قـــدر الشــراكــة مــا يــفـــوح

يقولون قدر الشراكة مايفوح.. ايه والله انهم صادزين

اقولكن السالفة , ايه صح نسيت اسلم عليكن ,
السلام عليكم , ياهلا والله , وشلونتس وش اخبارتس ؟ وش اخبار اميمتس عساه اشوا شوي , وابيّتس وش اخبارهـ والسكر والكسترول عساه رويكد واميمتس ورجيلاته وش علومهن ماهانن مرت جيراننا تمدح الوازلين والفقس وذريرة ملح تدلجينهن دلج هاه شرط ان تشوي , هي مجربته وهذاه توحيتس مثل الحصان تبارك الله
امتس موجودة ؟؟
<< :09: يآآآآآآهـ هالموآل يذكرن اذا رديت على التلفون عند جدتي خخخخ اتكسف كسافة ما قضت سواليفهن صدز ان الصمت حكمة والكلام من ذهب

المهم اقولكن سالفة قدر الشراكة مايفوح ..

حنا الله مير يسلمكن عندنا حوض سمك وش كبرهـ ماشاء الله تبارك الله متر بمتر , ويجيتس ذاك اليوم ونبي ننظفه ..
وكل واحد مسوي نفسه شقردي وماهنا احسن منه , والله وكل واحد يشمر كم الثوب ويفزع
ومير تصير الله يسلمكن الدعوى زيطة يعني الدنيا صارت حووسة ودوسة وبلاء وجلاء

اللي شال السمكة وخبط به الارض خاف منه واللي طلع الحصى اللي تحت وكبهن بالارض , ياخسارة الارض نظيفة تلالي
ويجيتس حدى اخواني ويجيب طشت هذا كبره ويقعد يغرف من الماء ويكب به , عاد تبون الحق ان الماء ثلاث ارباعه بالارض
عاد جاء اخوي وينه عند روحه ويمسط على الارض وصار يلثق من الماء وتقعد المؤامرة ثلاث ساعات من الحوسة
انتصف الماء بالحوض وكل واحد جدع اللي بيده قال مليت , هااا هو وش مليت انت ووجهك من يبي ينظفه يعني ؟
المهم انهم رجعوا ينظفونه بعد كم طراق
و بعض البهارات اللي لايمكن عرضها في الصفحة :hahaha:

عاد رجعنا ونظفنا الحوض وصار ماهنا ملحه ويالله لك الحمد والشكر !!
لكن قدر الشراكة مايفوووح , امي اليوم نظفته وكله نص ساعة وهي قاضيه وصار يلالي من نظفه
يالله انك تطول بعمره وتشفي ايدياته
:42:

سوليفية ثانية :
هذي اللي يسلمكم يقولون ان مرتين بالاولين جارات يعني الساس بالساس , ومير يروحن للديرة ويشوفن ذاك القدر اللي ماهنا ملحه , يبرق برقان وكل وحدة كعت عنده تبيه , مير العين بصيرة واليد قصيرة ..
وكل وحدة تناظر هالقدر وشفه به لكن من يقوى عليه يالله ان الشكوى لك
جت وحيدة ايقاله ام صويلح مسويتن نفسه ذهينة قالت يام دحيم وش رايتس اتجادع انا واياتس ونشري هالقدر ..ماش نظرته ماتفوت ..

قالت هاه تقولينه صادزة قالت ام صويلح ايه اجل اتهبع اقوله صادزة ...
قالت ام دحيم اجل شورتس وهداية الله ومير تلفز له كم رييل << جمع ريال ..
ويشرنه وبدت كل وحدة ماتبيه يفارقة ولا دقيدزة , هذي تطبخ به يوم والثانية يوم
عاد ام صويلح قالت ماش ابيه لي مايصير طبخي زين الا به , قالت ام دحيم ابد رجلي برجل هالقدير مايتعدان ابد ...
قالت ام صوليح اجل وش الشور ابونا مايقول زين طبختس الا به << هذا خبزتس يالرفلا كوليه ...
قالت ام دحيم , لي القدر ولتس الغطاء والبيز الي شريته ذيك النوبة وهذا جزاي زودت لتس

قالت يعني هذا كلامتس قالت ام دحيم ايه هذا اللي اقوله , عاد هالمسيكينات كل وحدة اغبى من الثانية
و وافقن على هذا , وعلشان تسذا قالواا قدر الشراكة مايفوووح :42:

وسلامتكن , وسلمن لي على كل من يعز عليكن ومع السلامة طولنا عليكم ..