قم للمعلم وفه التلطيشا

يا هلا وغلا بالحبايب

زي ماهو واضح من العنوان ما صار في احترام للمعلم زمان كان الطلبة يتسابقوا كل واحد يبغى يعطي معلمه هدية ولو كانت جدا بسيطة اما دحين فاللي يعطيه ضربة واللي يعطي قرصة واللي يأكله كف يعني انفلب الحال 180 درجة


اختي الله يهديها ويصلحها لما كانت في المتوسط كانت معرووووووووووووووووووووووووووفة بالعربجة والشقاوة وطولة اللسان والكسل وكل اللي يجي عالبال ومن كثر الشقاوة كانت تروح المدرسة احيانا بشراب احمر ووالتاني اصفر او شراب ايوة وشراب لا يعني مخالفة للنظام وياما كلمتها ابلة النظام بس مافي فايدة ففي مرة شافتها ابلة النظام واقفة في الطابور في الصباح وكانت اختي لابسة كل شراب لون فمسكة الابلة مريول اختي بطرف اصباعها يعني زي اللي بتقرف واختي المصونة ما قدرت تتحمل المسكة هذي فراحت اعطت الابلة كف بكل ما عندها من قوة لدرجة ان الابلة من الصدمة سكتت ولا تكلمت تخيلوا ابلة تاخذ كف قدام البنات ومن مين من طالبة طبعا وصل الخبر للمديرة واختي حاسة انها انتصرت المضحك ان المديرة نفسها كانت تحترم اختي وطلعت اختي منها زي الشعر من العجين


ونفسها اختي هذه برضوا في المتوسط وكانت سنة ثانية جاتهم ابلة منتدبة من مدرسة ثانية وكانت تسمع من الابلات عن اختي وكيف شقاوتها وعربجتها فدخلت هذه الابلة فصل اختي يعني اول مرة تدخل عليهم راحت تطالع في اختي نظرة استحقار وقالتلها: سمعت ان الابلات يقولوا انك انت عدت السنة و...
ومسكينة ما كملت كلامها الا اختي تصرخ فيها وتقولها : اذا ماني عاجبتك اطلعي برااااااااا . الابلة وشها صغر ومو مصدقة اللي سمعته وقالتلها: تطرديني انا قالت لها اختي: ايوة انت مو غيرك واللي يبغاك يطلع برة معاك
المسكينة طلعت من الفصل وهي تبكي ولا والبنات يشجعوا اختي عاللي سوته