السلام عليكم
أخواتي أنا متزوجة من 7 سنوات وعندي أطفال
مشكلتي مع أخوي هو أصغر مني وعمره تقريبا 21 أو 22 سنة
من قبل لا اتزوج ودايما في خلافات معه ألفاظه بديئة وأحيانا يتجرأ ويمد يده
يتصرف بطيش وحماقة وهو مايحترم حتى أمي وأبوي وأمي تخاف منه
وتنفذ طلباته اتقاء لشره
المهم أنا بعد ماتزوجت وطلعت من بيت أهلي مشاكلي معه ماانتهت بس قلت
وصارت بيني وبينه مشكلة وعرف زوجي ( أنا ماعلمته بس ولدي وكان عمره وقتها تقريبا 4 سنوات قال لأبوه خالي ضرب ماما ) وكلمه زوجي ومن يومها صار مايكلمني ولا يكلم زوجي
ومر على هالسالفة تقريبا سنتين اروح بيت اهلي واشوفه بس مابينا لاسلام ولاكلام
مؤخرا وبضغط من أمي لتصليح العلاقة صرت اذا شفته اسلم عليه وبدا هو يلين بعد ويسلم احيانا من نفسه ويلاعب أطفالي
المشكلة ألحين انتقلت مني لولدي بكري عمره الحين 6 سنوات
دايم يصارخ عليه ويهدده ويحط عقله بعقل هالطفل بسبب وبدون سبب
وأنا دايم أسكت عشان لاتكبر السالفة وألوم ولدي واقوله خليك مؤدب واحترم خالك ولاترد عليه عيب هذا أكبرمنك بس يوجعني قلبي عليه مافي أم ترضى أحد يصارخ على ولدها ويضربه ليش ماعنده أم وأبو يأدبونه اذا غلط
أخرتها اليوم كنت في بيت أهلي وشوي إلا دخل أخوي وقام يصارخ على الولد بدون سبب وولدي بعد عمري يقوله أنا ماسويت شي وقام يصيح وأنا اطالع مستغربة ابي افهم ليش يهاوشه وتضايقت مرة
وبعد ماطلع سألتني أمي اشفيش قلتلها أنا مقهورة من نفسي ليش مارديت عليه وضليت ساكته
قالت لي اذا رديتي عليه بتكبر السالفة وبيقلبها علي أنا بعد
قلت وش فايدة الام اذا ماتدافع عن أولادها ؟؟؟
وش الحل مع هالأخ بجد أنا للحين مقهورة ومضايقة حدي
مع العلم أنه أصغر أخواني وباقي أخواني متزوجين وبرا البيت والبيت ألحين مافيه إلا هو وأمي أبوي
لايحترم لا أم ولا أب وهو الآمر الناهي في البيت
مشورتكم وش الحل مع هالنوعية ؟
يلزم عليك تسجيل الدخول أولًا لكتابة تعليق.
المفروض تكلميه و تقولي له أبو ولدي ما يرضى علي ولده
بس بصراحة المشكلة الأكبرهي عدم احترامه لوالديه
خلي أمك تكنو حازمة و معاه و تخوفه إنها بتدعي عليه و كمان أبوك و أخواتك لازم يتدخلو و يوقفوه عند حده
بس بصراحة المشكلة الأكبرهي عدم احترامه لوالديه
خلي أمك تكنو حازمة و معاه و تخوفه إنها بتدعي عليه و كمان أبوك و أخواتك لازم يتدخلو و يوقفوه عند حده
الله يهديه ويحنن قلبه علي اهلك بس لالالالازم تشوفين من اصحابه اسالوا عن اصحابه بعدها تعرفون
أنا أتوقع أنه يغار عليك ....
مدري شلون اشرح لك !!
هو يحبك وأنتي عنده شىء كبير ..ووده تهتمين فيه اكثر
يمكن لما كان صغير كنتي انتي اللي تدلعينه وتهتمين فيه وفجأة حسيتيه كبر وانقققطعتي!!!!
أنا مع الاخت (مس دندن) صادقيه وخلي يسولف لك عن همومه ..
مدري شلون اشرح لك !!
هو يحبك وأنتي عنده شىء كبير ..ووده تهتمين فيه اكثر
يمكن لما كان صغير كنتي انتي اللي تدلعينه وتهتمين فيه وفجأة حسيتيه كبر وانقققطعتي!!!!
أنا مع الاخت (مس دندن) صادقيه وخلي يسولف لك عن همومه ..
الله يهدي سركمـ ويصرف عنكم الشيطان بكره ان شاء الله يتزوج ويعقل وولدك اذا انتي ساكنه بنفس الديره اتركيه عند ابوه
الصفحة الأخيرة
اهديه هدايا
احكي معه خليه يشكيلك همومه
اسالي عن اخباره وشوفي كيف رح ينقلب 180 درجة