قولوا لي شنو أكل عشان تروح الغازات من بطن ولدي

سلام عليكم خواتي الغاليات
اول شي باركوا لي على المولود اللي جاني بعد معاناة طويله (الحمد الله رب العالمين)
ثانيا انا ولدي عمره اللحين شهر واسبوعين تقريبا بس من اول ما ولدته وبطنه ملاين غازات وبالليل مايرقد الا بعد عذاب وكل يوم نسهر انا والوالده الله يعطيها العافيه للفجر وهو يصرخ من اعماق قلبه ونبدأ نلعب أنا وياه لعبة منو يسكت من البكاء قبل.
ما علينا قالوا لي الحريم الكبار في السن واللي عندهم خبره ان ولدي في غازات في بطنه واكثر شي هالغازات تجي من الحليب اللي من صدري مع العلم اني ارضع ولدي رضاعة طبيعيه وللحين ما عطيته حليب صناعي ولا مره. اخذته بعد للمستشفى وقالوا لي نفس الكلام انه فيه غازات وايد وعطوني قطرات اعطيه عنده اللزوم بس بيني وبينكم ما فاد وياه شي. ناس قالوا لي عطيه حلوه وناس قالوا عطيه ماء غريب وناس قالوا عطيه نبات واللي قالت عطيه ماء اللقاح وماء الحندبان والمرقدوش ومادري شنو يعني ما تم شي ما حطيته في بطنه مسكين ومافي فايده حتى القطرات ما فادت وياه وانا والله حارمه نفسي من كل شي يقولون فيه غازات حتى الذ الاشياء بالنسبة لي.
واخر شي قلت مالي الا الجا الي هالعالم الواسع (عالم حواء) اشوف يمكن في وحده صادتها نفس تجربتي ولقت حل مناسب يريحها ويريح ولدها من هالهم الكبير. فبليز ساعدوني وفيدوني بخبرتكم الله يعطيكم العافيه جميع يارب.