قناعتي في التغيير 🍃

يسعد اوقاتكم بكل خيير
بسبب ظروف وضغوط نواجهها ننسى انفسنا
فنتفاجأ مع الايام انه الوضع يحتاج منا مواجه
وقرار نطبقه عشان نوصل للي نبيه
قبل شهرين واجهة نفسي وقررت اغيير وضعي ماتعودت اوصل للي وصلت له من ناحية الوزن
لكن الحمد لله بفضل الله وانا اتصفح قوقل
ارشدني الله الى حمية باليو وهي تقطعين الجلوتين ومشتقاته من نظامك الغذائي لفتره محدده
المهم وفقني الله وقررت ابتدي فيها
طبعاً ماكنت صارمة يعني الوضع اول أسبوعين تعب نفسي بس مجرد ماشفت النتيجه السريعه
تحمسست اكمل وعرفت ان جسمي من الأجسام اللي مايناسبها الجلوتين أبداً
ماتتخيلون ماشاءالله تبارك الله خلال أسبوعين لاحظت نزول سريع في وزني للاسف ماسويت وقتها رياضه كان ممكن نزولي اكثرر كان الجو بارد فتكسلت
وش سويت طلعت لبنده واخذت اغراضي اللي راح اعتمدها صدور دجاج .. مرتديلا.. تونه ..زيتون .. تين .. برتقال.. تفاح ..عنب..ورقيات اخذت كزبره بقدونس خس جرجير بصل اخضر .. خيار..فاصوليا..كوسا..جزر..باميا ..
قطعت كل شي فيه زيت نخيل اي زيوت نباتيه عملت لها ديليت من حياتي اعتمدت زيت الزيتون الاصلي مايدخل فيه اي زيوت او تكرير
قطعت السكر العادي لمدة شهرونص بعد الشهر دخلت سكر ستيفيا واستخدمه وقت الحاجه مثلاً لكوب شاهي
وكنت افطر بيض طبعاً بدون خبز <~اعرف متعب الوضع في البدايه بس الي عندها هدف وتبي توصله لازم تتتعب
المهم بيض افرم معه بقدونس واوقات بصل اخضر واخفقه واعمله زي العجه واكله بالشوكه


اتغدا صحن خضار فاصوليا كوسا 4شرائح مرتديلا او صدر دجاجة اضافة لسلطه خضراء بدون طماط راح يدخل الطماط بعد الشهر


كنت اتعشا تونه سلطه اي نوع اضافي من الخضار
اوقات اتغدا تونه والعشاء خضار مشكله


المهم مسموووح لك تاكلين بالقدر اللي تبينه لاتحرمين نفسسك والنظام مايسمح لك تجوعين طول اليوم اكلي خضار فواكه بروتين


المهم الجلوتين والسكر الابيض فتره المطلوبه ماترجعين الا بعد 4سنوات كحد أعلى او سنتين توقفينهم واذا بترجعين بعد هالفتره تنتبهين لنفسسك لاتخبصين يكون طول وقتك خبز مكرونه كيك فطاير هم البلا اللي ماننتبه له




نرجع لتجربتي


بعد مامر على نظامي شهر دخلت الرز والبطاطا البيضا خفيف
الا صرت احط تونه مع بطاطا مسلوقه واخلطهم ببعض مع رشه بقدونس وجبه كامله ولذيذه
الرز دخلته بس مابالغت فيه نفس قبل صح الاحظ الفتره اللي طافت صار وجبه رئيسيه وهالشي غلط مني كان لازم اخليه مره مرتين بالأسبوع عشان ينزل الوزن اكثر السبب زوجي يداوم لمن تخلص اغراضي اضطر مااجوع فاكل صحن صغير رز وان شاء الله راح ارجع اقطعه لمدة اسبوعين وادخله خفيف


طبعاً فتره النظام كانت ممتعه واكلي مافيه حرمان الا من الجلوتين ومشتقاته
اول شهر فرض تقطعين الرز والجبن والفلفل الرومي والباذنجان والطماط بعد الشهر تدخلينهم بدون خبزززز لو تلاحظون الممثلات الاجنبيات والتركيات يأكلون الجبنه واللبنه بالشوكه فلمعرفتهم بضرر تناول الخبز


القهوه التمر مسموحه اهم شي ماتشربين شاهي بسكر الاسره واي سكر مكرر هو العدو للجسم
مسموح لك سكر ستيفيا لانه طبيعي
الزيوت المكرره غلط الافضل تستبدلونها بزيت جوز الهند والافاكادو والسمسم والزيتون الاصليه بدون تكرير والزبده ايييه زبدة الحيوانيه ماتضررك كثر مايضرك اي زيت نباتي والسر الحيوانيه طبيعي بس النباتيه يدخل فيه مواد واضافات فتضررر الجسم والغدد والخلايا لازم ننتبه لاجسامنا وش يدخل عليها
طبعاً مسمووح لك الملوخيه والسبانخ والفطر فيه محلات تبيع مواد غذائية خاليه من الجلوتين انا للاسف مو قريبه مني وماعندي احد يوديني يجيبني فاستغنيت باللي متوفر
عموماً اللي تقدر تروح لهالمحلات راح تلاقي خبز الارز وخبز الذره وهم مسموحين لك بس بعد مرور اول شهر حميه دخليهم بنظامك وراعي الكميه
الالبان والاجبان مسموحه بعد الشهر الاول من الحميه واذا دخلت تدخل كاملة الدسم انتبهو من موضوع اخذ قليل دسم عشان مايزيد وزني اي شي فيه تكرير او قليل الدسم يدخل فيها امور مصنعه خذي اكلك كامل طبيعي احسن من المواد اللي يضيفونها وتضر جسمك معلومه زبادي قليل الدسم اخطر عليك من كامل الدسم وللاسف المجتمع الخليجي مايعي هالشي نادراً تلاقين تنبيه على انه مااافيه شي اسمه قليل الدسم صحي بالعكس الله يعلم وش طريقته صنعه وش يضاف عليه وووالخ


تبون النتائج الحين لله الحمد مر علي شهرين
نزل وزني بشكل قوي وملحوظ بدون ترهل بشرتي تغيرررت 180درجه صارت مورده على اضاه


غير رقبتي اللي طالت وغيرر صدري الي نقص كثييير وبطني اللي اختفى بنسبة 70% راح اقولكم معلومه عن هالبطن
#معلومه ماسويت الارياضة التصفيق فقط ندمت تمنيت دخلت الرياضه المشي المقاومة كان نازل وزني اكثررر بس ان شاءالله راح ابدا ويارب يوفقني


نفسيتي ارتاحت حضرت مناسبه والكل انصدم وين كنت ووين وصلت بفضل الله


ان شاءالله راح استمر وبرمضان راح اضطر ادخل كم حبه لقيمه وسمبوسه بس لازم تسوين حله لتنظيف امعائك من الجلوتين


بخصوص الكرش البعض تسوي رياضة وماتروح كرشتها ؟!! لانها تاكل خبز و سكر ورز وبطاط ابيض هالاكلات تترسب بهالمنطقه اذا تبين بطنك يروح اقطعي هالاكلات الرز البطاطا البيضا مؤقتاً الجلوتين على طول افتكو منه والله مضر مو مشكله تاكلون بين فتره حددي وقتبس نظفو القولون منه عن طريق كوب سناء مكي قبل النوم ولاتستمرون عليه ولاعلى الجلوتين كثير عندي معلومات عن الاضرار اللي يسببها الجلوتين للاسف


المهم تغيرت مقاساتي لاني ماوزنت بدلاً ماكنت البس xxl صرت البس L والحمد لله بفتره قصيره شهرين بانت نتائج إيجابية


اللي حابه تبدأ فرصه قبل رمضان وانا متاكده مجرد ماتشوفين النتائج راح تتحمسين
راح ابدا الحين اوقف الرز مره ثانيهاسبوعين واعمل رياضه الكارديو وان شاء الله راح اوزن برمضان ان الله عطانا عمر


اعتذر لو كلامي مو مرتب واعتذر على الاطاله واعتذر لو فيه اخطاء إملائية داخله من جوالي


#نصيحه انتي قرري تتغيرين وصدقيني مجرد ماتتخذين قرار راح تنجحين


ماتواجد كثير بالمنتدى اللي مستعجله باي استفسار نفس نكي هنا حسابي بالانستقرام
موفقات وفالكن الرشاقة والجمال