضوع بصراحة مع المشرفات
وآنة نفس الشعور هالحمل أحس بثقل حتى أقول لزوجي أشك اني في التاسع مو السادس الله يتم لنا على خير بس حملتيني صبي


هلا فروشة ألاً بيبقى بعض الأولاد بلا حريم خخخخخخخخخ
بس الحمد لله بتقل نسبة عنوسة النساء وتزيد عنوسة الرجال ههههههههه
راس المعزّة
راس المعزّة •
ايوه الحين سرينا اسم الدلع لساره . .. خلاص ساره أحلى بكثيير ...
بس اسم اليف ابد مش حلو كأنك اتقولين حيوان اليف!!
الياس شو معناته؟؟ اسم نبات صح و لا لأ ؟؟

الحي الريفي .. الله يعينا والله وانا نفس الشي اقول كأني في التاسع مب السادس !!

بناااات أخبار الحمى الشرائيه ؟؟ خفت ولا بعدكم لا زلتم اتفرفرون في المحلات ..
كبرى
كبرى •
صباااااااااااح الخيييييييييير

شلونكم شخباركم كلكم ؟؟

قرأت هذرتكم و سوالفكم ... بس ما بقدر ارد على كل وحدة

اسمعوا يا حلوات اخر اخباري مع ريلي :)

بعد ما اخذني للغدى .. و رجعنا الظهر.. هو نام

و انا تميت اسولف معاكم ... العصر طلعت كان عندي

مشوار ضروري.. و خبرته .. بعدين بروح بيت اهلي

لان في ضيوف يبون يشوفوني.. قال اوكي.

رحت لهم و ظليت للمغرب.. اتصلت خالتي تقول ناويين

يطلعون يتعشون على الساحل.. قلت وراكم

اتصلت له .. قال انا ما ابي اطلع .. اذا تبين تروحين روحي

معاهم ... قلت له من بيوصلني و بيردني ؟؟

قال ( مو شغلي.. دبري نفسج)

قلت لامي دبروا لي مكان في السيارة بروح معاكم

امي قالت لي ما في روحة .. روحي مع ريلج احسن

توكم متصالحين بتطلعين عنه ؟!!

قلت لها ما بروح .. لايعة كبدي منه ..

قالت لي بتروحين يعني بتروحين بيتكم .

لبست عباتي و طلعت رحت بيتي و انا اصييييح

لما وصلت سألني ( شنو فيج؟)

ليش تصيحين ؟؟ و شوية سوالف و انا ما ارد

و ظليت اصيييييييح .... و طلعني يعشيني .. و رجعنا

و رديت تهاوشت معاه خخخخخخخخخ..

شسوي عندي مزاج للهواش..

بعدين تذكرت ان البيبي صار له يومين ما تحرك

ما حسيت فيه بالمرة ... ويلي على ولدي كل شي و لا هو

اتصلت لخالتي و خبرتها قالت ما يصير ما تحرك ..معقولة؟؟

قلت لها ما حسيت فيه بالمررررة..يمكن من الحالة النفسية

قالت لي روحي الطوارئ.. قلت ما بروح .

اتصلت خالتي لبعلي و قالت له السالفة..

و انا كنت في غرفة النوم على السرير اصيح من الهموم

دخل الغرفة و قام يعتذر و يتأسف و و يبرر موقفه

و طلب مني اقوم المستشفى.. و ظل على هالحال نص

ساعة و انا اتدلع ..

رحت المستشفى و البيبي الحمدلله كان يتنفس طبيعي

بس حركته خفيفة .. قلت للدكتورة يمكن من حالتي النفسية

السيئة قالت يمكن لانه يأثر على البيبي.

رديت البيت و نمت..من الصبح قال لي زوجي

انا اليوم بعد عازمنج على الغدى بس مع الخالة ..

و رحنا تغدينا هالمرة في مجمع البحرين .. و هو هالعزومات

كلها يبي انسى السالفة..و انا خلاص بنساها..

بس قلت له لو تكررت اي حركة غلط من مرت اخوك باخذ

اغراضي و بروح بيت اهلي و ما برجع لك خلاص.:(