اختي الغالية 00
ادعوا لك بان يؤلف الله بين قلبك وقلب والدك00
تحملي اختي واصبري00
هذا ولدك وهذه حياتك الانسان لازم يتحمل00
من الواضح انك مازلت صغيرة في السن000لم تختبري الحياة 00والا لما اهتممت بتوافه الامور00
هداك الله 00وهدى والك لكل مافيه خير وصواب 00
آآمين00آآمين00

أختي الغالية عزيزة..أولاً الحمدلله على سلامتك ورجعتك بينا..

ثانياً كلامك عن والدك مؤثر جداً جداً..أسئل الله الكريم بعزتة ورحمتة وجلالة..

أن يقوم أبوك بالسلامة ويشفية ويعافية..ويقر عينكم بة..

وياأختي كليجا..قصتي مشابهة لأختي عزيزة..أبوي جاة شلل كامل ونام في المستشفى

شهر وأكثر في غيبوبة...والله ثم والله..أن حتى طعم الموية مرّ في فمنا..والدموع ماوقفت..

تمنينا وبكل صدق..نعطية من أعمارنا...تمنينا نكون مكانة..

والحين..الفلوس اللي يتمنونها الناس..والله ثم والله..ودي أدفعها كلها وأحصل لو لحظات أجلس فيها مع أبوي..

لكن أحسد قبرة..اللي ضمة وسكن فية..وماعاد يفيد التمني..

أنا آسفة طولت..لكن البنات يمرون بلحظات..يكون همهم مركز على الشكل والأناقة..

وما يهمهم أهلهم ويحتقرونهم..وأنا متأكدة أنك منتيب منهم..ومع مرور الايام..

يحسون بغلطتهم تجاة أهلهم

وطبع الاباء كذا..قاسين وعنيدين..ولا تقدرين تناقشينهم..وبعدين أطلبي وتحملي..

ولاتزعلين..والله رضاهم بالدنيا..وأمك ترى مهما كان..قلبها يحن..لحي عليها..وناقشيها..

والله ماراح تردك..وحتى أبوك..تلقين قلبة مغمور بالحب والحنان..بس طبع فيهم..

أدعي ربك ليل نهار..أحسن من زعلك وغضبك اللي ماراح يفيدونك..

وترى لازم تسلمين وتبرين مهم..وتعاملينهم بمحبة..حتى لو ماعطوك وجهة..

ولا تزعلين..بس أنتِ طلبتِ المشورة يالغالية...

اختي انتي ماتكرهين ابوج تكرهين اسلوبه وفي فرق لان الاب نعمه ومايحس بعمة الاب الا اذا انحرم منها بعيد الشر عنا وعنكم جميعا

اختي ليش ماتنادين ابوج وتقعدين معاه في غرفه وتكلميه بكل صراحه ولو شايفه الموقف بيكبر وبايخ


انصح بطريقه انا سويتها مع ريلي يوم كان زعلان مني يبت ورقه وقلم وكتبتله رساله طبعا رسالتي كانت فيها اسف وكلام متزوجين وحب لاتروحين تكتبين نفسي لالاالالالا انتبهي


ابداي بسلام ولاتبينين من اول كلمه انج بنته اكتبي كلام وايد عن حزنك وبخله وكلام الناس ومعاملته وغيره وخليها رساله حزينه انتبهي لاتكتبين اكرهك لا ترها قويه قوليله احبك وانت غالي علي ومابتحس بها الشي الا يوم نفترق

حسسيه بلي تبينه من غير جرح مشاعره واخر شي اكتبي ابنتك فلانه

وحيها في جيب دشداشته او في سيارته او بلبريد

والله انه بيحس اكثر من اي شي وخاصه لو كتبتي فيها ايت قرانيه واحاديث تبين واجب الاب على ابنائه

اقول يمكن ابوج ضروفه الماديه تخليه يكون مقتصد لان كلمة بخيل قويه لان البخيل مايظهر ربيه

او عنده ديون او انتي ماتثبتيله انج كفوا او مبذره او غيره

كل شي يعتمد على الشخص نفسه وبيئته

اذكر زمااااااااااااااااااااااااااااان يوم كان عمري 12 سنه انا واختي كنا نستحي نطلب من ابوي درهم العصر عشان راعي الايس كريم المهم في يوم تشجعت ودخلت عليه الغرفه وطفيت الليت وخليت الباب مبطل شوي يظهر ضوء
المهم قلتله وانا بااااموت ابوي عطني انا واختي خمس دراهم لان ربيعتنا بنت فلا وفلان كل يوم العصر ايبون ايس كريم ويلعبون وانا واختي لا وتميت مستحيه والله كانت ردة فعل ابوي انه عطاني 10 دراهم في هذيج الايام كانت مبلغ عووود وصار يعطينا كل يوم من غير مانطلب ليش لانه حس احنا لاحظنا الفرق بينا وبين بنات الجيران

والله شكلي طولة واااايد اسمحولي

بسم الله الرحمن الرحيم

اخواتي العزيزت .. وقفو شوى .. عزيزه .. عاشقه بجنون..lluaell

السلام عليكم ورحمه الله وبركاته

اخواتي
الاخت كليجه دايت ليه تكلمت هاكذاء ما هو سبب كرها أبيها.. لماذ تقول اكرهه... لماذا ... لماذا
الان كل الاخوات المذكوره اسمائهن اعلاه فيكم احد وصل الاخت المجرزحه الى حل
الكل طاح فيها من كل جانب والبعض منكم قام يشتكي ويتألم ويلفت للغير ما يحصل لهم

الاخت لا تدريد طرح المواضيع المشابه لقصتها او القريبه او معنى البر بالوالدين

قراتو عنوان الرساله المطروحه في المنتدى ---- 0( قولو لي وش اسوي الهم بيذبحني --- 0)


البنت بتموت من الهم وانتم تزيدونها
صح انا معاكم في النصح ولكن ليس بهذا الاسلوب قرات جميع المواضيع ولم اجد اي حل لها
اين الرحمه وين القلوب


اختي كليجه دايت
ابوك مثل ما قلتي مع الناس شكل ومعاكم ومعاملته شكل ثاني
امك خليها الواسطه بينكم
استغلي الوقت المناسب الى ابوك يكون فيه هادى ومبسوط
تقدرين تحتالين عليه بامور اخرى
الجامعه طلبت منى مبلغ يبون مشاركه في اعمال
وبهذا الاسلوب
صح انك تكذبين لكن اهون عليك العذاب الى انتي فيه
استخدمي كل السبل .. وكل الوسائل
انا مقدر كلامك وشعورك تجاه ابوك
ولكن انتي وذكائك
خليه يموت فيك دلعيه خلك انتي الكل في الكل في البيت
وهاذي يبي لها وقت
اصبري عليه وراح تجدين التجاوب منه
اتمنى من الله ان ينور طريقك
وان يهدي ابوك
خلص الاحترام لكي وللاخوات المشاركات
الوله تبوك

تقولج امها ماتهتم فيها وين تخليها واسطه وانا لقتلها الحل تكتبله رساله وكان الله غفور رحيم