( قـــديمك نـــديمك لو أغناك جديدك)

( قـــديمك نـــديمك لو أغناك جديدك)



يالله حـــــــــي الربيعات وخواتي في الله



شخبارتكــــمـــ شعلومتكم



عساكم تزقحوون وتنطحوون



الله ياجعله



على طاري تزقحوون << ترى على طاري هذي لزمتن معي يعني لايخلو موضوع لي منها



ماعليناا نجي للي على طاري تزقحوون ؟



عندي وحده من خوياتي حضريه ونعم فيها



هذي مره انا غلطت ودقيت عليها وردت علي امها



قالت : شخبارج



انا متعوده على كلمه ازقح : قلت انا ولله ازقح وانطح واتبطح .. جمعتها لرضاك واختاري فيها



مادريت ولا تسكر السماعه بوجهي



تعرفون شنو انا علامه أستفهاام ؟؟ على راسي



بعد دقايق دقت خويتي وميت ضحك ؟



نشدتها علامج قالت شقلتي لمي صكتها رجفه ساعه هههههههههه



عاد تبت اقول لأي وحده ازقح



صرت اقول أكل الضباان حـــيهــ << ماطاح الا تكرفس وانا اختج



المهم نجـــي لمووضوعنا اللي هو الاهم من هذا كله ؟



وترى السالفه طويله <يعني يبي لها وحده فاضيه تجلس تسمع لي



انا جايه اتشكى لكم الحال ولله من هالسوالف اللي نشوفها هالايام



من عاداتنا اللي تغيرت ياربي دخيلك ..



أأحح بس على قولت الشاعر الماخوذ اللي يقول ؟



يامن له من البال فاضي .. ياتني واعبي له همومي شويه



^


^


^



أخص انتي يام هموم خخخخخخخخ



لا الدعوه عادي بس يالربع ولله من حر مافيني جايه وبهرج معكم



تخيلوا تخيلو معااي ياناس



~ ( الصبــــاحيه صاارت مـســـائيه ) ~



والصباحيه اقصد فيها هي * ثاني يوم من العرس ..



أذكر ولله على أيام قبل لا كنا من اهل المعرس



تلقين كل جماعتنا نمرح ( ننام ) في بيت اهل المعرس اللي عندهم صبااحيه



لان ادعوه قومه من الساعه 8 اصبح ورقص وقصيد وفله ونااسه



مو اللحين نقوم الساعه 6 المغرب والصباحيه بليل



مدري ليه يسمونها اللحين صباحيه المفروض ( وهجاد ليلاه )



والله افتكر في ما مضى على عرس اختي سنة 98 كان عمري 8 سنوات



امي من التعب نومتني بثوبي حق العرس لا فكت شعري ولا مسحت كحيلتي



جت الوالده عساني مابكيها ولا ذوق حرها ابد



وهي تقومني الصبح < لايالشيخه



&
&
&




فاصل بسيط << على طاري قومتني



مو قلت هالطاري معي جتني فيه والقوم تلغفه ملازمني




ايه أذكر اخوي الكبير قال لي : لا قمتي الصبح قوميني معك


قلت : ابشر بسعدك



وانا ارقد وطقيتها نومه لين الساعه 4 العصر



طبعا كان في بعد وقت انام يعني فيه مجال ساعتين بعد بس وين انام وغضباان فوق راسي يصاايح



واقصد بغضباان هو اخوي ( سنفور غضبان سبحان الخالق شبهوه )



ويقوم يرفس فيني ليه ماقومتيني



طيب يمال الهجااد اللي يهجدك وانت بوسط حلمك مو قلت لي لا قمتي قوميني



طيب انا وحده عندي ضروفي ونمت وش اسوي



حسبي عليه كنت احلم بفارس احلالامي اويلالاه بس < لايسمعني يهبدني



فا البنات المستفاد من هالسالفه < انحشوا لاقال لكم اخوكم قوموا



.؟.؟




المهم نرجع لصلب الموضوع اللي هو عن عرس اختي



ايهـ





ورحناا لبيت اختي الساعه 7 الصبح < هجدنا المعرس



وانا منقهره ما بدلت ثوبي وبوفي مععوج ولا ابشركم الكحل صااير شوارع بوجهي



بس علبالكم قعدت ودنيتها بكيه مثل الورعان الطبعيين



لا ولله عدلت ثوبي وقمت لكم ردح ردح مع العجيز



الدنيا كانت بسااطه هاك العااام



ولا يوم عرس عمي رحنا كلنا ياجماعتنا اللي جاينا من السعوديه واللي أقصى الجماعه



نمنا في بيت عماني ولله لا تشوفين قومتنا الصبح < ولله انهم تقول هجيج



لو هادينهم على صداام هاك العام يومه يغزينا كان يمديهـ هااج من الكويت



بس حساافه ماكانو موجودين



بس وربي كان قمه في الونااسهـ والفله وسعه الصدر



ولا يوم عرس اخوي < عاد هذي الذاكره ماحبهاا



لاني فوق ما انا تعبانه بليل قمت الصبح اسوي فطور حق 30 نفر



حسبي عليك ياكوماري مالقيتي تهجين من البيت الا قبل العرس باسبوع



الله يذكر هذيك الايام بخير



ولا اللي ألعن منها في بعض العالم عرسهم يوم واحد وبس يعني مالهم صباحيه



نعنبو داركمـ هذي فرحه ولدنا ولله نرقص ونفرح 3 ايام متتاليه مو يوم واحد



ابكم ياعرب العزا وهو العزا يعني حززن في حززن 3 اياام



والفرحه يوم واحد بس < صحيح ناسن غاويتن حزن


لدرجه انا وصلت معي




وحلفت على امي ان تزوجت < امين يارب العالمين



اني لسوي حفله في بيتنا 3 ايام ورى بعض



ولا فيهـ صباحيه الساعه 7 الصبح < كيفي مو انا العروس



مالت على زمانا هذا بس



تكاليف ومجااكر ولله يالربع حتى بالعيد اذكر نلبس بدالنا من بعد صلاة العيد



ونسير على جيرانا كلهم ..



وعلى الظهر نروح بيت عماني الغدى عندهم



والعصر نركب البدي مع الوالد ونروح لبر ويركبنا حصاان اجرب ونرجع



يعني البدله مو نحلل فلوسها والناس كلها تشوفها إلا نلعن جدفهاا



مو الحين مانلبس الا اذا ركبنا السياره ولا نروح فيها بيت واحد بس


ونقطها بالكبت



ايهه ياحزم الضامي بس



يابنااات خلاص انا قررت قراان مابعده رجعه



يعني لاتحاولون رجاء رجااء



ولا وحده فيكم تقط البرقع ترى اتهيض وانا خلاص قررت ؟



اني يالربع



ازهد بالحيااة بس هذا طبعا عقب ما تزوج < هههههه



وراس مالي خروف وعنز وخيمه جدتي .. و أردد



ياللهـ انك اتهون كل ماجاني .. تحسن الخاتمه وتزين النيه


أشهد ان الشباب اقفى وخلاني .. راح ومعاد له بالوجهه ماريه


عزتي لج وان جاك ماجاني .. أتقلب ولا ادري وش جرى ليه


قمت معاد أسير يم جيراني .. لطرى البر والروحات والجيه




؟ مايتسفااد من أعلااااااه يمال الغناااااه ؟



( ولله مامن مفيد بس اللي بقلبي طلعته خخخخخ )



وسلامتـــكــمـــ