قلبي محروق

انا متزوجه من عشرين سنه وزوجي دمرني ودمر اطفالي بسبب اهله العشر سنوات الاخيره يضرب فيه وفي عيالي بتبلي واختلاق مشاكل من اهله وخصوصا امه ،،
وصلت لمرحله ان البيت صار جحيم انا وعيالي عايشين بخوف وقلق من الاذى اللي سببه لنا ،،
وطلعت من بيتي من شهرين بعد ماسوى فينا بهذله خلت اولادي يترجوني نطلع من البيت ،،،
اللحين انا ببيت اهلي مر شهرين لا اتصل ولافكر ولاحتى سأل عن عياله ،،
ونويت عالطلاق وطابت نفسي منه بس قلبي محروق على بيتي اللي اثثت كل زاويه فيه واهتميت فيه وكل فلوس تجيني اشتري تحفه او صوره وارتب البيت لحد ماصار الكل يتكلم عن جمال الديكور والترتيب ،،
قلبي محروق ان عيالي بيتشتتون الاولاد كبار وباخليهم عند ابوهم بعد الطلاق والبنت باخذها معاي لانها صغيره ،،
قلبي محروق لاني صبرت وتحملت توقعت انه بيوم بيتغير ويعوضني بس مافي امل ،،
وبنفس الوقت ماقدر ارجع له اهانني سنين وذلني قدام اللي يعرفني واللي مايعرفني في سوق والا مطعم والا عند اهله حتى فالسياره ،،