السلام عليكم ورحمة الله
اخباركم ياحوائياات
ابقولكم حالتي واللي عندها خبرة في التعامل مع هذه الناس تقول .."" الموضوع خااص للي ساكنة مع حمولة مو تجي وحدة ماتزوجت او ساكنة ببيت مستقل وتفلسف علي انا ابي وحدة ساكنة مع حمولة يعني لها بس غرفة وحمام "وانتم بكرامة..
اول ماتعذبت مع ولدهم كان بداية الزواج ساحب علي تخيلوا كان ينام بالمجلس وحنا لنا شهر وعااادي اهله مايقولون شي ويشوفوني كل يوم رايحة جاية اصحيه للصلاة بس وقت حاجته هو يجي واذا خلص سلم وطلع وراح للمجلس
طبعا انا ماتحملت حسيت اني رخيييصة عنده وللاسف كان عذره انا مرتاح كذا ودي اطلق بس خايف عليك من كلام الناس ياليته طلق قبل لاجيب ولد الحين كل اهانة اتحملها عشان مجودي ولدي حبيبي ..
تمر السنة ونرزق بولد زي القمر قلت بيتغير لكن للاسف اسمع كلام وتصرفات امه تسيطر عليه والام كانها مسكينة مالها حيلة والله انها مسيطرة على تفكيره وعقله .. كيفه امه يحطها على الراس ويقدرها بس حتى بنت الناس لها كرامة ولها تقديرها واحترامها اذا كان كذا ليه يتزوج كان جلس بحضن امه لين ياخذ الله امانته ...
زعلت ورحت لاهلي ماوقف وقفة رجل بموضوعي الا ابوي كان يبي حل وسط يرضي الجميع والا ابوه وامه قالوا : المره بدالها مره يعني فوق الاهانة اهانة يحسبون ولدهم ملك نازل من السماء مع انهم يشوفون فعايله معي والشره على امه اللي مصلية ومسمية وذكر الله مايفارق لسانها استغفر الله دايما يطري على بالي حديث الرسول المرأة التي تصوم وتصلي ولكنها تؤذي جيرانها قال هي في النار والمرأة الاخرى التي لاتؤذي جيرانها وعبادتها ضعيفة قال هي في الجنة ..
ياخواتي علمت ابوي اني ماني قادرة اتحمل اذا يبيني يطلعني ببيت ابوي قال اذا جاء يصير خير وفعلا جاء الزوج المصون ودخلني ابوي عليه وقال قولي كل اللي بخاطرك تكلمت معاه وقلت انا رجع اذا طلعتني ببيت جاء ابوي وقاله ياولدي اللي يريح الجميع اعمله حنا مانطلبك شي فوق طاقتك هذه حياتك اذا كنت راغب حقق المطلب اذا هذا المطلب يبي يسعدكم انتم الاثنين لان الحياة الزوجية زوج وزوجة ماهي زوج وامه او زوجة وامها انتم شوفوا اللي يريحكم ومايخرب حياتكم .. يوم رد قال انا ماعندي فلوس الحين قال ابوي ماهو عذر ياولدي وشوفوا اللي يسعدكم وبس ..
المهم من بكرة راح هو لاهله ودقت امه على امي وقالت كلام نزل من قدرها ومهابتها بقلبي الحين هي عندي ماتسوى شي من كلامها فعلا حسيت اني مادخلت بيتهم الا عشان اخدم حضرتها وانفخ لها واطبخ ولا تبين اروح للغنم بعد ..
قالت بالحرف الواحد وانا اسمعها لاننا حطيناها على السبكر : بنتك ماااتشتغل تقولها بصوت عالي ماااتشتغل بنتك بس زعلانة بنتك ماتلبس الرجل يبي المره اللي تلبس له وتزين "الله لايبلانا عجوز حتى بالعروس تلبس اللي يلمع "بنتك مسكينة تقول بنتي انه يجي بالليل وهي مطيرة عيونها بالتلفزيون وهو يبيها وهي جالسة تفرج "طبعا بنتها اللي ماتزوجت وعمرها 30 سنة"كانت تراقب تصرفاتي وش كنت اسوي لاني اجلس بالمجلس ووقت الليل ماعندي شغل ولا فيني نوم وش اسوي قاعدة اتفرج لين يجي حضرته من الاستراحة وان جاء جلسنا شوي نقلب بالقنوات وطبعا هي كانت تدخل وتطلع تدخل وتطلع وحنا ياغافلينكم الله اثرها تراقب الاخت جعلها العرس
المهم نرجع لكلامها بالجوال : ترا بدال المره مره يعني ماتشوف الله لايعمينا وش سبب زعلي ومضايقتي ولدها مع بخله شين الطباع اخر شي قالت والله مدري عنكن اضربن على اللي تبن "يعني اعملن الل تبنه"
ردت امي وقالت : والله يافلانة الرجال هي اللي تضرب وهي اللي تقرر حنا مالنا رأي ..وقالت لها امي الله يخليها : بنتي تقول والله انه قالها ولدك لو تلبسين خيشة ماتفرق وشلون تبينها تلبس وتكشخ عند رجل مايبيها وانتم بعد ماتبونها تتعب ولا احد يحس فيها تمرض ماحد يطق الباب عليها بس وقت دورها الباب عليها يرجف عشان تقوم وتطلع تسوي غداكم او عشاكم ترا ماخلقنا عشان كذا وترا ماهو تصرف ناس مع بنت الناس يام فلان وبعدين بنتي قايمة بدورها وان ماقامت انا اعلمها .. وانتهت المكالمة ..
والله يا اخواتي اني قايمة بيومي غرفتي ماعرفها ذاك اليوم حتى مجالس الرجال اجيها واشيك عليه تبي كنس كنستها حتى الرماد اطلعه واجهز حطب لبكرة هذا قت الشتاء وحتى مغالسهم وحماماتهم لان مشاء الله حنا بقرية وتعرفون عادد جو القرية اتربة وغبار وماشاء الله عندنا مجلس يقطع القلب بالتنظيف كل هذا عشان مايمسك علي وبالاخير يطلع كل هالاكلام مدري وش تبي هالعجوز شكلها تبيني احلب لها من غنمها عشان ترضى او اسوي بقلها "الاقط" وبصراحة انا ماتعودت على كذا لاني عمري كله وانا ساكنة بالرياض ..ومايحتاج اقولكم كيف حياة بنت المدنية ..
حنا نظام بيتنا بالدور نمشي وهذا الدور مقدس ياويل وحدة تخالفه لو كان عند اهلها عشا تسوي عشانا وتقدمه وتروح يوووه الا انتي قااااضية ومالك خلق احد .. او لازم لااااازم اجي عندها واستاذن منها ان بنتها تسوي العشاء عشان ابروح انا للعزيمة ماتقول من حالها يابنتي روحي لعشاء اهلك او خوالك الحمدلله العشا ماهو شي لا اعوذ بالله من الكبر واهله .. كاني متزوجتها هي >>تحترم نفسها وش تبي ببنت الناس هي رجلها والقبر وش تببييييييييي مدري .!!!
حياتي الحين مالها اي طعم ولا لون احس اني كرهت حالي احس اني بس كذا جسم يمشي بدون احساس ودمعتي ماتفارقني والاحساس بالظلم يقتلني مع هذا الزوج مايهمه يجي يدخل الغرفة شاف ولده صاحي قعد يلاعبه ويلاعبه لين ينام وان نام حط راسه ونام يعني وشو انا رجل كرسي ماتشوفني وان جاء من الاستراحة وولده نايم حط راسه ونام .. يقول انتي اكله شاربة باهالبيت وش تبين غير الاكل والشرب سلامات انا وحدة من غنمكم يوم تقول كذا اصلا حتى الطعام ماله طعم بس اكل معهم كذا عشان مايقولون وش فيها ماني ناقصة كل مانجلس انا وام زوجي تقعد تمدح بالحريم فلانة ماشاء الله وفلانة ماشاء الله انا اصرفها احيان والاعب ولدي او اقوم اسوي لها قهوة اصرف نفسي ذبحتني ماعمرها جابت سولف زينة بس سوالفها هي وبنتها فلانة عملت وفلانة شاطرة بالطبخ وفلانة قايمة ببيت حمولتها ماقالت هذا ما ابيه او رفضته راضية ومقتنعة ..احيان ودي اراددها بس استغفر ربي كيفها مصيري يوم واطلع ببيت ابيها تذكرني بخير
الاسبوع اللي راح رحت لاهلي وتخيلوا رجعنا قريتنا الساعة 9 بالليل تتوقعون من مسك الدور من بكرة طبعاً انا زوجي صحى الساعة 9 الصبح قال امسكي الدور اليوم ولا كان عندنا رجال واخته تدخل علي وتقول شوفي هذه اكواب جديدة حطيها للبن؟!!!!!! يعني لو كنت مسافرة وجاية البارح تمسكين الدور غصب لاتقدير ولا شي كانهم متحسفين على الوناسة عندي اهلي واكيد كل وحدة منا اذا راحت لاهلها مدة 3 ايام ماتعرف النوم عاد من زمااان عنهم وجيت ومن بكرة مسكت الدور ياذا الدور اللي عقدني وعقد مرت ولدهم لان حنا ثلاثة بالدور ولا يسوى اذا وحدة منا تركته يوم كانهم ماشاء الله قبيلة وهم كم واحد بس من وراهم قشطة وجبن وبيض بس لا هذه رفله لازم اوقف على الفرن لااااازم وبالاخير يكب للدجاج والحمام استغفر الله .. وحتى لو راحت وحدة وتركت وجبة مثل العشاء بكرة تاخذ دور العشاء بس .. استغفر الله مدري وش هالنظام ..
انا الحين بس دوري اللي اقوم فيه حتى العصرية ماخليتها اسوي حلى مع القهوة او احيان اسوي فطاير وماقصر هالمنتدى اعطاني الكثير وان الله يسر ابنزل تطبيقاتي كلها لكل تقريبا طبخة وش اسوي لازم نطبخ واحيان غصب ..
بعد هذا كله تتوقعون ان عائلة زوجي كبيرة .... بعد كل هالمعاناة .!!!!!
لا بس امه وابوه واخته واخوه ؟!! وزوجة اخوه لها قسم جنبنا بس تقولون ضيفة اذا جيت عندنا ..!!
والله ادري كثرت الكلام بس ابي افضفض مليت من الوحدة حتى ولدي صاروا يضحكون علي عمره الحين بسم الله عليه 10 شهور واتكلم معاه احيان بس كذا اشاوره على شي تقول العجوز من تكلمين معه !! كانها ناقدة قلت مع ولدي قالت هاه فهم عاد اللي قلتيه.!!!!!!!!!!!!!!!!!!!!!!!!!!!!!
يلزم عليك تسجيل الدخول أولًا لكتابة تعليق.
فضه بنت ذهب
•
الله يسخرهم لك
الله يسخرهم لكالله يسخرهم لك
اااااااااااااااالله يفرج همك يااااارب استغفري كثير وعند الله مايضيع شي
ديالا1
•
وعليكم السلام ورحمه الله وبركاته
الله يكون بعونك ويفرج كربتك وييسر امورك المتعسره اسال الله الحي القيوم ان يحول حالك الى احسن وافضل حال بحوله وقوته
الله يسخرهم لك ويحنن قلوبهم عليك ويشرح صدرك
الله يكون بعونك ويفرج كربتك وييسر امورك المتعسره اسال الله الحي القيوم ان يحول حالك الى احسن وافضل حال بحوله وقوته
الله يسخرهم لك ويحنن قلوبهم عليك ويشرح صدرك
ملاذ2011
•
حياتي حاسه فيك
لان اهل زوجي بقريه
وعارفه طبايعهم زين
عقول متخلفه
بس انا شارطه على زوجي بيت مستقل وعند اهلي ووظيفة زوجي بعد عند اهلي
بس هو مزعجني بيوديني لهله وبيحط لي بيت هناك وانا رافضه يالله اتحملهم اسبوع
بس مامنعته منهم يروح متى مايبي
ونصيحتي لك
روحي لبيت اهلك اذا ماتقدرين تصبرين
وترى الصبر زين واخرته فرج
بس مشكلتك ماعندك رجال يوقف بجنبك ويصبرك وتحتسبين الاجر
انتي زوجك ضدك فوق اهله
روحي لاهلك ولاترجعين الا ببيت مستقل
لاتقولين ماعنده فلوس لو يبي يتزوج عليك لقى فلوس
والا الزمي السجاده والدعاء والاستغفار وسورة البقره
والله يااختي جربتها وارتحت كثير
الصبر الصبر الصبر
والله يعينك
لان اهل زوجي بقريه
وعارفه طبايعهم زين
عقول متخلفه
بس انا شارطه على زوجي بيت مستقل وعند اهلي ووظيفة زوجي بعد عند اهلي
بس هو مزعجني بيوديني لهله وبيحط لي بيت هناك وانا رافضه يالله اتحملهم اسبوع
بس مامنعته منهم يروح متى مايبي
ونصيحتي لك
روحي لبيت اهلك اذا ماتقدرين تصبرين
وترى الصبر زين واخرته فرج
بس مشكلتك ماعندك رجال يوقف بجنبك ويصبرك وتحتسبين الاجر
انتي زوجك ضدك فوق اهله
روحي لاهلك ولاترجعين الا ببيت مستقل
لاتقولين ماعنده فلوس لو يبي يتزوج عليك لقى فلوس
والا الزمي السجاده والدعاء والاستغفار وسورة البقره
والله يااختي جربتها وارتحت كثير
الصبر الصبر الصبر
والله يعينك
الصفحة الأخيرة