قلبي قمرات حواء عااااامة وبنات الامارات خاااصة..تعالوا شوي

:26: السلام عليكم

اتمنى الجميع بأتم صحة وعافية

باختصار صديقتي حبيبتي ومثل اختي بتروح دبي بعد كم يوم وطالبتني اسالكم يابنات حواء بشكل عااام

وبنات الامارات فديتهم بشكل خااص..تقول ودي اروح هالمرة على سنع لانها هذي المرة ال3 او4 تزور فيها دبي

يعني تقول ودي بهالحريم الي يبيعون المخلطات والخمريات والعطور الشرقية لانو على حسب مافهمنا

من بنات الامارات ان الحريم افضل من المحلات بهالامور ومافي مقارنه

لذلك تبي رقم واحدة سنننعه..مواي كلام ..بالاضافة الى انها تسالكم ايش الاشياء اللي مفترض انها تجيبها معها من هناك

بالعادة انا اذا رحت اجيب زعفران وبس..بس هي تقول ابي اشياء مميزة بدبي ماالاقي مثيلتها بالسعودية..او عالاقل تكون ارخص,,

شوركم يامرتادات دبي وخبيراتها ايش ينجاب من هناك..؟ خويتي ماتبي مثلي بس تجيب الزعفران

تبي اي شي مميز..
الا على فكرة وين يوجد الزعفران الطيب درجة اولى بدبي وايش اسمه هل هو ابوشيبة ولا ذاك الاحمرررر اللي مافيه ولاخط ابيض من زود حماره..

بيني وبينكم بوصيها تجيبلي ؛)

طيب المطاعم بكافة جنسياتها :) ...ايش المطاعم الفلته هناك؟
انا كنت ادمااان على جشن الهندي..هل فيه مطعم بنفس هالمذاق الخرااافي؟

ماركات المكياج بدبي اللي ماتنلقى بالسعودية ايش الماركة المميزة اللي ماتنتفوت؟

مكسرات شي ماشيات...اي شي مميز اذكروه ربي يسعدكم مد نظركم

الفنادق..تبي شقة فندقية واحتارت بين عدة شقق 5 نجوم وهي تشيلسي وشقق شاطئ الواحة بجميرا..ايهم احسن وان كان فيه افضل ياليت

وزوجة اخوي قالتلها على كمبنسكي اللي بمول الامارات وانه فخم ومميز ومريح ان حبت تتسوق او تروح مطاعم اوكوفي.. شراايكم؟

طولت عليكم ياراعيات الطيب بس والله من عشمي فيكم معتبرتكم اخوات انتخي بكم ربي يحفظكم جميــــــــــــــــــعا

منظرتكم
:26: