اختي الله يهديك كيف تتكلمين كذا على ابوك كيف تكرهينه وهو سبب وجودك في الدنيا

والله اني بعيده عن ابوي ويوم اكلمه وبس يسالني متى راجعه اني اصيح لاني احس انه مفتقدني حتى هو بطل يسالني

والاب تعبيره عن حبه مو زي الام لا يختلف وبعدين احمدي ربك واسلي نفسك مين يصرفك في الاكل والشرب ويدفع عنك الفواتير

والملابس الرجال يحسبون انه الحريم زيهم يعني هم يخيطون الثياب مرتين في السنة بس

ويحسبون الحريم كذا ما يجي على بالهم انك كل طلعة بلبس

وبعدين وين المكافاة حقتك وباقول لك شي اول مكافاة تستلمينها عطي ابوك منها وشوفي فرحته فيها

انا الحمد لله ابوي مقتدر ما شاء الله تبارك الله ولكن يوم عطيته ما تتخيلين الفرحة الي بعيونه

وقال لي انا باحتفظ فيها للذكرى والى الان مرفوعة عنده بظرف

ومن اول راتب لي كمان محتفظ فيه بظرف ثاني ومهما قدمت ما يجي شعرة من المصاريف الي صرفها عليك بس انت ما حسيتي فيها

اجلسي معاه وسوي له شاهي العصر بنفسك واقري له الجرائد وحكيه عن الي صار لك بالكلية

حتى لو ما رد وتكلمي معاه بالي تسمعيه في التلفزيون عن الاخبار او اي شي يحبه

اذا جاي تعبان سوي له مساج سكتي اخوانك اذا محتاج هدوء وشوي شوي بيحس فيك

وانت ادرى بابوك بس صدقيني الاب ما فيه مثله استغفري الله عن الي قلتيه

وادعي انه الله يحنن قلبه عليك وحنا زي اخواتك الكبار تحملي نصحنا

اختي العزيزه كليجه
والله انا من راي تصبرين مهما كان هذا ابوك وله حق عليك وصدقيني مو انتي بس الي تعانين من هالمشكله والله نااااس وااااااااااااااااجد ومع ذلك صابرين لانه مهما كان اب ومع ذلك راح اقولك حاولي تحسسينه بضيقك وانزعاجك لكن بشكل خفيف نوعا ما يعني لاتزودينها معه
:17:
شي ثاني اتمنى انك تطبقينه لانه والله دايما له اثر طيب وسريع التاثير والاستجابه وهو:
حاولي تكتبين له رساله ايه رساله لاتستغربين اكتبي رساله بليغه ومؤثره واكتبيها باسلوب راقي ومؤدب حاولي تستعطفينه فيها وتؤثرين عليه بكلمات قويه وان شاء الله تجدين استجابه
وانا ادعيلك من قلبي بالتوفيق
وهذا كل ماعندي اتمنى اكون ساعدتك ولو بقدر بسيط

أنا فاهمة شعورك زين وترى كل اللي ردوا مقدرينه ..
لكن أكيد بتقولين : الي يده في الموية مو زي اللي يده في النار .. هذولي آباءهم مو زي أبوي .. محد زي أبوي .. إلخ إلخ
:42: بس ابتسمي .. كل المراهقات تجيهم هالحالة !!
وكل وحدة تحسب انها صاحبة اكبر مشكلة ومحد زيها .. لكن لفتتني كلمة قالتها أخت في ردها ، من جد أبوك أحسن أبو بالنسبة لبنت أبوها يضربها كل يوم .. يخلي الأم تصرف على البيت .. يخليها تكرف في البيت عشان يوفر .. مانعها من الدراسة عشان يخفف على نفسه التعب وعوار الراس ..
أعرف انها نماذج مأساوية بس تظلين أفضل من هالحالات بمليون مرة ، فقولي الحين : الحمدلله على كل حال ..
وبعدين ابدأي بالحل البسيط ,,
بصراحة أحس ان طريقة الرسالة مؤثرة ورااائعة .. تدرين ليه ؟
لأن بكل بساطة تكونين ضامنة 100% انها أثرت فيه ولمست مشاعره حتى لو بعد ماقراها على طول رجع زي أول ولاتغير شي ! وتضمنين انها بتوصل كللل اللي في خاطرك كاملة لأنه مستحيييييييل يخليها ولا يكمل قرايتها .. والمهم تستمتعين بفكرة انك تجرأتي وكنتي إيجابية ولا استسلمتي للأفكار السوداوية وبس .. بالعكس سويتي شي ..
وهالشي أثر ..
سواء باين أو لأ ..
مع اني بصراحة ماأظن بيكون مو باين تأثره ،،،، حتى لو 1 %
انتي بس اكتبي عن اللي يضايقك بأسلوب مؤثر وأكدي في النهاية انك واثقة من انه مايدري عن هالأشياء ولا ماكان رضى عنها !!
:42: والله كلام حلو
عشان مايفهم - لاسمح الله - انك تتهمينه بالتقصير بأي شكل ..
بعدها تكونين بريتي ذمتك ، وسويتي اللي عليك وارتحتي ، وطبعاً مع إمكانية انك تسوين خطوات متقدمة أكثر بعد هالخطوة ..
تشجعي وسويها - مع انها سهلة و حلوة ولا فيها غلط ولا عيب ولا حرام بالعكس تماما -
:27:

أعتقد الأخوات ماشاء الله كفوا ووفوا
بشرينا إن شاء الله راح ابليس؟؟؟
تعوذي من الشيطان
أنا أعتقد انك حساسه شوي من أبوك
مافيها شيء لو قال لك وين الفلوس اللي عطيتك اياها عادي كل الآباء كذا يقولونه ويعطون ويرحمون
ويمكن الآباء يتعبون في جمع فلوسهم ويحسون اننا خذناها وطيرناها بكل راحه ومن دون تعب
قولي له اذا قال وين ال300 مثلا الله لايحرمنا منك والله يخليك لنا معليش صرفتها على كذا وكذا وكذا مافيها
شيء لو عددتي له مو تحقيق هو لا عادي علميه باللي تشترينه وفي نفس الوقت خليك قنوعه
الله يرزقنا وياك حب القناعه
والسلام أنت علي صوتك وقولي السلام عليكم أبوي يمكن يرق ويرد السلام
وقولي بابا السلام سنه ورده واجب بس مو بزعل لا بهدوء وابتسامه
وابعدي التفكير في هالأمر عن بالك لاتشغلين نفسك مره وكل يوم ادعي ربي يفرج عنك وييسر أمرك
يارب يافارج الهم فرج همنا
:27:

انا مع البنات اللي فوق ومع نصايحهم
وكثير من البنات مثلج عادي اشفيها لو مايعطيج مصروفج ؟
او يكلمج باسلوب مايعييبج عادي ابوج وتاج راسج الابو من حقه يسوي اللي يبي عادي وهونيها وتهون مادري ليش مكبره السالفه كليجة... يمكن ليش انج حساسه اشوي
اختي احمدي ربك انه ابوك كذا وبس ...وانتي تقدرين تكسبينه وشوفي ليش اهوه يعاملج كذا وحاولي ادلليه واتشاوريه واخذي رايه واجلسي معاه واحترميه ولاترفعين صوتج عليه واذا مشى خليه قدامج واذا اهو يريد اي حاجه خليج فطينه واعطيه قبل لايطلبه اذا كان مستريح قوليله بابا اتريد اهمزلك اريولك من غير مايطلب يعني دلليه وتجذي راح اتصيرين انتي شي ثاني عنده والله اقولج هذا الكلام من تجربه وابوي بالمره شخصيته قويه... لو اقولج اشلون تغير بعد ماغيرت اسلوبي معاه لاني اعترفلج كنت مثلج بس انتي اهون مني كنت اعوذبالله
عنيده ومااسمع كلامه وكلش اتذمر منه ومن تصرفاته وانا واياه شيل وحط حتى والله يوم حسيته بدى يكرهني الله يخليه يارب ويحفظه جلست جلسة مصارحة مع نفسي انتي سوي مثلي وغيري معاملتج له وشوفي اذا اهو بيتغير وياج او لا.....والله معاج ويعينج......

:26: :24: :26: :24: