قلبي مو راضي يصفح ابدا

امس عااد طلعت الغصة لي بقلبي على بنت عمتي
قاعدة تتصل علي وتتكلم ومن سيرة جابت طاري ابوي وزوجته وبناته وبدت تذمهم وانهم ماينطاقون وتقولي لادخلت بيتهم بس حسيت بضيقة بصدري مدري كيف عشتي معاهم سنين
انا هنا انفجرت فيها
قلت لها انتم كنتم تشوفوني اتعذب واعيش بالاهانات بهذ البيت انتي وامك وخالاتك بس ماهمكم اهم حاجة انكم تكالبتو على امي وخربتو بيتها وفرقتوني عنها
وقفلت بوجهها
هذا الكلام من زمان ودي اطلعه لعماتي لانهم هم اكبر سبب بتدمير بيت امي وبعدها عرفو قيمة امي يوم هذي بنت الحرام زوجة ابوي صارت تكيد لهم وفرقتهم عن اخوهم وخلته يظلمهم ويتجبر فيهم حتى امه ماتت زعلانة منه بداهية عقبالهم كلهم
بعدها رسلت لها رسالة واتس اب قلت لها لا اشوف وجهك او احد من خالاتك او بناتهم وهددتها اني بطردها من الباب في حال زارتني هي او اي احد منهم
وسويت حظر لها وللكل لي عندي
وبعدها ندمت بس طنشت
عاجزة اخلي قلبي يصفح ل ابوي وحرمته واهله عاجزة مهما حاولت ما اقدر
لازم اتشمت فيهم بكل مصيبة تصير
شمتت ب عمتي الصغيرة يوم مات زوجها وترملت وهي عمرها ٤٥
وشمتت ببنت عمي يوم طلقها زوجها وشمتت ب عمتي الثانية يوم مات ابنها وحرمته بحادث سيارة
وكل ماتصير حاجة اكون اول وحدة تشمت
اجل تشوفون وحدة تشمت بمرض ابوها وتعبه وديونه
هذا انا اشمت فيه واتمنى يشوف اكثر
وممكن تستغربون مني وتقولون هذي مريضة اكيد
لكن لي عشته مو قليل وانا غافرة لنفسي وعاذرة نفسي
قلبي رافض يصفح او يلين لهم
وحالة ابوي المأساوية لي صارلها سنة سكر وضغط وديون وابنه الحقير مسجون عليه ديون الله لايرده وعقبال مايمضي شبابه كله بالتوقيف
يمكن اي وحدة تشوفه بهذي الحالة يتقطع قلبها الا انا لا ازيد حقد وغيظ واقول ابغى اشوف اكثر وهذا الشي يرجع على حالتي النفسية
اول كنت متصالحة مع واقعي وناسيتهم وعايشة حياتي ومبسوووطة كثيير رغم اي منغصات بحياتي وكنت مخلية جو يومي لي ولا احلى
بس فجأة قبل كم شهر رجعت دوامة الماضي لي كل ما احاول انسى لا ترجع الافكار لي من كل جهة
والمشكلة انا عارفة انه حياتي متعسرة بسبب شماتتي فيهم
فشل حملي اكثر من مرتين وابني تعبان وزوجي لاهي بحياته
ورغم هالشي مو قادرة الا اني اشمت فيهم وادعي عليهم بالامراض والفقر والمصايب
احبائي سئلتكم بالله ادعو لي ان الله يمسح على قلبي ويهديني واطلع من دوامة الحقد هذي وارجع اعيش حياتي مثل اول ناسية ومتصالحة مع نفسي