طخومه :

هذا موقف لاختي في شهر العسل كانو مسافرين براا ودخلو مطعم يتغدون تقول جاب لنا المنيو واختار زوجها وش يبي ةجا دورها وتقول قال لها زوجها تبين اساعدك في اختيارك تقول وخيتي مير اعصب عليه قلت لااا انا اعرف اختارر وهي تقول في نفسها حاقرني يحسبني ماعرف انجليزي وتلقى هذاك الطبق وتجوز لها مكوناته ولقته غالي قالت اكيد زين المهم جابو طبق زوجهاا تقول مادريت الا ذيك العربيه يدفها ثنين عليها رجل عجل خخخخخخخخخ مغلفه بقصدير تقول كل تالي في الطاولات يناظرون هالعربيه وين بتروح وتقول وانا التفت على رجلي قلت وش بياكل هاللحم هاذي يبي لها عشر اشخاص وهي تضحك مادرت انها لها خخخخخخخخخ تقول مادريت الا جابوها لي وخلو واحد واقف فوق راسي يقطع لي وانا اكل خخخخخخخخ تقول متنا من الضحك انا وزوجي قال تستاهلين وهذا موقف لي بشهر العسل كنت مسافره برا واشتهيت مطعم عربي الله لايعيده المهم لقينا مطعم لبناني ورحنا له وحطو لنا طبعاا قبل مانطلب زيتون ومخلل وجا واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه يقالك من السناعه خخخخخخخ مير تطير الزيتونه وتصقع وجه الجرسون وهو ياخذ الطلبات قام قال عنا في لبنان ناكل الزيتون بايدنا عاد مير ماسكت قلت غريبه حنا عنا بالسعوديه نصيدها بالشوكه خخخخخخخخخ وماسكها رجلي علي الى الحين كل ماشاف زيتون قال هاه بالشوكه والا بيدك خخخخخخخخ

هذا موقف لاختي في شهر العسل كانو مسافرين براا ودخلو مطعم يتغدون تقول جاب لنا المنيو واختار...

حلاها مبتليها :

ههههه ذكرتوني بزميلتي تقول اول ايام الزواج كالعاده الخجل ذابحنا <<<بعيد عن وجيهنا المهم زوجها يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بهالاكل اشوا بس الرجال ما غص من عينها وذاك اليوم بالفندق جا الغدا وكالعاده زوجها سالها يالله يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جيعانه ماسكه الدجاجه بكبرها وتعرش فيها !!! وفي هذه الاثناء وش صار >>>طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالالالالاخر وقال لها ها اشوفك منتي مشتهيه وهي خلاص دوروها مسكينه ما تلقونها ونفس صديقتي ذي برضه هي شعرها دايم يبيله سشوار مو ناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت راحت على طاولت الكوي وانسدحت وهاتك يا كوي بهالشعر وبرضه زوجها سوالها صادوه يوم دخل واختنا في الله تكوي منسجمه الرجال انهبل على بالها تزوج وحده ماهي صاحيه

ههههه ذكرتوني بزميلتي تقول اول ايام الزواج كالعاده الخجل ذابحنا <<<بعيد عن وجيهنا المهم...