الطول زين لو في الخشوم

مثل عندنا مششششششششششششششششششششششششششهوروناس تقول عز

من قدك ياحلو اتركي هالكلام ورى ظهرك دام الله معافيك اشلك بالناس وكلامهم سيبيهم وشوفي حالك

اهم شي زوجك عاجبته انتى واذا كنتى مثل اللي بالصوره عادي يهبل مو بشع
واحمدى الله على النعمه اللي انتى فيها بعدين لاتغامرين بعمليه تجميل لانها عذاب واحتمال ماتطلع النتيجه مرضيه...وحرام تغيرين خلق الله دام مافيه شي غير طبيعي
وترى يمكن لما قال يخرب بيت منخارك يمكن عاجبه ليه تحطينه نقطه سلبيه

تعوذي من ابليس ومافيها شي ولا تهتمين على شي مايسوى
وبامكانك تخفين عيوب خشمك بكريم اساس غامق شوى يبين الخشم اصغر

أوكي، خل أقول لج عن نفسي لأني اواجه نفس الشي بس انا ما عدت أنظر لها انها مشكله بتاتا،، أصلا أنا ناسيه هالموضوع وأنتي ذكرتيني فيه!!!!!!!

أنا مثلج، خشمي طويل، ومن نوع ما يبين اذا من جدام (أو يمكن يبين!! مادري!!) بس المهم ان يبين على صوب

يوم كنت صغيره في سن المراهقه كان هالموضوع مسبب لي أزمه و هم كبيــــــــــــــــــــــر

باختصار كنت متعقده، ومثلج ساعات أوسوس ان الناس تعلق وانا انسانه حساسه ومازلت حساسه بس مب في هالموضوع

كانوا الناس يلفتون نظري حق هالمشكله أكثر مما أنا كنت ملتفته لها!!!! اللي يتطنز، واللي يعلق، واللي يقول كل شي فيج حلو الا خشمج امخرب عليج،،
والأهم: اللي يقول لازم اتسوين عملية تجميل <<<<<< وهاي محور كلامي معاج .......

الحمدلله، انا انسانه ملتزمه بديني من يوم أنا في رابع ابتدائي عندي وعي ديني وحاسه بالمسؤليه الدينيه وأخاف ربي

فكانوا لما الناس يبون يهونون علي ويقولون لي سوّي عمليه كنت أستنكر هالشي وبشده من داخلي. حزتها انا كنت صغيره ما عندي علم في الفتاوي اذا هو حلال أو حرام، بس أنا من داخلي عندي يقين ان هالشي حرام، وحتى لو فرضنا انه مب حرام، فأنا أقول أسلم لي ان أفكر ان هو حرام بدال لا أروح اغير في خلقة ربي و بعدين أقعد أوسوس عقب ما يفوت الفوت

والحمدلله، من شدة اقتناعي ان هالشي حرام، كبرت وأنا رافضه فكرة العمليه، في هالحاله ما صار عندي غير حل واحد، وهو اني أتقبل نفسي مثل ما انا.... وأرضى وأفكر في الأجر اللي انا أحصله من ورا كل لحظة ضيق نفسي أمر فيه اذا شفت خشمي في المنظره واحتسبت الأجر، ومن ورا كل كلمه جارحه أحصلها .. أنا عارفه ومتيقنه ان لي من وراها أجر ان شاءالله

وشوفيني الحين،، صار لي سنيــــــــــــــن ناسيه الموضوع ولا يمر على بالي نهائي!!! بالعكس، تعالي سمعي كلام الناس عني، مو مدحا في روحي، بس الحمدلله ماشاءالله الناس تمدح في جمالي وما تلتفت لخشمي رغم انه للحين نفس الطول، يعني شللي تغير؟؟
1. القناعه والرضا
2. الجمال الداخلي
3. الثقه << أهم شي... يوم انا صرت أتقبل خشمي وصرت واثقه من نفسي ومن جمالي صرت اهتم بنفسي اكثر وأركز على نقاط الجمال في وجهي وأهتم في لبسي وشعري وغيره وغيره... بالتالي قامت الناس تشوفني جميله.....

شوفي نفسج جميله وتعاملي مع الناس على هالأساس وبهالثقه والناس راح تشوفج جميله..

وانسي عمليات التجميل،، وفكري في الاخره وان شاءالله هاي كله لج من وراه أجر..

واسفه على الاطاله :)

دام زوجك واهلك يشوفونك جميله ولا يعلقون على خشمك..........

وتتضايقين اذا طلعتي برااا.........!!!

الحل..............غطي وجهك........وارتااااااااااحي

مشكوووورين حبيباتي على مروركم ومواساتكم لي


انا والله من قبل كنت عادي ولا افكر بس ما ادري شنو اللي صاير هالأيام الناس زايد تعليقها ، حتى اختي تقولي لو انتي متبرجه ما بيشوفون خشمج الا بيشوفون اشيه من جسمج ، بدليل ان المتبرجات بعض الاحيان حتى لو شنو فيهم عيوب يصيرون حلوين

بس طبعا انا مستحيل افكر اني اتبرج او اهد حجابي او عبايتي

الهادئة* حبيبتي انا مقتنعه بكلامج حتى بعض الاحيان اقول لما زوجي يعطيني هديه ما يصير اني اقوله لا ما ابيها غيرها فشلون اذا كانت هالهديه من ربنا وانه خلقنا على احسن حال ، بس اللي يبط الجبد هالناس اللي ماعندهم الا يتطنزون على خلق الله.


اختي جحود،،، المشكله ان في مجتمعنا البحريني صعب غطاء الوجه وحتى لو مو صعب في حالتي صعب لاني وراي دراسه .


حبيبيتي سوبر موديل انا نفسج كل شي فيني زين بيضه وشعري اشقر وناعم وطولي حلو ومتروسه شوي والاهم ان فيني جاذبيه وطيبه تجذب الناس يعني ادخل القلب بسرعه بس مشكلتي خشمي مخرب علي وان شاء الله استعيد ثقتي بنفسي يارب

حبيبتي BINTalnoor حلوه كلمتج يخسي الا اهو خخخخخخخخخ اي والله يخسي الا هو ، اللي يبط الجبد انه مو حلو بس شتقولين الظاهر الناس اللي فيها نقص اهي اللي تمشي وتتطنز على خلق الله ، الله يعطيج اللي في بالج وتضعفين اكثر :D



حبيبتي محتاجه قلب كلامج صح وانا بعد احاول اسوي الللي تقولين له ، والناس ماداموا مايعرفوني ولا يعرفون اخلاقي فمو من حقهم يحكمون على شكلي ، وانا رافضه عمليات التجميل يعني انا لا مغنيه ولا ممثله والعياذ بالله ، فليش اروح في متاهات واشوي الا متوهقه بمرض مثل اللي نسمع عن اللي راحو وسووو عمليات تجميل.


حبيبتي نــور الـلـيـل الحمدالله انا في لحظه فرت اني اقول حق زوجي لكن قلت ليش افتح عيونه على شي يمكن هو مو شايفه او مو حاس فيه ، وياريت حبيبتي احنا باليحرين مثلكم بالسعوديه لازم نلتزم بالنقاب بس في مجتمعنا صعبه شوي لان جامعاتنا اختلاط والاعمال والوظايف كلها اختلاط ، انا ناويه ان شاء الله اني اول ما اكمل دراستي او ربنا يوفقني في وظيفه اني اتنقب بس بالاول لازم اجرب الوضع وانا جذي وبعدين الله يسهل لي واتنقب.

اختي ليان عمر يازين هالمثل جبتيها على الجرح ، حتى انا اشوف ان اللي يعلقون كله شباب صغار مع ان الحريم الكبار في السن يمدحون خشمي وايد ويقولون خشمج سيف ، بس الظاهر ان مفاهيم الجمال اختلفت الآن بسب هالمغنيات والممثلات الله يهديهم



حبيبتي ام لين ولانا انا اسوي اللي تقولين عليه واحط مكياج غامج على الخشم بس يبين بعد ، وانا مثل ما قلت رافضه عمليات التجميل.



حبيبتي zOOna كلامج وايد حلو واهو اعاد الثقه في نفسي وخصوصا انج عايشه مثل تجربتي ، وانا بعد كنت في مرحله المراهقه والمرحله الاعداديه وايد مهمومه لهذا السبب ، بس في الثانوي ومرحله الزواج خف شوي لانج عارفه الوحده تحلو في هالمرحله فخف عندي هالأحساس، تصدقين احسن حل اللي قلتيه اني احتسب الاجر عند ربي ، بس كلام وتعليق هالناس يحرج وخصوصا اذا كان جدام احد حتى لو اختي. مشكوره حبيبيتي على كلامج الحلو اللي ان شاء الله بيحل مشكلتي.


اختي *فراوله* ساعات اتمنى ان انفي عريض ومفلطح اقول الناس ما اتعلق على هالنوع من الخشوم صج لي قالوا محد يحمد ربه على النعمه اللي فيها