انا من رأيي تركبين الكاميرا وتحمى بنتك..................

والله انا مع تركيبها والشغاله تدري لانه شي من حقي وهم في بلدهم في اي مكان او مصنع يشتغلون فيه لازم يكون مراقب وانا ناويه اركبها ان شاءالله واعلمها

انا ضد الثقة بالخادمة وضد الي يقولون تجسس..
تجسس اذا كانت بغرفتها او بالحمام اما بمطبخي ومع عيالي المفروض تكون قدامي مثل ما هي من وراي..
وذا شفت شي من وراها ما تبيني اشوفه وانا موجودة فعلى نفسها جنت براقش..
انا ما اقصد على الشغل وبس لكن فيه امور ما ينسكت عليها..
الله يغنينا عنهم بالعافية..

اختي لا تترددي مطلقا في تركيبها ..

أقول لك هالكلام بعد الراحة النفسية الي صرت أحس بها بعد تركيب الكاميرات ..

لأني زيك موظفة .. ولاحظت تغير في نفسيات بناتي بالفترة الأخيرة فقلت أكيد فيه سر ,,

وركبت الكاميرات بشكل مخفي شي كأنه إضاءة وشي كأنه كاشف دخان ..

وحطيت كاميرا بالمطبخ ووحدة بالصالة ووحدة بغرفة جلوس وأكل بناتي ووحدة في غرفتها ..

وصرت أشوفها واتابعها طول الوقت من خلال تقسيمات الشاشة ( كل الموقع تطلع بوقت واحد ) ..

وإذا بغيت اروح الدوام برمجت الفيديو المدمج عشان يسجل , وهو ممكن يسجل فترة اربعين يوم !!

ومن ساعتها وأنا مرتاحة ومتطمنة لأن كل شي صرت أشوفه على عيني ..

بس شي واحد حرق دمي وهو اني اكتشفت ان الشغالة تآكل هي فطور بنتي إذا رفضت تاكل !! بدون ما تحاول أو تكرر المحاولة !!

وعلى قولة وحدة من الأخوات هنا لفت انتباهها بأسلوب غير مباشر .. كنت غايبة عن الدوام ذاك اليوم فنزلت على وقت فطور بنتي وجلست حولهم !

وكالعادة بنتي رفضت تاكل ( بس الشغالة هالمرة ما اكلت قدامي !! سوت فيها أمينة )!! فسحبت الصينية منها بشويش وصرت أوريها وشلون تلزم على بنتي تاكل وكيف تغريها بالاكل وهي تلعب لحد ما أكلت !!

ومن بكرى أفطرت بنتي نص فطور !! العوض ولا القطيعة !! وبلا أخف من بلا !!

أهم شي لا تترددين في شي راح يريحك بالمرة ويظهر لك وش تبطن الشغالة مو بس مالك منها الا الظاهر !!

ركبيها ولا تترددي بس فيه شي محيرني وهوإذا أنقطعت الكهرباء كيف يسجل الفيديو؟ لأني إن شاء الله ناويه أركبها و المنطقه اللي ساكنه فيها دائما ينقطع فيها الكهرباء خاصة وقت الصباح والدوامات اللي عندها فكره تقولي الله يجزاها خير لأني محتاجه لها ضروري